ZEREMIAH 22:5 - Mara Bible RV (BSI)

⁵ He biezy he nama zyh leipa khiahta deikua cha, keima sasyh moh a reipa ta bie ei taih, he o he roryhrapa ta a y aw, Abeipa ta a tah.

ZEREMIAH 22:5 ပူးပေါင်းရင်းမြစ်များ

ÂTHAONA 22:16

“Kha hmo kha na taopa vâta, keima tlai ta bie ei châ taih. Na sawchapawpa, na sawchapaw matlupa tlai chhao pie awpa ta na thlyu leipa vâta,

2 THÂTIHZYRONA 7:19

“Nama hmiakô liata ei sopa, ei bieraopazy nata ei biepiepazy a heihsaipa ta, khazoh hropazy pangaipa ta, âmo cha chakaopa ta namâ chhy khiahta deikua cha,

2 THÂTIHZYRONA 7:21

He o rônahpa he, a chapiapa maihta noâh tahpa ta, ‘Khazia ma Abeipa ta he râh nata he o he, he hawhta a tao ha tly?’ tah aw ei ta,

2 THÂTIHZYRONA 7:22

chyhsazy ta, ‘Ama pathlatuhpazy Izi râh tawhta a chhi papuatuhpa Abeipa, ama pathlatuhpazy Khazohpa siesai ei ta, khazoh hropazy a patupa ta, a chhy ei ta, ama chakaopa vâta, Abeipa ta he chhiena zydua he ama chô liata a patlôsapa a châ,’ ama tah aw,” tah ta.

HLAZY 95:11

Chavâta pathi iapa ta bie a taih na ta, “Ei pahâna liata a ngia aw veih ei,” Ei vaw tah hapazy ama châ.

ISAI 1:20

Reingiah leipa ta einâ dyuh khiah ei chi ta deikua cha, Zaozi ta a cha nie aw ei, Abeipa pakah ta a reih haw,” tah ta.

ZEREMIAH 12:7

“Ei o siesaipa ta, Ei ryuto thy ha na ta; Ei hro ta a tlaichhai ngaitapa cha, Ei hro chariahpazy hnohta ei hlâ haw.

ZEREMIAH 17:27

Châhrasala Pahânoh pathaihsa awpa na­ta Pahânoh ta hmo phao lei awpa nata Zerusale thokhy chhikaozy liata a hmo phao a ngiakhei lei awpa ky liata ei bie nama nathlie vei khiahta deikua cha, khihpi thokhy chhikaozy liata mei patih awh na ta, Zerusale abei ozy kâ khai aw ta, pachhaipa châ aw vei.’”

ZEREMIAH 26:4

“Ama hnohta hetana heta na chho aw ei, ‘Abeipa ta hetana heta a tah: Na nathlie leipa u la, nama hmiakô liata ei sopa ei ryhpa zyh leipa u la,

ZEREMIAH 39:8

Kaldia mo ta abei o nata khihsaw o zydua mei ta rao ei ta, Zerusale thokhyzy cha parao ei ta.

ZEREMIAH 44:26

“Chavâta nâmo Izi râh liata a pahrâpa Zudâh mo zydua saih u, Abeipa bie he thei teh u: Pachâ teh u, ei moh rônahpa ta bie ei taih haw. Izi râh liata a ypa Zudâh chyhsa ahy pakah ta hmahta, ‘Ei Abeipa Zehôvâh hrona reipa ta ei reih,’ tahpa ta ei moh reih beih khao aw veih ei, Abeipa ta a tah.

AMÔSÂ 6:8

Abeipa Zehôvâh ta anosasyh ta bie a taih ha ta, Abeipa, Pheisaihzy Khazohpa ta a tah: “Zakaw apalaina pasi na ta, A thokhyzy ei hao; Chavâta khihpi nata a chhôh liata a ypa zydua cha, Ama khakhaipazy ku liata ei hlâ khai aw.”

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

MATHAI 23:38

Moh tua u, nama o cha roryhrapa ta siesaipa a châ ha hih.

HEBRAI 3:18

 pahâna liata a ngia lei awpa ta bie â taihpazy kha ahyzy ma ama châ? Reingiah leipazy kha châ veih ei ma?

HEBRAI 6:13

Khazohpa ta Abarahâ hnohta bietai a tao nona kha, ano hlâta rônah viapa moh reipa ta bie â taih nawpa a y leipa vâta, anosasyh ta bie a taih ta,

HEBRAI 6:17

Khazohpa ta â chhuahna anano beih leipa cha, bietai ryutotuhpazy hnohta tha via ta a pamosa khoh tita, bietai hmâpa ta a pa-i tyh.