ZEREMIAH 22:15 - Mara Bible RV (BSI)

¹⁵ Sidy tho ta nâ zaoh nâ tiahpa vâta, Abei via pachaipa hawhta ma nâ pachâ? Na paw kha niepa ta doh ta, Adona nata siana ta ryu a reih tyh. Cha cha ano châta phana a châ.

ZEREMIAH 22:15 ပူးပေါင်းရင်းမြစ်များ

2 SAMUELA 8:15

Chatanachata Dâvi cha Izarei saw zydua chô liata ryureih ta. Dâvi cha a phopi zydua châta adona nata siana ta ryureih ta.

1 ABEIZY 10:9

Na chô liata a ly ta, Izarei beidyuchhai liata châ patyutuhpa Abeipa na Khazohpa cha reithaipa ta y maw sy! Abeipa ta Izarei he chhâzaw ta kyhpachâ ta, chavâta adona nata siana ta ryu na reih thei nawpa ta bei ta a cha tao hih,” tah ta.

2 ABEIZY 22:2

A pathlatuhpa Dâvi lâpi zydua a chhihpa ta, Abeipa mohmô liata hmo dopa tao tyh ta, chachâh lâ tlyma, chavei lâ tlyma tlei beih vei.

2 ABEIZY 23:25

Mawsi ryhpa zydua hawhta, pathipalôh tlokhuh ta nata thlahpa tlokhuh ta nata thatlôna tlokhuh ta Abeipa lâ a heihpa Bei Zôsia hawhpa cha, ano hlâta a ypa beizy hry liata ahy hmah y leipa ei ta, ano hnôhlâ ta beizy hry liata chhao ano hawhpa ahy hmah y khao veih ei.

1 THÂTIHZYRONA 3:15

Hezy he Zôsia sawchapawzy ama châ: A sawchapaw uhtheipa cha Zôhanâ châ ta, panona Zehôki châ ta, pathôhna Zedekia châ ta, papalihna cha Sâluh a châ.

2 THÂTIHZYRONA 34:2

A pathlatuhpa Dâvi lâpizy a chhihpa ta, Abeipa mohmô liata hmo dopa tao tyh ta, chachâh lâ tlyma, chavei lâ tlyma tlei beih vei.

2 THÂTIHZYRONA 35:22

Châhrasala Zôsia ta kuasai khoh leipa ta, Nekô cha a dyuh awpa ta â lânazie a panano ta. Khazohpa pakah tawhta Nekô bie reipa cha nathlie khoh leipa ta, a dyuh awpa ta Mekidô bypi lâ sie ta.

2 THÂTIHZYRONA 35:26

Zôsia hmotaopa hropa zydua, Abeipa Ryhpa liata ropa hawhta a hmo pha taopazy nata

BIESOZY 20:28

Kyhpachâna nata biehmeiseihpa ta abei cha hrôbieh ta, Ngâchhihna ta a beidyuchhai cha pabohsapa a châ.

BIESOZY 21:3

Abeipa châta cha siana nata adona ta hmo taopa he, Atheihna hlâta a pyh tlâh a châ via.

BIESOZY 25:5

Abei mohmô tawhta moleipazy la ha la, A beidyuchhai cha siana ta paduapa a châ aw.

BIESOZY 29:4

Abei ta adona ta râh padua ta, Hmopiepa a latuhpa deikua ta cha a parao tyh.

BIESOZY 31:9

Na pakah âpa ta siana ta ryureih la, Dyhchhiepa nata phahlapazy adona a duakhei mah y.

BIECHHOTUHPA 10:17

Hy râh, na bei châta bei pathla hnei chi ta, Na beimachâzy a daihti liata kyh a chhi tyhpa y, Na nohlao na! Kyhchhina liata pari awpa ta doh leipa ei ta, Thatlôna châta ama doh tyh.

BIECHHOTUHPA 2:24

Chyhsapa châta, niepa ta doh ta, a hriapasana liata alyna hneipa hlâta a pha viapa y vei. Cha chhao cha Khazohpa tawhta a châ tahpa ei hmô haw.

ISAI 3:10

Mosiapazy cha ama châta a pha aw tahpa chho mah y, Ama hmotaopa theilâpa ama nie aw.

ISAI 33:16

Cha chyhsa tlai cha su sâhpa liata a pahrâ aw. Â chhaina su cha lôpanô thokhyzy châ aw ta, A nie awpa piepa a châ aw; Ti a do awpa chhao chie aw vei.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 22:18

Chavâta Zôsia sawchapawpa Zudâh bei Zehôki kyh liata Abeipa ta hetana heta a tah: “‘Hy ei unawhpa! Hy ei sietanô!’ Tahpa ta chaphôhtupa leipa aw ei ta, ‘Hy abei! Hy bei rônah chaipa!’ Tahpa ­ta chaphôhtupa hra aw veih ei.

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 42:6

A phapa a châpa chhao ta, a chhiepa a châpa chhao ta, eima cha tuana Abeipa eima Khazohpa bie cha eima zyh aw. Abeipa eima Khazohpa bie eima zyhpa cha eima châta a pha aw,” tah ei ta.

ZEREMIAH 7:5

“Nama hroziezy nata nama hmotaopazy liata a taopathi u la, adona ta a zaokhi raihriepa ta,

LUKA 11:41

A chhôh liata hmo a ypa cha dyhchhiepazy pie awpa ta hmâh teh u, chatanachata nama châta ato a pathaih aw.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.