ZEREMIAH 21:14 - Mara Bible RV (BSI)

¹⁴ “Nama hmotaopa theilâpa lymâ hawhta cha hrie aw ei na ta, A râhmâhpa liata mei patih aw na ta, A chheipâh liata a ypa zydua a kâ khai aw,” Abeipa ta a tah.

ZEREMIAH 21:14 ပူးပေါင်းရင်းမြစ်များ

2 THÂTIHZYRONA 36:19

Khazohpa o cha mei ta rao ei ta, Zerusale thokhy pacho ei ta, a chhôh liata abei o zydua mei ta rao ei ta, hmobaoh sôhpa zydua ama parao khai haw.

BIESOZY 1:31

Âmo yzie thei nie aw ei ta, Âmo hmotaopazy ta lôhrâ amâ patlô aw.

BIESOZY 12:14

Chyhsa cha a reikah thei tawhta hmo phapa ta a lôhrâ patlô ta, Ano ku hmotaopa tlai ta ano lâ a vaw lie thlu heih tyh.

ISAI 10:12

Chatawhcha hetana heta a vaw châ aw. Abeipa ta Zaio Tlâh nata Zeru­sale chô liata a raihria zydua a paloh tita, Asuria bei cha a palôh laina bie nata a mo â pasâhsana vâta a hrie aw.

ISAI 10:16

Chavâta Pheisaihzy Abeipa Zehôvâh ta, Asuria bei pasaipha thatlôpazy chô liata chaohna hri a patlôsa aw; Â papiparysana ry liata mei patipa châ aw ta, Meipaleih ta a kâ khai aw.

ISAI 24:21

Cha noh liata, vâmo a palaipazy cha, Abeipa ta avâ liata hrie aw ta; Lei beizy chhao, Lei liata a hrie aw ei.

ISAI 37:24

Châ chakaotuhpazy hmâpa ta Abeipa pasipasawh chi ta, ‘Ei talailih hluhpi chhaota tlâh sâhpazy kiah na ta, Lebanaw chhâna taihta ei kiah haw; A sidy tho a sâh chaipazy thlu na ta, A meisah tho pha chaipazy ei thlu haw; A tlâh sâh chaipa tlô ha na ta, A râhmâhpa pha chaipa ei ngia haw.

ZEREMIAH 11:16

Abeipa ta, ‘Ôli tho hrohpa, thei pha a patheipa tho a ngiapa,’ tahpa ta moh a cha bipa kha na châ. Châhrasala chothyu ru ngaitapa a hrâhna hry liata mei ta rao aw ta, a chiahzy a thlie khai ha aw ei.

ZEREMIAH 11:22

Chavâta Pheisaihzy Abeipa ta hetana heta a tah: “Moh teh u, âmo cha ei hrie aw ei. Satliapazy zaozi ta thi aw ei ta, ama sawchapawzy nata ama sawchanôzy chakâhna ta ama thi aw.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 17:27

Châhrasala Pahânoh pathaihsa awpa na­ta Pahânoh ta hmo phao lei awpa nata Zerusale thokhy chhikaozy liata a hmo phao a ngiakhei lei awpa ky liata ei bie nama nathlie vei khiahta deikua cha, khihpi thokhy chhikaozy liata mei patih awh na ta, Zerusale abei ozy kâ khai aw ta, pachhaipa châ aw vei.’”

ZEREMIAH 22:1

Abeipa ta hetana heta a tah: “Zudâh bei o lâ zu la, he bie he za chho la,

ZEREMIAH 22:7

Châ parao awpazy pachhuahpanoh aw ei na ta, Ama chariah chhaichhi a chaba chyupa ta, Na sidy tho pha chaipazy thlu aw ei ta, Mei liata ama ti aw.

ZEREMIAH 32:19

ryhrao thai ngaitapa nata hmotao thei ngaitapa na châ. Chyhsapa sawzy hrozie zydua na mo ta a hmôtuhpa châ chi ta, chyhsa to ama hrozie nata ama hmotaopazy theilâpa hawhta lymâ a pietuhpa na châ.

ZEREMIAH 46:23

A chariahpazy cha, Khawsu hlâta hluh via ei ta, Rei tiah awpa châ veih ei; Chavâta chahryh khai thei rimâ awpa a châ leipa, Izi râhmâhpa chhao ama thlu khai aw.

ZEREMIAH 50:32

“Apalaipa chyhsa cha, A chapiapa ta pao aw ta, A pathyu awpa y aw veih ei; A khihpizy liata mei patih aw na ta, A chheipâh liata a ypa zydua a kâ khai aw.

ZEREMIAH 52:13

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

ZEREMIAH 6:19

Hy leilô y, nathlie teh; Ei biezy nathlie leipa ei ta, Ei ryhpa ama dythapa vâta, Ama hmotaopa theilâpa chhiena cha, He phopi chô liata ei vaw patlôsa aw.

ZEREMIAH 6:29

Syuhu ta mei thata hmô ta, Ky cha mei liata a zao khai haw. Moleipazy thypa ama châ leipa vâta, Pathaisana rai cha hraoleipa a châ tyh.

ZEREMIAH 9:25

“Moh teh u, sapa lia deita ta chopawtaipazy ei hrie nawpa nohzy a vaw tlô hai.

CHAPHÔHTUNA 2:3

Hiehâhna rupa ta Izarei ki zydua chhawh pachhô ta; Chariah hmia liata, Âmo tawhta a ku chachâh lâ â dao haw; Meipaleih hawhta Zakaw pathlazy hry liata kâ ta, A chheipâh zydua a kâ khai haw.

EZEKIA 21:3

Izarei râh hnohta, ‘Abeipa ta hetana heta a tah: Moh teh, ei châ dyuh hih. Ei zaozi a paih tawhta phia aw na ta, mosiapa chhao moleipa chhao, nâma tawhta ei chhawh pathlah khai ha aw ei.

MIKÂ 7:13

Râh deikua cha a chhôh liata a pahrâpazy vâta, Roryhrapa ta y aw ta; Ama hmotao theilâpazy vâta, Roryhrapa ta a y aw.

ZEKARIA 11:1

Hy Lebanaw, na ochhizy pahy teh, Na sidy thozy mei ta a kâ khaina hâh ta.