ZEREMIAH 23:1 - Mara Bible RV (BSI)

¹ “Ei sibiepa su liata mietakuzy pahleipadiapa ta a papaituhpa mietaku vaituhpazy ama hu a po na!” Abeipa ta a tah.

ZEREMIAH 23:1 ပူးပေါင်းရင်းမြစ်များ

ZEREMIAH 10:21

Mietaku vaituhpazy cha ahrupa châ ei ta, Abeipa a saohiahna châh pahno veih ei. Chavâta vânoh to leipa ei ta, Ama mietaku zawzy ama pai khai haw.

ZEREMIAH 12:10

Mietaku vaituhpa hluhpi ta Ei kre sadô parao ei ta, Ei tovyuh ama tlypâ; Ei tovyuh pha ngaitapa cha, Râhchawhpa roryhrapa ama pachâsa haw.

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 2:26

“Parutuhpa pachhaipa ta a y nota a no a za kawpa hawhta, Izarei pathlazy cha no pazasapa ama châ aw: Âmo nata ama beizy no pazasapa châ aw ei ta, Ama beimachâzy nata ama theihthaipazy no pazasapa châ hra aw ei ta, Ama hrohsopazy no pazasapa ama châ aw.

ZEREMIAH 2:8

Theihthaipazy ta, ‘Abeipa khataih liata a y?’ Tah leipa ei ta; Ryhpa a hmâhtuhpazy chhao ta, Na pahno veih ei. Ryureituhpazy ta nâ dyuh ei ta, Hrohsopazy ta Bâlâ moh ta hrohsona bie phuahpa ta, Hmo phahnai leipazy amâ chadai.

ZEREMIAH 22:22

Thlih ta na mietaku vaituhpa zydua vaih aw ta, Na kyhpachâpazy sei ta ama sie aw; Nâ chhao na moleina zydua vâta, Nozapa nata nohzaopa ta na y aw.

ZEREMIAH 23:2

Chavâta Abeipa, Izarei Khazohpa ta, ei phopi a vaituhpa mietaku vaituhpazy kyh liata, hetana heta a tah: “Ei mietaku zaw papai ei chi ta, nama to haw, vaih veih ei chi. Moh teh u, nama paraopazy vâta ei cha hrie aw ei,” Abeipa ta a tah.

ZEREMIAH 50:6

“Ei phopi cha mietaku a leipa ama châ. Âmo vaituhpazy ta paviasa ei ta, Tlâhpizy lâta amâ chhi; Tlâhpi tawhta tlâhthlôh lâta viavi laih ei ta, Amâ syna mietaku o ama my haw.

EZEKIA 13:3

Abeipa Zehôvâh ta hetana heta a tah: Ama hmôpa y tlôh leipa ta, âmo palôh liata a ypa bie a phuah tyhpa hrohsopa hrupazy cha, ama hu a po kaw dia!

EZEKIA 34:1

Abeipa bie ei hnohta vaw tlô ta:

EZEKIA 34:21

Mietaku chiehleipazy cha nama papai hlâlei nama kâ nata nama ngiatlâh ta chakho ei chi ta, nama kizy ta nama daihpa vâta,

EZEKIA 34:31

Nâmo cha ei sibiepa su liata ei mietakuzy nama châ. Chyhsapazy he ei mietakuzy cha châ ei chi ta, kei he nama Khazohpa ei châ, Abeipa Zehôvâh ta a tah.”

EZEKIA 36:38

Atheihna awpa sahroh zaw hawhta, kyhchhi nohzy liata Zerusale liata sahroh zaw hawh tlai ta, khihpi rypazy cha chyhsa zawzy ta ama bie aw. Chatanachata Abeipa ei châ tahpa ama pahno aw.”

ZEKARIA 10:3

“Mietaku vaituhpazy chô liata ei hie a hâh ngaita, Chavâta mie tôhpazy cha ei hrie aw ei; A mietaku zaw Zudâh pathlazy cha, Pheisaihzy Abeipa ta pachâ kaw ta, Adyuhna arâ chahrapa hawhta a tao aw ei.

MATHAI 15:14

Âmo y ta y thlâh ha ei sa. Chhituhpa mochaopazy ama châ. Mochaopa ta mochaopa a chhihtha khiahta cha, khaohtlô liata hmaohkhata ama tla aw,” tah ta.

MATHAI 9:36

Zawpizy a hmô nahta, vaituhpa hnei leipa mietakuzy hawhta, nôpopa nata baotuhpa hnei leipa ta ama ypa vâta, âmo cha a thapasa ngaita ta.

ZAWHÂNA 10:10

Parutuhpa cha paru awpa nata thie awpa nata parao awpa leipa ta cha a vy vei. Kei la, hrona ama hnei nawpa ta, â kipa ta ama hnei nawpa ta a vypa ei châ.

ZAWHÂNA 10:12

Hriahlaopa, mietaku vaituh hmeiseih leipa cha, mietakuzy ano eih ama châ leipa vâta, changie â vypa a hmô nahta, mietakuzy cha a râsai ta, changie ta mietakuzy tai ta, a papai tyh.

ZAWHÂNA 10:8

Keima ei vy hlâta a vypa zydua kha parutuhpazy nata hraotuhpazy châ ei ta, chavâta mietakuzy ta ama bie nathlie veih ei.