ZEREMIAH 22:2 - Mara Bible RV (BSI)

² a hnohta hetana heta tah mah y: ‘Hy Zudâh bei, Dâvi beidyuchhai liata a tyuhpa, nâ nata châ chakaotuhpazy nata he ochhi liata a ngiapa na chyhsazy ta Abeipa bie he thei teh u.

ZEREMIAH 22:2 ပူးပေါင်းရင်းမြစ်များ

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

ISAI 1:10

“Nâmo, Sawdawmâ ryureituhpazy saih u, Abeipa bie thei u la, Nâmo, Kawmawrâ mo saih u, Eima Khazohpa pachuna bie lâ nama nah pachôh teh u!

ISAI 28:14

Chavâta he phopi chô liata Zerusale liata ryureih ei chi ta, Chyhsa a pahneisao thaipazy saih u, Abeipa bie thei teh u!

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 13:18

Bei nata a nô hnohta hetana heta tah teh: “Dyuchhai a hnaipa liata a tyuh teh u; Nama beilakhozy tla ha ta, Nama rônahna lakho a tla haw.”

ZEREMIAH 19:3

Hetana heta na tah aw: ‘Hy Zudâh beizy nata Zerusale khihsawzy saih u, Abeipa bie he thei teh u. Pheisaihzy Abeipa, Izarei Khazohpa ­ta hetana heta a tah: Pachâ teh u, he su liata chhiena rarôh ypa vaw patlôsa aw na ta, a theipa maihta ama nah a khai aw.

ZEREMIAH 22:1

Abeipa ta hetana heta a tah: “Zudâh bei o lâ zu la, he bie he za chho la,

ZEREMIAH 22:4

He bie he nama zyh khiahta cha, Dâvi beidyuchhai liata a tyuhpa beizy cha talailihzy nata arâzy chô liata kiapa ta, âmo nata âmo chakaotuhpazy nata ama chyhsazy cha, he o chhikaozy liana heta amâ ngia lymâ aw.

ZEREMIAH 29:20

“Nâmo Zerusale tawhta Babylaw lâta ei pasiesapa sei ta atâhpa zydua saih u, Abeipa bie nathlie teh u:

ZEREMIAH 34:2

“Zehôvah, Izarei Khazohpa ta hetana heta a tah: Vawh la, Zudâh bei Zedekia hnohta hetana heta kei chho teh, ‘Abeipa ta hetana heta a tah: Pachâ teh, he khihpi he Babylaw bei ku liata hlâ aw na ta, ano ta mei ta a rao aw.

ZEREMIAH 36:30

Chavâta Zudâh bei Zehôki kyh liata Abeipa ta hetana heta a tah: Dâvi beidyuchhai liata a tyuh awpa chipathla hnei leipa aw ta, a ri chhao nohchhô noh sapa liata nata zâ dâhaw ry liata thypa a châ aw.

ZEREMIAH 7:2

“Abeipa o chhikao liata a duah la, ama hnohta he bie he phuah teh: Abeipa a chhy awpa ta, he chhikaozy liata a ngiapa, nâmo, Zudâh mo zydua saih u, Abeipa bie he thei teh u.

EZEKIA 34:7

“Chavâta nâmo mietaku vaituhpazy saih u, Abeipa bie thei teh u:

AMÔSÂ 7:16

Chavâta tahmâ Abeipa bie he nathlie teh: “‘Izarei chakhiapa ta hrohsona bie phuah leipa la, Aisika pathla chakhiapa ta bie chho hra khah y,’ tah chi ta.

LUKA 1:32

Ano cha chyhsa rônahpa châ aw ta, Chônôchaipa Sawchapawpa bipa a châ aw. A pathlatuhpa Dâvi beidyuchhai cha Abeipa Khazohpa ta a hnohta pie aw ta,