ZEREMIAH 21:13 - Mara Bible RV (BSI)

¹³ “Hy saikao liata a pahrâpazy saih u, Ei châ dyuh ei; Hy bypi lôpanô, Ei châ dyuh. ‘Ahy ma miah a zuhnao aw ta, Ahy ma eima ynazy liata a vaw ngia aw?’ A tah tyhpazy saih u, Ei châ dyuh ei,” Abeipa ta a tah.

ZEREMIAH 21:13 ပူးပေါင်းရင်းမြစ်များ

HLAZY 125:2

Tlâhpizy ta Zerusale a chadôpa hawhta, Abeipa ta a phopi cha tahmâ tawhta chhâzaw ta a ypâ lymâ aw.

PUASAINA 13:20

Sukô su tawhta pua ei ta, râhchawhpa chhâna Ethâmâ su liata a rie ei ta.

PUASAINA 13:8

Cha noh liata, nama sawzy hnohta, ‘Izi râh tawhta eima kaw pua nota Abeipa ta eima châta a taopa zydua vâta, he hmo he eima taopa a châ,’ nama tah aw.

ISAI 22:1

He he aluahna saikao kyh chhochhieliena bie a châ: Khâpa ma châ patypamâ ei tly, Vâphuh lâ dia nama kia khai haw?

ZEREMIAH 17:3

Na râh su to liata su sâhpazy taopa ta moleina hmo na taopazy vâta, lyurâhpa liata tlâhpizy nata na hneirôna nata na ryusôhpazy cha, na chariahpazy hnohta hraona sôh châta ei pie aw ei.

ZEREMIAH 21:5

Keima tlai ta hiehâhpa nata ruchhôpa nata pathiiana ru ngaitapa ta na chô liata ei ku hy aw na ta, bâh thatlôpa ta ei châ dyuh aw.

ZEREMIAH 49:16

Nâ lôkhaohzy liata pahrâ chi ta, Tlâh laki liata a tlaih tyhpa y, Chichhihna na taopa ta cha dôvei ta, Na palôh apalaina ta a cha dôvei haw. Pahmôhpi bu tlu ta a sâhpa ta na bu tu hra la, Cha tawhna chata ei châ dao pathlah aw,” Abeipa ta a tah.

ZEREMIAH 50:31

“Hy nâ, chyhsa a palaipa, ei châ dyuh; Na noh vaw tlô ha ta, Ei cha hrie nawpa daihti a vaw tlô haw,” Pheisaihzy Abeipa Zehôvâh ta a tah.

ZEREMIAH 51:25

“Hy khizaw zydua a paraotuhpa tlâhpi, Moh teh, ei châ dyuh hih; Na chô liata ei ku hypa ta, Lôkâh sâhpa tawhta cha pahluah aw na ta, Tlâh kâupa ta ei cha tao aw” Abeipa ta a tah.

ZEREMIAH 7:4

‘He he Abeipa Achhyna o a châ, Abeipa Achhyna o a châ, Abeipa Achhyna o a châ,’ tahpa haipa biezy nama zo awpa châ vei.

CHAPHÔHTUNA 4:12

Khakhaipa nata chariahpa ta Zerusale thokhy chhikao â ngia thei awpa cha, Lei beizy ta zo leipa ei ta, Khizaw chyhsa ahy hmahta zo veih ei.

EZEKIA 13:8

Chavâta Abeipa Zehôvâh ta hetana heta a tah: “Biedoleipa reih ei chi ta, aluahna phichhyhpa nama hmôpa vâta, moh teh u, ei châ dyuh ei, Abeipa Zehôvâh ta a tah.

EZEKIA 21:3

Izarei râh hnohta, ‘Abeipa ta hetana heta a tah: Moh teh, ei châ dyuh hih. Ei zaozi a paih tawhta phia aw na ta, mosiapa chhao moleipa chhao, nâma tawhta ei chhawh pathlah khai ha aw ei.

EZEKIA 34:10

Abeipa Zehôvâh ta hetana heta a tah: Pachâ teh, mietaku vaituhpazy ei dyuh ei. Ei mietakuzy leidiana kyh liata âmo ku liata maophaohna soh aw na ta, mietakuzy ama mohôhna chhao ei pachhâsa aw. Chatanachata mietaku vaituhpazy cha âmosasyh a pasa khao aw veih ei. Mietakuzy cha ama pakah tawhta pachha aw ei na ta, âmo nie awpa châ khao aw veih ei.

EZEKIA 5:8

Abeipa Zehôvâh ta hetana heta a tah: Pachâ teh u, keima tlai ta châ dyuh aw na ta, phopizy mohmô liata ei cha hrie aw.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

NÂHU 2:13

“Pachâ teh, ei châ dyuh na,” Pheisaihzy Abeipa ta a tah. “Na talailihzy rao aw na ta, A khuh ta ei pakhusa aw; Na chakeibarôhneipa lochopazy chhao, Zaozi ta pahleipadiapa ama châ aw. Sa na tai awpazy cha, Alei tawhta pachhâsa aw na ta, Na lyuhchâpazy ao theipa châ khao aw vei.”