ZEREMIAH 22:9 - Mara Bible RV (BSI)

⁹ “Abeipa ama Khazohpa biehrai a heihsaipa ta khazoh hropazy a chhy ei ta ama chakaopa vâta a châ,” tahpa ta amâ chhy aw.’”

ZEREMIAH 22:9 ပူးပေါင်းရင်းမြစ်များ

1 ABEIZY 9:8

He o he raona a pachona a châ aw. A chapiapa maihta noâhpa ta ama hmaotô chie aw ei ta, ‘Khazia ma Abeipa ta he râh nata he o he, he hawhta a tao ha tly?’ tah aw ei ta,

2 ABEIZY 22:17

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su he ei pathiiana mei ta pakâ aw na ta, pachhaipa châ aw vei.

2 THÂTIHZYRONA 34:25

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su chô liata ei pathiiana mei lei thlu aw na ta, pachhaipa châ aw vei.

ZEREMIAH 11:10

Ei bie a nathlie khoh leipa, âmo pathlatuhpazy moleina lâ kua heih ei ta, khazoh hropazy pazi ei ta ama chakao. Izarei pathlazy nata Zudâh pathlazy ta âmo pathlatuhpazy hnohta biehrai ei taopa ama parao haw.

ZEREMIAH 11:3

Ama hnohta, Abeipa Izarei Khazohpa ta hetana heta a tah, nama tah aw: ‘He biehrai biezy a nathlie leipa cha chhiesapa ta y mawh sy.

ZEREMIAH 16:11

hetana heta nâ chhy aw ei: ‘Châ pathlatuhpazy ta kei na siesaipa ta, khazoh hropazy pazi ei ta, cha khazohzy cha chakaopa ta, a chhy ei ta, kei na siesaipa ta, ei ryhpa ama zyh leipa vâta a châ.

ZEREMIAH 50:7

A hmôpa maihta âmo cha palâ ei ta, Ama chariahpazy ta, ‘Keimo thaileina châ vei, Âmo tlai ta siana pahrâna Abeipa chô liata molei ei ta, Âmo pathlatuhpazy hnabeiseihna Abeipa chô liata ama moleipa vâta a châ,’ ama tah.

ZEREMIAH 9:13

Abeipa ta hetana heta a tah: “Ama hmiakô liata ei sopa ei ryhpa a heihsaipa ta, ei bie zyh leipa ei ta, ei bie hawhta sie leipa ei ta,

EZEKIA 12:16

Châhrasala ama hry tawhta a chyhta zaozi pakhôkhâhsa aw ei na ta, chakâhna nata potlana ei pakhôkhâhsa aw ei. Chatanachata ama siena phopizy hry liata ama y nota, hmo pasichhihpa ama taopazy a thei aw ei ta, Abeipa ei châ tahpa ama pahno aw,” tah ta.

EZEKIA 14:23

Ama hroziezy nata ama hmotaopazy nama hmôpa ta nama thlalôh aw ta, ei taopa zydua cha a chhâpa hnei leipa ta ei taopa y vei tahpa nama pahno aw, Abeipa Zehôvâh ta a tah.”

EZEKIA 39:23

Phopizy ta Izarei pathlazy cha ama paraona vâta seichâna lâ a siepa ama châzie ama pahno aw. Ei chô liata ngâchhih leipa ta ama ypa vâta, âmo tawhta ei hmia nyupa ta, ama khakhaipazy ku liata hlâ ei na ta, zaozi ta ama pao khai hapa a châ.

EZEKIA 5:15

Hiehâhpa nata ruchhôpa ta thata cha chhoreipa ta, ei cha hrie tita, na chheipâh liata phopizy ta ama mohnaopa nata pasipasawhpa châ aw chi ta, âmo châta zikyurâna nata pachhiparyna na châ aw. Kei, Abeipa ta ei reih haw.

RYHPACHANEINA 29:24

Phopi to ta, ‘Khâpa vâta ma Abeipa ta cha râh cha, cha hawhta a tao tly? Cha hawhta hiehâhna ru ngaitapa a patlôsapa cha, khâpa ma a chhâpa a châ tly?’ ama tah aw.