ZEREMIAH 20:9 - Mara Bible RV (BSI)

⁹ “Abeipa pado leipa aw na ta, A moh ta bie reih khao aw va na,” Tah hraw sah la, Ei rupa chhôh liata mei iapa â khôpa hawhta, Ei palôh liata y ta, A chalihkhei a chhuah taraw na ta, Châhrasala a chalihkhei thei va na.

ZEREMIAH 20:9 ပူးပေါင်းရင်းမြစ်များ

HLAZY 39:3

Ei chhôhsolôh thata sah ta, Ei pachâna mei hawhta kâ ta, Ei paleih ta ei reih ha bâ.

ZEREMIAH 23:29

“Ei bie cha mei hawhta châ ta, lôpanô a pakeichheih khai theipa syulô hawhta châ vei ma?” Abeipa ta a tah.

ZEREMIAH 23:9

He he hrohsopazy kyh a châ: Ei chhôhso palôh keichheih ta, Ei rupa zydua â chalyu; Abeipa vâta nata a bie pathaihpa vâta, A paripa hawhta châ na ta, Kresawhti ta a pahniepa chyhsa hawhta ei châ.

ZEREMIAH 4:19

Ei pasa rimâ cha, ei pasa rimâ cha! Ei taikalô pâ ngâ kaw dia! Aw, ei palôh pasa rimâ cha! Ei châh-ao thata a chalyu ta, Y molo thai khao va na. Chiahmie pyu thei na ta, Adyuhna rahaopa pyu ei thei.

ZEREMIAH 6:11

Chavâta Abeipa pathiiana ta bie na ta, Mao-oh ngâ thlâh hapa he ei tha a chhâ kaw bâ. “Na pathiiana cha khiliah liata hawtizy chô liata patlai la, Satlia a y pakhypazy chô liata patlai mah y. A chanô chapaw ta lapa châ aw ei ta, Machâpazy nata nôpi pawpipazy chhao lapa ama châ aw.

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

EZEKIA 3:3

Ei hnohta, “Chyhsa sawchapawpa y, châbu chatypa ei cha piepa heta na py pasa la, na rih pabie mah y,” na tah ta. Nie na ta, kheihti hawhta ei pakah liata thlôh ta.

AMÔSÂ 3:8

Chakeibarôhneipa a rôh ha ta, Ahy ma chi leipa ta a y aw? Abeipa Zehôvâh ta bie reih ha ta, Ahy ma phuah leipa ta a y thei aw?”

ZAWNA 1:2

a hnohta, “Thyu la, Ninivâ khihpi, hao khihpi rônahpa lâ hao sie la, bie kei chho mah y, ama paraona ei hmiakô liata a kaw tlô haw,” tah ta.

ZAWNA 1:3

Châhrasala Zawna cha Tâsi lâ tlao a râ awpa ta Abeipa hmiakô tawhta thyu ta. Zôpâ khih lâ zu ta, Tâsi lâ a sie awpa balyh hmô ta. Sie mâ pie ta, Abeipa hmiakô tawhta a râ syulyu ha awpa ta, Tâsi lâ a sie awpazy chhaota balyh chhôh lâ cha a ngia ta.

LUKA 9:62

Zisu ta a hnohta, “Ahy rai leipalie liata a ku soh ta hnôh lâ a heihpa cha, Khazohpa khinarâh chyhsa tlâh châ vei,” tah ta.

HMOTAOPAZY 17:16

Pawla cha Atheni liata Sila nata Timawthy a hâ chhôhta, khihpi cha khazoh nothlahpa ta a bie thlâh hapa hmô ta, a palôh pasa ngaita ta.

HMOTAOPAZY 18:5

Mâsidônia tawhta Sila nata Timawthy ama vaw tlô nahta, Pawla cha biechho chakaona liata a hmâh hluh via ta, Zisu kha Mesia a châ tahpa ta Zuzy hnohta â châhkhei tyh.

HMOTAOPAZY 4:20

Keimo la hmo eima hmôpa nata eima theipazy reih leipa ta y thei ma pi,” tah ei ta.