ZEREMIAH 22:28 - Mara Bible RV (BSI)

²⁸ He Kôniah he beih keipa mohnaochhihpa, Ahy hmahta ama khoh khao leipa kha châ vei ma? Chavâta ano nata a pathlazy cha, Ama pahno leipa râh lâ thypa ta ama ypa châ vei ma?

ZEREMIAH 22:28 ပူးပေါင်းရင်းမြစ်များ

2 SAMUELA 5:21

Philistinâ mo ta ama khazoh nothlahpazy a râsai ha ei ta, chazy cha Dâvi nata a chyhsazy ta la ei ta.

2 THÂTIHZYRONA 21:20

Zehôrâ cha â bei pathao nota kô sythôh nata kô nopa châ ta, Zerusale liata kô charie a bei ta, a thipa a pasaih leipa y veih ei. Dâvi khihpi liata pabu ei ta, abeizy thlâ su liata deikua châ vei.

HLAZY 31:12

Athipa hawhta mypa ta y na ta, Beih keipa hawhta ei châ haw.

ZEREMIAH 14:18

Lyu lâ ei sie tita, Zaozi ta thiepazy sai hmô ei na ta; Khihpi liata ei ngia nota, Chakâhna vâta riethei pasataona sai ei hmô. Hrohsopazy nata theihthaipazy cha, Ama rai hriapa ta râh chahryh ei ta, A pachâ nawpa rai pahno veih ei.’”

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 16:12

Nâmo tlai chhao, châ pathlatuhpazy hlâta paru via ei chi ta, pachâ tua u, chyhsa to nama palôh chhorupa moleina lâpi a chhih ei chi ta, kei na nathlie khoh veih ei chi.

ZEREMIAH 17:4

Na ryuto châta ei cha piepa kha ky aw chi ta, na pahno beih leipa râh liata na chariahpazy chakaotuhpa ta ei cha tao aw. Ei hiehâna ta mei pati hapa châ ta, chhâzaw ta a kâ aw.”

ZEREMIAH 22:27

Kua heih awpa ta nama vâ ngaita awpa râh lâ he vaw kua khao aw veih ei chi.”

ZEREMIAH 22:30

Abeipa ta hetana heta a tah: “He chyhsa he saw hnei leipa ta roh la, A hro chhôh ta hlaotlohna a hnei lei awpa ta roh teh. Dâvi beidyuchhai liata a tyuhpa ta, Zudâh râh liata ryureih heih awpa ta, A chipathla ahy hmahta ama hlaotloh khao aw vei.”

ZEREMIAH 24:1

Babylaw bei Nebukaneza ta Zehôki sawchapawpa Zudâh bei Zekôniah cha, Zudâh beimachâzy nata zôthaipazy nata syudaihpazy chhaota Zerusale tawhta Babylaw lâ sei ta â chhi tawhta, he aluahna he Abeipa ta eina pahmôsapa a châ: Abeipa Achhyna o hmiakô liata patyupa theiku hrâbyh miano hmô na ta.

ZEREMIAH 27:20

Chazy cha Babylaw bei Nebukaneza ta Zehôki sawchapawpa Zudâh bei Zekôniah nata Zudâh nata Zerusale nôpawpa zydua, Zerusale tawhta Babylaw sei ta â chhi no ei ta a la leipazy a châ.

ZEREMIAH 37:1

Babylaw bei Nebukaneza ta bei châ awpa ta a raopa Zôsia sawchapawpa Zedekia cha, Zehôki sawchapawpa Kôniah vyuhpa ta Zudâh râh liata a vaw bei ta.

ZEREMIAH 48:38

Chyhsazy kho khao leipa beih keipa hawhta, Môabâ cha ei pakeichheih hapa vâta, Môabâ vâphuh zydua chaphôhtuna ta bie ta, Ama tlyliah zydua chaphôhtuna ta a bie,” Abeipa ta a tah.

HÔSIA 13:15

A unawhzy hry liata Thlaochhipa ta y hra sala, Râhchawhpa lâ tawhta Abeipa thlih, Nochhi thlih a vaw pathli aw; A chavah kua aw ta, A tihnawh a hi aw; A ryusôhpa hmo pha tozy chhao, Hrao khaipa a châ aw.

HÔSIA 8:8

Izarei cha ama palâ khai haw; Phopizy hry liata y ta, Hmobaoh hmâ tlâh leipa a châ bâ.