ZEREMIAH 21:4 - Mara Bible RV (BSI)

⁴ “Zedekia cha hetana heta kei chho teh u, ‘Abeipa, Izarei Khazohpa ta hetana heta a tah: Pachâ teh, thokhy khôtho lâta châ dôhtuhpa Babylaw bei nata Kaldia mo nâ dyuhna chariah chhaichhi na ku liata a ypazy kha, nâ lâ vaw pakuasa aw na ta, Babylaw bei nata Kaldia mo cha, he khihpi chhôh lâ hmaohkha ta ei vaw pangiasa aw ei.

ZEREMIAH 21:4 ပူးပေါင်းရင်းမြစ်များ

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 13:4

“Tlâhpizy liata zawpi atymâna pyu cha nathlie u la, Zasâh manôh hluh ngaitapa pyu a lyupa cha nathlie tua u! Khinarâhzy palopasahpa pyu cha nathlie u la, Râhzy ahmaohpakhypa pyu cha nathlie tua u! Pheisaihzy Abeipa ta adyuhna châta Pheisaihzy a pahmaohpa pyu a châ chuh.

ISAI 5:5

Chavâta ei kre sadô chô liata ei tao awpa Tahmâ ei cha chho aw ei. A diahpai phie aw na ta, Nie khaipa ta a y aw. A diahsua parao aw na ta, Tlypâpa ta a y aw.

ZEREMIAH 20:4

Abeipa ta hetana heta a tah: Pachâ teh, Nâma châta nata na viasa zydua châta chichhihpa ta ei cha tao aw. Âmo cha eina moh thlâh ha no ei ta, ama chariahpazy zaozi ta ama pao aw. Zudâh mo zydua cha Babylaw bei ku liata hlâ khai aw ei na ta, Babylaw lâ sei ta a chhi aw ei ta, zaozi ta a thie aw ei.

ZEREMIAH 21:3

Zeremiah ta âmo cha hetana heta a chho ei:

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

ZEREMIAH 32:3

He hawhta hrohsona bie a phuahpa vâta Zudâh bei Zedekia ta a patâhpa a châ: “Abeipa ta hetana heta a tah: He khihpi he Babylaw bei ku liata hlâ aw na ta, ano ta a la aw.

ZEREMIAH 32:5

Zedekia cha Babylaw lâ a chhi aw ta, ano ei vaw tly hlâlei cha, cha liata a y thlâh ha aw. Kaldia mo cha a dyuh hra u la, pahnie aw vei ei chi, Abeipa ta a tah.”

ZEREMIAH 33:5

Kaldia mo a dyuh awpa ta a vy taraw ei ta, châhrasala ozy cha ei hiehâhna nata ei pathiiana ta ei thiepa rizy ta pabiepa tlao châ ei ta, ama moleina zydua vâta, he khihpi he ei hmia ei nyusai hapa kha a châ.

ZEREMIAH 35:17

Chavâta Abeipa, Khazohpa Atotaotheipa, Izarei Khazohpa ta hetana heta a tah: Pachâ teh, Zudâh nata Zerusale khihsawzy cha, ama hnohta bie reih na ta, nathlie leipa ei ta, aw ei na ta eina chyh-ei leipa vâ ei ta, ama chô liata chhiena patlôsa awpa ei phuahpa zydua kha, ama chô liata ei patlôsa aw,” tah ta.

ZEREMIAH 39:3

Babylaw bei beimachâ zydua a vy ei ta, a liah thokhy chhikao liata a tyuh ei ta. Nekâsareze, Samkânebô, beimachâ hyutuh chaipa Sâseki nata pheisaih hyutuhpa Nekâsareze nata Babylaw bei beimachâ hropa zydua a hlao khai ei ta.

ZEREMIAH 52:18

Beihzy, buchâh linazy, meiôh lao chakienazy, rahôzy, ropahâhpa raona beihkohzy nata Achhyna o liata chakaona châta hmâpa dawh hmobaoh zydua la khai ei ta,

CHAPHÔHTUNA 2:3

Hiehâhna rupa ta Izarei ki zydua chhawh pachhô ta; Chariah hmia liata, Âmo tawhta a ku chachâh lâ â dao haw; Meipaleih hawhta Zakaw pathlazy hry liata kâ ta, A chheipâh zydua a kâ khai haw.

CHAPHÔHTUNA 2:5

Abeipa cha chariahpa hawhta châ ha ta, Izarei a palâ khai haw; A bei ozy palâ khai ha ta, A thokhyzy a parao khai haw; Zudâh sawchanô chhôh liata, Mâchhiesana nata chaphôhtuna a papôh haw.

CHAPHÔHTUNA 2:7

Abeipa ta a maisâh thy ta, A supathaihpa a dytha haw; A bei o thokhyzy chhao, A chariahpa ku liata a hlâ haw; Kyhchhi noh ta taopa hawhta, Abeipa o liata thata ama awh.

EZEKIA 39:3

Na ku chavei lâ liata na libaw chakhyh pathlah aw na ta, na ku chachâh lâta na châtaizy ei patlasa aw.

HÔSIA 9:12

Saw amâ pyhpa chhao ta, Pakha hmah ama y khao leina taihta Mâchhie ei pasasa lymâ aw ei. Ei heihsai ti ei ta cha, Ama hu a po tlai aw.

ZEKARIA 14:2

Zerusale a dyuh awpa ta phopi zydua ei pahmaoh aw. Khihpi lapa châ aw ta, ozy hraopa a châ aw. Chanôzy patupakhipa ta ama y aw. Khihpi khophie seichâna râh lâ sie aw ei ta, phopi laibâhpazy deikua cha, khihpi tawhta chhawh pathlahpa châ aw veih ei.

MATHAI 22:7

Abei cha a hiehâh ngaita ta, a pheisaihzy tuah ta, cha liany cheituhpazy cha pahleipadia ei ta, ama khih chhao rao ei ta.