ZEREMIAH 22:21 - Mara Bible RV (BSI)

²¹ Huhiehpa ta na y nota bie châ chho na ta, Châhrasala, ‘Nathlie aw va na,’ na tah haw. Ei bie na nathlie khoh leipa he, Na thyutlia no tawhta na hrozie a châ.

ZEREMIAH 22:21 ပူးပေါင်းရင်းမြစ်များ

2 THÂTIHZYRONA 33:10

Abeipa ta Manase nata a chyhsazy hnohta bie reih ta, châhrasala nathlie leipa ei ta.

HLAZY 129:1

Tahmâ cha Izarei ta, “Ei thyutlia no tawhta ei hluhpi na pasasa ei ta,

BIESOZY 30:9

Chataleipatala lôhrâtlôpa ta y aw na ta, “Abeipa cha ahy ma a châ?” tahpa ta, Ei châ paphasai pathlei aw na. Dyhchhiepa ei châ khiahta cha paru aw na ta, Khazohpa moh ei pachhie pathlei aw na.

ISAI 48:8

Thei beih leipa ei chi ta, Pahno beih hra leipa ei chi ta, Hlâno tawhta nama nah pachôh beih veih ei chi. Haiphiahpa ta hmo nama tao aw tahpa pahno na ta, Nô chhi tawhta chakhiatuhpa ama cha tahpa na châ.

ZEREMIAH 13:10

Ei biezy nathlie khoh leipa ta, âmo palôh chhorupa zipa ta khazoh hropazy pazi ei ta, chazy cha a chakaopa nata a chhypa, he phopi moleipa he, khâpa châta hmahta a phahnai leipa chaisaih hawhna heta ama châ aw.

ZEREMIAH 19:15

“Pheisaihzy Abeipa, Izarei Khazohpa ta hetana heta a tah, moh teh u, ama kuh a pachhasa ei ta, ei biezy ama nathlie khoh leipa vâta, he khihpi chô liata nata a khichapeih zydua chô liata chhiena patlôsa awpa ta ei phuahpa kha ei vaw patlôsa aw.”

ZEREMIAH 2:25

Phei ruapa ta na y awpa pasaih leipa la, Na rao a hi awpa pasaih khah y. Châhrasala, “Hnabeiseihna y khao vei, Chihropazy vâia ha ei na ta, Âmo tlao ei pazi lâlao aw ei,” tah chi ta.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 25:3

“Amawna sawchapawpa Zudâh bei Zôsia abeina kô hrawh hleithôhna tawhta tanoh taihta, Kô kih nata kô thôh chhôh tlai, Abeipa bie ei hnohta vaw tlô tyh ta. Cha biezy cha nama hnohta ei phuah chanei ngâ thlâh ha tyh. Châhrasala nathlie veih ei chi.

ZEREMIAH 25:4

Abeipa ta a chakaotuhpa hrohsopa zydua nâmo lâ a vaw tuah chanei ngâ thlâh hapa chhao ei ta, nathlie leipa ei chi ta, ama bie thei awpa ta nama nah pachôh hra veih ei chi.

ZEREMIAH 25:7

Châhrasala na nathlie veih ei chi. Nama ku ta a taopazy ta ei hie na pahâh ei chi ta, nâmosasyh ta namâ pasasa tyh,” Abeipa ta a tah.

ZEREMIAH 25:8

“Chavâta Pheisaihzy Abeipa ta hetana heta a tah: Ei bie nama nathlie leipa vâta,

ZEREMIAH 3:24

“Châhrasala eima thyutlia daihti tawhta, nozachhihpa hmo chata miah pathlatuhpazy vaw hriapasana zydua nie khai ha ta, ama mietaku zawzy, ama viahchao hrizy, ama sawchapawzy nata ama sawchanôzy a nie khai ha ei.

ZEREMIAH 3:25

Eima thyutlia daihti tawhta tanoh taihta, keimo nata miah pathlatuhpazy ta Abeipa eima Khazohpa chô liata molei ha pi ta, Abeipa eima Khazohpa bie eima zyh leipa vâta, nozapa ta a zia sih la, eima nohzaona ta miah khu mawh sy.”

ZEREMIAH 32:30

Izarei pathlazy nata Zudâh pathlazy cha ama thyutlia no tawhta ei mohmô liata hmo pha leipa sai a taopa ama châ. Izarei pathlazy cha, ama ku ta a taopazy ta ei hie na pahâh awpa dei pahno ei ta, ama tao hropa y vei, Abeipa ta a tah.

ZEREMIAH 35:15

Nâ chakaotuhpa hrohsopa zydua nâmo lâ khâ vaw tuah ei na ta, nama hnohta, ‘Chyhsa to nama hrozie pha leipa tawhta vaw kua u la, nama hmotaopazy a phapa ta taopathi u la, khazoh hropazy pazi leipa u la, chakao khuh vy. Chatanachata nâmo nata châ pathlatuhpazy hnohta râh ei cha piepa liana heta nama pahrâ aw,’ tahpa ta khâ cha chho ei ta. Châhrasala nama nah pachôh leipa ei chi ta, na nathlie hra veih ei chi.

ZEREMIAH 48:11

“A thyutlia no tawhta Môabâ cha thadâhpa ta y ta, A beih chaopahrâ liata chhôhmohpa ta a y. Beih hropa lâ patly khaipa châ beih leipa ta, Seichâna lâ sie beih vei. Chavâta a pahâh tyhpa hawhta pahâh lymâ ta, A roh a nano beih vei.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

EZEKIA 20:13

“Châhrasala Izarei pathlazy cha râhchawhpa liana khata na chakhia ei ta, chyhsapa ta zyh sala a hro nawpa ta ei piepa ei bieraopazy a chhih leipa ei ta, ei ryhpazy dythapa ta, ei Pahânohzy thata ama papuapalei. Chavâta râhchawhpa liata pamua ha awpa ei ta, ei pathiiana ama chô liata lei thlu a chhuah na ta.

EZEKIA 20:21

Châhrasala ama pathlazy ta nâ dyuh ei ta, chyhsapa ta zyh sala a hro nawpa ta ei piepa ei bieraopazy a chhih leipa ei ta, ei ryhpazy zyh hra leipa ei ta, ei Pahânohzy ama papuapalei. Chavâta râhchawhpa liana khata ei pathiiana lei thlupa ta, ei hiehâhna cha âmo chô liata papai thlu awpa a chhuah na ta.

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

EZEKIA 20:8

“Châhrasala na chakhia ei ta, na nathlie khoh veih ei. Ama mo ta a pasô kawpa hmo pasichhihpazy cha thy leipa ei ta, Izi râh khazoh nothlahpazy chhao a heihsai veih ei. Chavâta Izi râh liana chata ei pathiiana lei thlupa ta, ei hiehâna âmo papai thlu awpa a chhuah na ta.

ZEPHANIA 3:2

Rei a ngiah leipa ta, Chhoreina chhao a pyh khoh vei. Abeipa ngâ leipa ta, A Khazohpa a hnia hra vei.

ZEKARIA 7:7

Hezy he Zerusale nata a chheipâh khihzy huhiehpa nata lôhrâtlôpa ta ama y daihti nata Neke nata Sephelâ zy liata chyhsa ama pahrâ daihti liata, hrohsopa hmiatuapazy hmâpa ta Abeipa ta a phuahpa biezy kha châ vei ma?’” tah ta.

RYHPACHANEINA 31:27

Chhorupa nata kuhchhapa nama châzie ei pahno. Pachâ tua u, tanoh ei cha hrolâh chy no ei ta hmahta Abeipa namâ dyuh khiahta cha, ei thi tawhta chhochhi cha khatlu ta ma a châ aw tly?

RYHPACHANEINA 9:24

Ei cha pahno tua noh tawh ei ta Abeipa a dyuhpa nama châ.

RYHPACHANEINA 9:7

“Râhchawhpa liata Abeipa pathi nama pa-iapa kha a thei thlâh ha u la, my beih khuh vy. Izi râh tawhta nama kaw pua noh tawhta, he su nama vaw tlôna taihta, Abeipa a dyuhtuhpazy nama châ.