ZEREMIAH 22:16 - Mara Bible RV (BSI)

¹⁶ Dyhchhiepa nata phahlapazy a duakhei ta, Cha cha hmo phapa a châ. Kei nâ pahnopa cha, Cha hawhta a tao awpa rai châ vei ma? Abeipa ta a tah.

ZEREMIAH 22:16 ပူးပေါင်းရင်းမြစ်များ

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

HLAZY 109:31

Abeipa cha phahlapa chachâh lâta a duah ta, Thi awpa ta thailei a pachâsatuhpazy ku tawhta pachhatuhpa a châ.

HLAZY 36:10

Châ pahnotuhpazy hnohta na kyhpachâna tleih beih leipa paluahsa lymâ la, Palôh dopazy hnohta na siana paluahsa lymâ mah y!

HLAZY 9:10

Na moh a pahnopazy ta châ ngâchhâ ei ta, Hy Abeipa, nâ cha châ tluatuhpazy a heihsai beih va chi.

BIESOZY 31:9

Na pakah âpa ta siana ta ryureih la, Dyhchhiepa nata phahlapazy adona a duakhei mah y.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ZEREMIAH 5:28

Thawh ei ta, Ama mitlaoh pha kaw. Moleina hmo taona kyh liata deikua, Â daihpa pahno veih ei; Paw hnei leipazy amâ tivy thei nawpa ta, Adona ta ama bie pachiapa leipa ei ta, Dyhchhiepazy pikhei tovyuh a duakhei veih ei.

ZEREMIAH 9:16

Âmo nata âmo pathlatuhpazy chhao ta ama pahno beih leipa phopizy hry liata papaipatla aw ei na ta, ei pahleipadia khai hlâlei ei cha zaozi ta âmo ei chadaisa aw ei.”

ZEREMIAH 9:24

Chyhsa ta â palaikhei awpa khiahta cha, He deita he a palaikhei mawh sy: Kei Abeipa he nôphapa châ na ta, Adona nata siana alei chô liata a taotuhpa ei châzie, Novâhpa ta eina pahnona a palaikhei mawh sy. Cha hmozy cha ei lyna châ tlôh ta,” Abeipa ta a tah.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

ZAWHÂNA 16:3

Paw nata kei miah ama pahno leipa vâta, cha hawhpa hmozy cha ama tao aw.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 17:6

“Khizaw tawhta la papua chi ta, kei eina piepazy chi hnohta na moh ei palâhâh haw. Âmo cha nâ eih châ ei ta, nâ ta âmo cha kei na pie chi ta, na bie ama zyh haw.

ZAWHÂNA 8:19

Âmo ta a hnohta, “Na Paw cha khataih liata a y?” tah ei ta. Zisu ta, “Kei na pahno leipa ei chi ta, ei Paw chhao pahno veih ei chi. Nâ pahnopa châ u la, ei Paw chhao nama pahno aw,” tah ta.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

1 SAMUELA 2:2

“Abeipa hawhta pathaihpa y veih ei: Nâ leipa ta mohropa y leipa ei ta, Eima Khazohpa hawhpa lôpanô y veih ei.