ZEREMIAH 23:21 - Mara Bible RV (BSI)

²¹ “Hrohsopazy cha tuah leipa ei na ta, Châhrasala a parapa ta ama sie; Ama hnohta bie reih leipa na ta, Châhrasala hrohsona bie ama phuah tyh.

ZEREMIAH 23:21 ပူးပေါင်းရင်းမြစ်များ

ISAI 6:8

Chatawhcha ei Abeipa ao thei na ta, “Ahy tuah aw na ta, ahy ma eima châta a sie aw?” tah ta. Kei ta, “He liata ei y! Na tuah mah y!” tah na ta.

ZEREMIAH 14:14

Abeipa ta hetana heta einâ chhy: “Hrohsopazy ta ei moh ta haipa ta hrohsona biezy ama phuah tyh. Âmo cha ei tuapa châ leipa ei ta, biepie hra leipa ei na ta, ama hnohta bie reih hra va na. Aluahna phichhyhpa, pachaona hraoleipa nata ama palôh liata dôveina biezy ama cha chhopa a châ.

ZEREMIAH 23:32

“Mâ phichhyhpazy reipa ta hrohsona bie a phuahpazy ei dyuh ei,” Abeipa ta a tah. “Âmo cha ei tua leipa pi tlai ei nata bie ei pie leipa pi tlai ei ta, ama haipa biezy nata amâ palaina biezy ta ei phopi a paviasapazy châ ei ta, he phopi châta phahnaina rai a hnei leipazy ama châ,” Abeipa ta a tah.

ZEREMIAH 27:14

‘Babylaw bei nama chakao awpa châ vei,’ châ tahtuhpa hrohsopazy bie nathlie khuh vy. Haipa ta hrohsona bie ama cha chhopa a châ.

ZEREMIAH 27:15

Ei tuapa châ leipa ei ta, ei moh ta haipa ta hrohsona bie ama phuah. A theilâpa cha, nâmo nata nama hnohta hrohsona bie a phuahpazy râh tawhta cha to papua aw ei na ta, nama leidia aw,” Abeipa ta a tah.

ZEREMIAH 28:15

Chatawhcha hrohsopa Zeremiah ta hrohsopa Hânaniah hnohta, “Hânaniah, nathlie teh, Abeipa ta cha tuah vei, he phopi he haipa bie na pazosa hih.

ZEREMIAH 29:31

“Seichâna liata â tâhpa zydua lâ chyhsa tuah la, ama hnohta, ‘Nehelâ chyhsa Semiah kyh liata Abeipa ta hetana heta a tah: Kei ta ei tua leipa pi tlai ta, Semiah ta nama hnohta hrohsona bie phuah ta, haipa bie a cha pazosa ei.

ZEREMIAH 29:8

Pheisaihzy Abeipa, Izarei Khazohpa ta hetana heta a tah: Nama hry liata hrohsopazy nata pachaothaipazy a padôveisa leipa u la, mâ ama sapazy nathlie khuh vy.

ZEREMIAH 29:9

Ei moh ta haipa ta hrohsona bie nama hnohta ama phuahpa a châ, ei tuapa châ veih ei, Abeipa ta a tah.

ZAWHÂNA 20:21

Zisu ta ama hnohta, “Nama chô liata thlalôhna y mawh sy. Paw ta kei eina tuapa hawhta, kei ta nâmo ei cha tuah ei,” tah heih ta.

HMOTAOPAZY 13:4

Bânabâ nata Sawla cha Thlahpa Pathaihpa tuapa ta sie ei ta, Selukia khih lâ zu ei ta, cha tawhna chata Kuparâ liahpahlô lâ balyh ta sie ei ta.

RAWMA 10:15

Tuapa ama châ vei khiahta cha, kheihta bie ama chho thei aw? “Thatihpha a vaw tlôkheituhpazy phei cha â ngia kaw dia!” tahpa ta ropa a châ.