ZEREMIAH 23:19 - Mara Bible RV (BSI)

¹⁹ Moh teh u, Abeipa thlihpipa huh! Pathiiana pua ta, Khisô chothyu pua ha ta, Moleipazy luh a chanaoh aw.

ZEREMIAH 23:19 ပူးပေါင်းရင်းမြစ်များ

HLAZY 58:9

Nama beihzy ahloh tho mei ta a palalôh hlâta, Tho hrohpa ta tlyma, tho raohpa ta tlyma, Moleipa cha phi pathlahpa a châ aw.

BIESOZY 1:27

Hmo chichhihpa ta thlihpipa hawhta a cha chhei ti ei ta, Chhiena ta khisô hawhta a châ pahieh thlu ti ei ta, Nôpona nata pachârôhna a cha vaw tlô thlu ti ei ta, Ei cha pahneisao aw ei.

BIESOZY 10:25

Khisô vaw pathli ta, Moleipa y khao leipa ta, Mosiapa deikua cha chhâzaw lôbô a châ.

ISAI 21:1

He he tilaipi kiah râhchawhpa kyh chhochhieliena bie a châ: Khisô ta Neke a chanaohpa hawhta, Chariahpa cha râhchawhpa tawhta a vy ta, Râh chichhihpa tawhta â vy.

ISAI 40:24

Lopa nata tupa châ ei ta, Alei liata thari ama thla pathaopa nahta, Âmo cha a hu ta hmô ta, Ama uah ha tyh; Chatanachata sâh sihpa hawhta, Chothyu ta a phaoh pathlah ha tyh ei.

ZEREMIAH 25:31

Abeipa cha phopizy lyuhtua awpa a hneipa vâta, Â rôhpa pyu cha alei chhâna taihta a khaihpalie aw; Sapa zydua pachiana liata a ngiakhei aw ta, Hmoparaopazy cha zaozi lâ a hlâ aw ei,’ Abeipa ta a tah.

ZEREMIAH 25:32

“Pheisaihzy Abeipa ta hetana heta a tah: Moh teh u, chhiena ta râh to chahryh ta, Alei su lâhla chaipazy tawhta Chothyu ru ngaitapa a vaw thyu hai!

ZEREMIAH 30:23

Moh tua u, Abeipa thlihpipa huh! A pathiiana chothyu a chamiehpa pathli ha ta, Hmoparaopazy luh a chanaoh aw.

ZEREMIAH 30:24

A palôh achhuahnazy patlôpa ta a tao khai hlâlei cha, Abeipa hiehâhna ru ngaitapa cha kua aw vei. Noh hnôhlâzy liata cha, Cha hmozy cha nama pahno thai aw.

ZEREMIAH 4:11

Cha tina cha, he phopi nata Zerusale hnohta hetana heta ama tah aw: “Râhchawhpa awphy tlâh lakizy tawhta thlih lalôhpa ta ei phopi sawchanô lâ vaw pathli ta, châhrasala zie awpa ta tlyma, pathai awpa ta tlyma châ vei.

ZEREMIAH 51:1

Abeipa ta hetana heta a tah: “Moh teh u, paraotuhpa thlih ei pathyu aw; Babylaw chô liata pathli aw ta, Lebakâmai chyhsazy chô liata a pathli aw.

EZEKIA 1:4

Moh na ta, maw lâ tawhta thlihpipa a vaw pathlipa nata meihdo chhakaluhpa hmô na ta. Meihdo tawhta dôhla mei â zaopa ta vaw pua ta, meihdo cha khaihna ta chadô ta. Mei liah liata thua patliepa a lyupa y ta.

EZEKIA 13:13

“Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.

AMÔSÂ 1:14

Chavâta Râbâ thokhy chô liata mei patih aw na ta, Adyuhna noh ta awhsâhpa pyu hry liata, Khisô nata thlihpipa hry liata, Abei ozy a kâ khai aw.

ZEKARIA 7:14

Khisô paipa hawhta, ama pahno leipa phopizy lâta ei papai ha ei. Chavâta ama siesaipa râh cha roryhrapa ta y ta, a ngiapa nata a puapa y khao veih ei. Râh khochhih ngaitapa cha roryhrapa râh lâta ama pachâsa haw,” Pheisaihzy Abeipa ta a tah.

ZEKARIA 9:14

Abeipa ama chô liata a vaw luah aw ta, A châtai dôhla hawhta a pathli aw; Abeipa Zehôvâh ta chiahmie tô aw ta, Chho khisôzy chhaota hrâ a sie aw.