ZEREMIAH 22:26 - Mara Bible RV (BSI)

²⁶ Nâ nata châ satuhpa na nô cha, nama pina râh a châ leipa lâ cha thy aw ei na ta, cha liata nama thi aw.

ZEREMIAH 22:26 ပူးပေါင်းရင်းမြစ်များ

2 ABEIZY 24:15

Nebukaneza ta Zehôkhi cha Babylaw lâ a chhi ta. Abei nô, abei lapinôzy, beimachâzy nata râh liata chhituhpazy cha sei ta Babylaw lâ â chhi ha ei.

2 ABEIZY 24:8

Zehôkhi cha kô hrawh hleichariepa a châ nota a bei ta, Zerusale liata thla thôh â bei. A nô moh cha Nehustâ châ ta, Zerusale khihpa Enâthâ sawchanô a châ.

2 ABEIZY 25:27

Babylaw bei Evimerôdâ ta a ryureina â thaona kô liata, Zudâh bei Zehôkhi cha, seichâna lâ a sie tawhta kô sythôh nata kô sarina, thla hrawh hleinona, noh kih nata noh sarina noh ta patâhna o tawhta papua ta.

2 ABEIZY 25:29

Zehôkhi cha patâhna o chysiazy pahluh ta, a hro chhôh zydua ta abei tlâhkhai liata a dôh lymâ.

2 ABEIZY 25:30

 mohôhna châta, noh chareih ta â ngiahpa hawhta, Babylaw bei ta a hro chhôh zydua tovyuh a pie lymâ.

ISAI 22:17

Hy chyhsa thatlôpa, moh teh, Abeipa ta thapi ta a cha chalyu aw. Â ipa ta cha patu aw ta,

ZEREMIAH 10:18

Abeipa ta hetana heta a tah: “Moh teh u, râhsawzy cha, Cheichâ hawhta tahmâ siah pathlah ei na ta; Ama pahno thai nawpa ta, Nôpona ama chô liata ei vaw patlôsa aw.”

ZEREMIAH 13:18

Bei nata a nô hnohta hetana heta tah teh: “Dyuchhai a hnaipa liata a tyuh teh u; Nama beilakhozy tla ha ta, Nama rônahna lakho a tla haw.”

ZEREMIAH 16:13

Chavâta he râh tawhna heta cha papua aw ei na ta, nâmo nata châ pathlatuhpazy ta nama pahno beih lei­pa râh lâ ei cha pazaw ha aw ei. Cha liata chhô nah zâ ta khazoh hropazy nama chakao aw, cha ngiachhie khao aw veih ei na,’” Abeipa ta a tah.

ZEREMIAH 22:27

Kua heih awpa ta nama vâ ngaita awpa râh lâ he vaw kua khao aw veih ei chi.”

ZEREMIAH 28:4

Babylaw bei raopaky thlie aw na ta, Zehôki sawchapawpa Zudâh bei Zekôniah nata Zudâh tawhta Babylaw lâ sei ta a siepa zydua kha, he su lâ he ei vaw chhi pakhua heih aw ei, Abeipa ta a tah,” tah ta.

ZEREMIAH 29:2

Cha châ cha Bei Zekôniah, abei nô, hrilyupazy, Zudâh nata Zerusale beimachâzy, zôthaipazy nata syudaihpazy Zerusale ama puasai tawhta Zeremiah ta a ropa a châ.

ZEREMIAH 44:14

Cha hriena cha, Izi râh liata pahrâ awpa ta a vaw siepa Zudâh laibâhpa ahy hmahta khôkhâh leipa aw ei ta, hriena tawhta a boh hra leipa aw ei ta, kua heih ta pahrâ heih awpa ama kho kawna Zudâh râh lâ chhao, ahy hmahta kua heih thei aw veih ei. Arulâta a râpazy tah leipa ta cha, ahy hmahta kua heih khao aw veih ei.”