ZEREMIAH 22:3 - Mara Bible RV (BSI)

³ Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

ZEREMIAH 22:3 ပူးပေါင်းရင်းမြစ်များ

2 SAMUELA 23:3

Izarei Khazohpa ta reih ta, Izarei Lôpanô ta eina chho: Adona ta chyhsazy chô liata ryureihpa ta, Khazohpa china ta ryu a reihpa cha,

2 ABEIZY 24:4

Manase ta chyhsa siapazy thisaih palo ta, Zerusale cha chyhsa siapazy thisaih ta a pabiepa vâta, Abeipa ta a ngiahthai thei vei.

ZAWBÂ 22:9

Nôhmeizy ku ruapa ta pasiesa chi ta, Paw hnei leipa bâhzy na thlie.

ZAWBÂ 24:9

Paw hnei leipa a nô sâhpi tawhta chhu ei ta, Dyhchhiepa saw sôhkâ ta ama la tyh.

HLAZY 68:5

Ano cha a pahrâna su pathaihpa liata a ypa Khazohpa châ ta, Paw hnei leipazy châta paw châ ta, Nôhmeizy a duakheituhpa a châ.

HLAZY 82:4

Chiehleipa nata phahlapazy pachha u la, Moleipazy ku tawhta âmo cha thaoh teh u.

HLAZY 94:21

Mosiapa hrona pahlei a chhuahpa ta a paraoh ei ta, Moleina a hnei leipa thisaih cha thailei ama pachâsa tyh.

HLAZY 94:6

Nôhmei nata khichhai zy thie ei ta, Paw hnei leipazy ama nyh.

PUASAINA 22:21

“Chihropa chô liata adoleipa ta na tao awpa châ leipa ta, ano cha na tlybai awpa châ hra vei. Nâmo chhao Izi râh liata chihropa nama châ hrapa kha.

PUASAINA 22:22

Nôhmei nata hârazy ama rie nama pathei awpa châ vei.

BIESOZY 23:10

Râhri lôbô hlôpazy pasie leipa la, Paw hnei leipazy lyu liata a ngia khah y.

BIESOZY 6:17

Chazy cha, â khotlâhpa mokhaohzy, Paleih haihthaipa, Paraona a hnei leipa thisaih a palopa kuzy,

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 58:6

Châ bao va, kei ta ei raopa kâhvileipa cha he he a châ: Moleina chahrynazy pathlâna noh ta hmâ awpa châ ta, Raopaky ri pahluhna noh ta hmâ awpa a châ. Tlybaipazy khotalaina piena noh ta hmâ awpa châ ta, Raopaky to thliena noh ta hmâ awpa a châ.

ISAI 58:7

Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

ZEREMIAH 19:4

Kei na siesai ei ta, âmo nata âmo pathlatuhpazy nata Zudâh beizy ta ama pahno beih leipa khazoh hropazy lâta atheihnazy hlâ ei ta, he su he papuapalei ei ta, thaileina a hnei leipazy thisaih ta ama pabie haw.

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

ZEREMIAH 26:16

Chatawhcha beimachâzy nata zawpi zydua ta theihthaipazy nata hrohsopazy hnohta, “He chyhsa he thi awpa ta a thâtih pachia tlâh châ vei, Abeipa eima Khazohpa moh ta eima hnohta bie a reihpa tlao a châ hih,” tah ei ta.

ZEREMIAH 5:28

Thawh ei ta, Ama mitlaoh pha kaw. Moleina hmo taona kyh liata deikua, Â daihpa pahno veih ei; Paw hnei leipazy amâ tivy thei nawpa ta, Adona ta ama bie pachiapa leipa ei ta, Dyhchhiepazy pikhei tovyuh a duakhei veih ei.

ZEREMIAH 7:23

‘Ei ao nathlie u la, nama Khazohpa châ aw na ta, ei phopi nama châ aw. Bie ei cha piepa zydua zyh u la, nama châta a pha aw,’ tahpa ta bie tlao ei pie ei.

ZEREMIAH 9:24

Chyhsa ta â palaikhei awpa khiahta cha, He deita he a palaikhei mawh sy: Kei Abeipa he nôphapa châ na ta, Adona nata siana alei chô liata a taotuhpa ei châzie, Novâhpa ta eina pahnona a palaikhei mawh sy. Cha hmozy cha ei lyna châ tlôh ta,” Abeipa ta a tah.

CHAPHÔHTUNA 3:36

Ryureina liata chyhsa bie pakosapa chhao, Abeipa ta paryhsa hra vei.

EZEKIA 18:12

dyhchhiepa nata phahlapazy tlybaipa ta, chyhsa hraopa ta, sôhkâ pakua leipa ta, khazoh nothlahpazy lâ a mo khaihpa ta, hmo pasichhihpa tao sala,

EZEKIA 18:7

ahy hmah tlybai leipa ta, a sôh dyu a cheituhpa ta sôhkâ a sopa pakuapa ta, ahy hmah hrao leipa sala, nodipa hnohta niedo piepa ta, thluahruapa poh pabu sala,

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

EZEKIA 45:9

“Abeipa Zehôvâh ta hetana heta a tah: Hy Izarei beizy saih u, a daih bâ se! Atudaina nata tlybaina bâhsai u la, ryureina dopa ta ryureih teh u. Siana ta hmo tao u la, ei phopi ama râh tawhta nama papua tyhpa bâhsai teh u, Abeipa Zehôvâh ta a tah.

ZÔELA 3:19

“Zudâh mo pasasa ei ta, Paraona hnei leipa thisaih ama râh liata ama palopa vâta, Izi cha roryhrapa ta y aw ta, Edômâ chhao râhchawhpa nata roryhrapa râh a châ aw.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

AMÔSÂ 5:15

Chhiena a haopa ta phana khoh u la, Thokhy chhikao liata ryureina dopa padua teh u; Cha hawhta nama tao khiahta cha, Zehôvâh, Pheisaihzy Khazohpa ta Zawsi chi laibâhpazy cha, A ngiachhie thei ngyu aw.

AMÔSÂ 5:24

Chazy hlâta cha, Ryureina dopa cha chavah hawhta loh sala, Siana cha vahtie ti kua beih leipa hawhta loh mawh sy.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

RYHPACHANEINA 10:18

Paw hnei leipazy nata nôhmeizy châta â dopa ta pachia ta, mapaihpazy kyhpachâ ta, niedo nata chysiazy a pie ei.

RYHPACHANEINA 24:17

Chihropa nata paw hnei leipazy adona nama charichamy awpa châ leipa ta, nôhmei poh sôhkâ ta nama lapa awpa châ hra vei.

RYHPACHANEINA 24:7

“Chyhsa ta a unawhpa Izarei chyhsa paru sala, sei ta ma a tao tly, a zuah tlyma, pahnopa a châ khiahta cha, parutuhpa cha thie awpa a châ. Cha hawhna chata hmo pha leipa cha nama hry tawhta nama pahlei awpa a châ.

RYHPACHANEINA 25:1

“Chyhsazy ta ama likah liata biepeipa ama hnei khiahta cha, ryureina lâ tlôkhei aw ei ta, ryureituhpazy ta ama pachia aw. Mosiapa cha thai pachâsa aw ei ta, moleipa cha thailei ama pachâsa aw.

RYHPACHANEINA 27:19

“Chihropazy, paw hnei leipazy, nôhmeizy adona a tlybaipa cha chhiesapa ta y mawh sy,” tah aw ei ta, zawpi ta, “Amen” ama tah aw.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.