ZEREMIAH 21:5 - Mara Bible RV (BSI)

⁵ Keima tlai ta hiehâhpa nata ruchhôpa nata pathiiana ru ngaitapa ta na chô liata ei ku hy aw na ta, bâh thatlôpa ta ei châ dyuh aw.

ZEREMIAH 21:5 ပူးပေါင်းရင်းမြစ်များ

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

PUASAINA 9:15

Ei ku pazawhpa ta, potlana hri ta nâ nata na phopi cha tupa ta, khizaw tawhta ei cha pahleipadia bâ awpa ei a châ taraw.

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 63:10

Châhrasala Abeipa cha a dyuh ei ta, A Thlahpa Pathaihpa pachâ thata ama parôhsapa vâta, Abeipa cha ama chariahpa lâta a lie ha ta, Ano tlai ta â dyuh ha ei.

ISAI 9:12

Nochhi lâta Aramia mo ama pakah â aw ei ta, Notla lâta Philistinâ mo chhao ama pakah â hra aw ei ta, Izarei cha ama palâ khai aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:21

Manase ta Epharai nie aw ta, Epharai ta Manase a nie aw; Ama pano ta Zudâh amâ dyuh khoh aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 32:17

Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

ZEREMIAH 32:37

Moh teh u, ei hiehâhna, ei pathiiana nata ei ruchhôna ru ngaitapa ta âmo ei to papua hana râh zydua tawhta pakhy heih aw ei na ta, he su lâ he a vaw chhi pakhua aw ei na ta, â bohpa ta ei paysa aw ei.

ZEREMIAH 36:7

Abeipa ta he phopi chô liata hiehâhna nata pathiiana a phuahpa kha pasa ngaita tlôh ta, chavâta zawngiah awpa ta amâ hawna cha Abeipa hmiakô liata vaw tlôpa ta, chyhsa to ama hrozie chhiepa tawhta amâ palie thei ngyu aw lah,” tah ta.

ZEREMIAH 37:10

Châ dyuhtuhpa Kaldia pheisaih zydua pahnie khai ha u la, hmahphaohpazy deita ama poh o chhôh liata ama ypa chhao ta, vaw thyu aw ei ta khihpi he mei ta ama rao pyly aw.’”

ZEREMIAH 6:12

Râh liata a pahrâpazy chô liata ei ku hy aw na ta, Ama ozy cha mohropazy piepa châ aw ta, Ama lyu nata lapinôzy chhao­ mohropazy piepa a châ aw,” Abeipa ta a tah.

CHAPHÔHTUNA 2:3

Hiehâhna rupa ta Izarei ki zydua chhawh pachhô ta; Chariah hmia liata, Âmo tawhta a ku chachâh lâ â dao haw; Meipaleih hawhta Zakaw pathlazy hry liata kâ ta, A chheipâh zydua a kâ khai haw.

EZEKIA 39:3

Na ku chavei lâ liata na libaw chakhyh pathlah aw na ta, na ku chachâh lâta na châtaizy ei patlasa aw.

EZEKIA 5:8

Abeipa Zehôvâh ta hetana heta a tah: Pachâ teh u, keima tlai ta châ dyuh aw na ta, phopizy mohmô liata ei cha hrie aw.

RYHPACHANEINA 4:23

A vaih teh u, chataleipatala Abeipa nama Khazohpa ta nama hnohta bie a hraipa mypa ta, nothlahpazy taopa ta, Abeipa nama Khazohpa ta kheihawhpa a lyupa nothlahpa hmah tao lei awpa ta a pakhâpa nama tao pathlei aw.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?