ZEREMIAH 21:9 - Mara Bible RV (BSI)

⁹ He khihpi chhôh liata a ypazy cha zaozi ta tlyma, chakâhna ta tlyma, potlana ta tlyma thi aw ei ta, châ dôhtuhpa Kaldia mo lâ puapa ta âmo ku liata â piepazy deikua cha, hroh aw ei ta, hraona sôh hawhta pachâpa ama châ aw.

ZEREMIAH 21:9 ပူးပေါင်းရင်းမြစ်များ

ZEREMIAH 14:12

Kâhvileipa ta y hra ei sala, ama awna ao nathlie leipa aw na ta, raopa hlâna nata niepa hlâna zy hlâ hra ei sala, a pyh aw va na. Zaozi nata chakâhna nata potlana zy ta âmo cha tlao ei pahleipadia aw ei.”

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

ZEREMIAH 24:10

Âmo nata âmo pathlatuhpazy ei piepa râh tawhta tlokhuh pahleipadia khaipa ama châna taihta, ama chô liata zaozi, chakâhna nata potlana zy ei tuah lymâ aw.”

ZEREMIAH 27:11

Babylaw bei raopakypa a kypa ta, ano a chakaopa phopi deikua cha, ama râh ualua liata paysa aw ei na ta, cha liata lyu tao aw ei ta, cha liata ama pahrâ lymâ aw,” Abeipa ta a tah.

ZEREMIAH 27:12

Chatanachata Zudâh bei Zedekia cha hetana heta ei chho: “Babylaw bei raopakypa a kypa ta, ano nata a phopi cha chakao u la, hroh teh u.

ZEREMIAH 27:13

Babylaw bei a chakao leipa phopi kyh Abeipa ta a rei hapa hawhna khata, khazia zaozi, chakâhna nata potlana zy ta nâ nata na phopi nama thi aw tly?

ZEREMIAH 38:2

“Abeipa ta hetana heta a tah: he khihpi liata a ypazy cha, zaozi nata chakâhna nata potlana ta thi awh ei ta, Kaldia mo lâ a puapazy deikua cha ama hroh aw. Chariah patupa hawhta hroh aw ta, a hrona chhâ cha a pabohsa aw.

ZEREMIAH 38:3

Abeipa ta hetana heta a tah: Khihpi he Babylaw bei pheisaihzy ku liata hlâpa châ tlai aw ta, âmo ta ama la aw,” tahpa ta a reipa cha thei ei ta.

ZEREMIAH 39:18

Cha pachha tlai aw na ta, zaozi ta pao leipa aw chi ta, kei eina ngâpa vâ chi ta, na hrona na paboh aw, Abeipa ta a tah,’ tahpa ta kei chho mah y,” tah ta.

ZEREMIAH 45:5

Nâma châta hmo rônahpa na tlua ma? Tlua khah y. Hmohrohneipa zydua chô liata chhiena vaw patlôsa aw na ta, nâ deikua cha, na siena maih liata chariah tawhta â bohpa ta ei cha paysa lymâ aw, Abeipa ta a tah,” tah ta.

EZEKIA 5:12

Na khihsawzy su thôh su kha cha, potlana nata khihpi chhôh liata chakâhna ta ama thi aw. Su thôh su kha hropa cha, na chheipâh zydua liata zaozi ta ama pao aw. Su thôh su kha hropa heih cha, ziza zydua lâta hiepatla aw ei na ta, ei zaozi phia aw na ta, ei chadai aw ei.