ZEREMIAH 23:17 - Mara Bible RV (BSI)

¹⁷ Abeipa bie khâpa saw ta a reih leipazy hnohta, ‘Nama châta a pha aw,’ tah ei ta, âmo palôh khopa a taopa chhorupa zydua hnohta, ‘Nama chô liata chhiena vaw tlô aw vei,’ ama tah tyh.”

ZEREMIAH 23:17 ပူးပေါင်းရင်းမြစ်များ

2 SAMUELA 12:10

Khâpasaw ta na rei leipa chi ta, Hiti chyhsa Uria lapinô cha na lapinô ta na hneipa vâta, zaozi ta na pathlazy puasai khao aw vei,’ tah ta.

ISAI 30:10

Hmôtheituhpazy hnohta, “Aluahna hmô khao khah u,” tah ei ta, Hrohsopazy hnohta, “Hmo dopa aluahna miah pahnosa khao leipa u la, Bie khochhihpazy tlao miah chhopa ta, Phichhyhpa hrohsona biezy tlao phuah teh u.

ISAI 57:21

Moleipazy châta la, Thlalôhna rai y vei,” Ei Khazohpa ta a tah.

ZEREMIAH 13:10

Ei biezy nathlie khoh leipa ta, âmo palôh chhorupa zipa ta khazoh hropazy pazi ei ta, chazy cha a chakaopa nata a chhypa, he phopi moleipa he, khâpa châta hmahta a phahnai leipa chaisaih hawhna heta ama châ aw.

ZEREMIAH 18:12

“Châhrasala âmo ta, ‘Cha cha phahnaina hnei vei! Keimo pachâpa hawhta y aw pi ta, chyhsa to keimo palôh chhorupa moleina hawhta eima tao aw,’ ama tah haw.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 3:17

Cha daihti liata, Zerusale cha Abeipa beidyuchhai tahpa châ aw ta, cha liata phopi zydua Abeipa hmiakô liata Zerusale liata a hmaoh aw ei ta, ama palôh moleina zipa ta kuhchhapa ta y khao aw veih ei.

ZEREMIAH 4:10

Chatawhcha kei ta, “Hy Abeipa Zehôvâh, he phopi nata Zerusale he dua thata na dôvei haw! ‘Thlalôhpa ta nama y aw,’ tah chi ta, châhrasala ama rao liata zaozi ta mopâpa ama châ ha he zaw,” tah na ta.

ZEREMIAH 5:12

Abeipa kyh haipa ta reih ei ta, “Khâpa hmah tao hlei aw vei; Chhiena eima chô liata vaw tlô leipa aw ta, Zaozi nata chakâhna zy a tyh aw ma pi.

ZEREMIAH 6:14

Ei phopi hmah cha, Naosiata ta patlâh a chhuahpa ta; Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

ZEREMIAH 7:24

Châhrasala zyh khoh leipa ei ta, nah pachôh khoh hra veih ei. Âmo ryhraona nata ama palôh molei kuhchhana liata sie ei ta, hmia tôh leipa ta hnôh tlao amâ sy.

ZEREMIAH 8:11

Ei phopi hmah cha, Naosiata ta patlâh a chhuahpa ta, Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

ZEREMIAH 9:14

chhorupa ta âmo palôh khopa tao ei ta, ama pathlatuhpazy ta ama pachupa hawhta, Bâlâ khazohzy ama pazipa vâta a châ.

CHAPHÔHTUNA 2:14

Na hrohsopazy ta na châta Aluahna phichhyhpa nata dôveina zy ama hmô; Vânoh na to heih thei nawpa ta, Na moleina palâhâh veih ei; Aluahna phichhyhpa nata paviana zy Na châta tlao ama hmô tyh.

EZEKIA 13:10

Thlalôhna a y leipa tlai ta, ‘Thlalôh â chhih na,’ tahpa ta, hrohsopazy ta ei phopi a chhi chhei ei ta, râhsawzy ta thokhy dadiehpa ama taopa cha hlyu râhpa hnia ei ta ama chhiehruh.

EZEKIA 13:19

Haipa bie a nathliepa ei phopi hnohta haipa bie reih ei chi ta, bâli sâh pazah kha nata viahchhâ tlâ chyhta hmô nawpa ta, ei phopi hry liata na reipachhie ei chi ta, a thi tlâh a châ leipa chyhsazy thiepa ta, a hroh tlâh a châ leipazy tlao nama pahro.’

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

AMÔSÂ 9:10

‘Chhiena ta miah chadai leipa aw ta, Miah tlô thlu aw vei,’ a tahtuhpa, Ei phopi liata moleipa zydua cha, Zaozi ta ama thi khai aw.”

MIKÂ 2:11

Chyhsa ta a khiekhâpa ta, Ziza nata haipa biezy reih sala, “Kresawhti nata sahma kyh ei cha chho aw ei,” A tah khiahta cha, Cha phopi hrohsopa a châ aw.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MIKÂ 3:5

Ei phopi a chhi chheipa hrohsopazy kyh liata, Abeipa ta hetana heta a tah: Nie awpa ama hnei nota, Adyhna phuah ei ta; Ama pakah pabie awpa a hnei leipazy hnohta, Adyuhna ama phuah tyh.

ZEPHANIA 1:12

Cha daihti liata, Meiôh ta Zerusale ei tlua aw; Nyu chaopahrâ liata Kresawhti didâh hawhta Chhôhmohpa ta y ei ta, Ama palôh liata, ‘Abeipa ta hmo phapa tao leipa aw ta, Hmo chhiepa chhao tao hlei aw vei,’ A tahtuhpazy ei hrie aw ei.

ZEKARIA 10:2

Nothlahpa khazohzy ta dôveina bie reih ei ta, Pachaothaipazy ta aluahna doleipa ama hmô; Mâsathaipazy ta haipa mâzy sa ei ta, Thlalôhna bie ruapazy ama reih tyh. Chavâta chyhsazy cha, Mietaku hawhta viavi ei ta; Vaituhpa hnei leipa vâta Pasa ama tao tyh.

MALAKHAI 1:6

“‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

MALUHREINA 11:20

Nama hry liata a ypa Abeipa dythapa ta, chana chôta Abeipa hmiakô liata paphôh ei chi ta, “Khazia ma Izi râh tawhta eima kaw pua tly?” nama tahpa vâta, thla kha chhôh tlai, aina taih nata apalithluna taihta nama nie aw,’ tahpa ta na chho aw ei,” tah ta.

LUKA 10:16

“Nama bie a theipa cha, ei bie a theipa a châ. Nâmo châ khoh leipa cha, kei nâ khoh leipa châ ta, kei nâ khoh leipa cha, nâ tuahtuhpa a khoh leipa a châ,” tah ta.

RYHPACHANEINA 29:18

A vaih teh u, chataleipatala nama hry liata chapaw tlyma, chanô tlyma, pho tlyma, chi tlyma, tanoh Abeipa eima Khazohpa tawhta ama palôh tleisaipa ta, cha phopizy a chhypa khazohzy cha ngaipa ta chakao aw ei ta, nama hry liata châmaih khapa thari a thla pathlei aw.

RYHPACHANEINA 29:19

“Cha hawhpa chyhsa ta he biehrai biezy he a thei tita, anosasyh ta a palôh ta byhnâ a awpa aw ta, ‘Ei palôh chhorupa lâpi a chhih hraw sah la, ei boh thlâh ha aw,’ tahpa ta pachâ aw ta, cha chata khihti phana râh chhao, râhchawhpa chhao, raona a tlôkhei aw.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.