ZEREMIAH 22:10 - Mara Bible RV (BSI)

¹⁰ A thi hapa chakhei leipa u la, Mâchhie sapa hra khah u. Â paih hapa deikua cha, Vaw kua khao leipa aw ta, A pina râh a hmô heih khao lei awpa vâta, Thata cha­khei teh u.

ZEREMIAH 22:10 ပူးပေါင်းရင်းမြစ်များ

2 ABEIZY 22:20

Chavâta pachâ teh, châ pathlatuhpazy hnohta cha pahlyh aw na ta, thlalôhpa ta thlâkhaoh a ngia aw chi ta, he su chô liata chhiena ei patlôsa awpa cha, na mo ta hmô aw vei,’ tahpa ta nama chho aw,” tah ta. Cha biezy cha abei lâ tlôkhei ei ta.

2 ABEIZY 23:29

Zôsia â bei nota, Izi bei Phiraoh Nekô cha Asuria bei a dyuh awpa ta Ufrâti chavah lâ khy ta. Bei Zôsia cha sie ta, Phiraoh Nekô cha Mekidô khih liata a kei duakhâh ta. Phiraoh Nekô ta Zôsia cha hmô ta, a thie haw.

2 THÂTIHZYRONA 36:4

Izi bei ta Zehôahâ unawhpa Eliakima cha Zudâh nata Zerusale bei ta tao ta, a moh Zehôki tahpa ta a panano. A unawhpa Zehôahâ cha Nekô ta Izi râh lâ â chhi haw.

BIECHHOTUHPA 4:2

Chatawhcha athipazy kyh patuapalua na ta, a thi hapazy kha a hroh chypazy hlâta vâpha viapa ama châzie ei palôh liata â vaw lâ.

ISAI 57:1

Mosiapa leidia ta, A pachâ muaruapa y leipa ei ta; Khazohpa a pachâpazy lapa châ ei ta, A chhâpa a pahnopa y veih ei. Mosiapa cha chhiena a vaw tlô awpa tawhta lapa châ ta,

ZEREMIAH 16:7

Mâchhiesapazy cha athipa amâ ngiahna thlapalôh awpa ta, ahy hmahta niedo pie leipa aw ei ta, ama paw tlyma, ama nô tlyma, athipa amâ ngiahna hnapangâhna nyu doh awpa chhao ahy hmahta pie aw veih ei.

ZEREMIAH 22:11

Zôsia sawchapawpa Zudâh bei Sâluh, a paw Zôsia vyuhpa ta ryureih ta, he su tawhta a pua hapa kyh liata, Abeipa ta hetana heta a tah: “He su lâ he vaw kua khao aw vei.

ZEREMIAH 22:18

Chavâta Zôsia sawchapawpa Zudâh bei Zehôki kyh liata Abeipa ta hetana heta a tah: “‘Hy ei unawhpa! Hy ei sietanô!’ Tahpa ta chaphôhtupa leipa aw ei ta, ‘Hy abei! Hy bei rônah chaipa!’ Tahpa ­ta chaphôhtupa hra aw veih ei.

ZEREMIAH 22:27

Kua heih awpa ta nama vâ ngaita awpa râh lâ he vaw kua khao aw veih ei chi.”

ZEREMIAH 25:27

“Chatawcha ama hnohta hetana heta na tah aw: ‘Pheisaihzy Abeipa, Izarei Khazohpa ta hetana heta a tah: Nama hry liata zaozi ei vaw tuah awpa vâta, doh u la, pari u la, pali u la, pao u la, thyu khao khah u.’”

ZEREMIAH 28:4

Babylaw bei raopaky thlie aw na ta, Zehôki sawchapawpa Zudâh bei Zekôniah nata Zudâh tawhta Babylaw lâ sei ta a siepa zydua kha, he su lâ he ei vaw chhi pakhua heih aw ei, Abeipa ta a tah,” tah ta.

ZEREMIAH 42:18

“Pheisaihzy Abeipa, Izarei Khazohpa ta hetana heta a tah: Zerusale khihsawzy chô liata ei hiehâhna nata ei pathiiana ei lei thlu hapa hawhna ei khata, Izi râh lâ nama sie tita chhao, ei pathiiana nama chô liata ei cha lei thlu hra aw ei. Chatanachata chyhu sa thlupa, pachhiparypa, chhiesapa nata pasipasawhpa châ aw ei chi ta, he su he hmô heih khao veih ei chi.

ZEREMIAH 44:14

Cha hriena cha, Izi râh liata pahrâ awpa ta a vaw siepa Zudâh laibâhpa ahy hmahta khôkhâh leipa aw ei ta, hriena tawhta a boh hra leipa aw ei ta, kua heih ta pahrâ heih awpa ama kho kawna Zudâh râh lâ chhao, ahy hmahta kua heih thei aw veih ei. Arulâta a râpazy tah leipa ta cha, ahy hmahta kua heih khao aw veih ei.”

CHAPHÔHTUNA 4:9

Lyu kôvei y leipa vâta, Nodi thachhâpa ta y ta; Nodipa ta thipa hlâta la, Zaozi ta thipa a pha via.

EZEKIA 24:16

“Chyhsa sawchapawpa y, moh teh, na mo lôhrâtlôna kha eikhapi ta ei cha lapa ha aw. Mâchhie na sa awpa châ leipa ta, na cha awpa châ hra leipa ta, na mothlih a tla awpa châ hra vei.

LUKA 23:28

Zisu cha âmo lâ a heih ta ama hnohta, “Zerusale sawchanôzy saih u, na chakhei khah u, nâmo nata nama sawzy châta tlao cha teh u.