ZEREMIAH 20:8 - Mara Bible RV (BSI)

⁸ Bie ei reina maihta awh na ta, “Atudaina nata raona!” Tahpa ta ei awh tyh. Abeipa bie cha kei châta reipachhiena tona dei châ ta, Noh y ta pasipasawhna tona dei a châ.

ZEREMIAH 20:8 ပူးပေါင်းရင်းမြစ်များ

2 ABEIZY 2:23

Cha tawhna chata Bethel lâ khy ta, lâpi liata a sie hai nota, chapaw hawtizy khihpi tawhta vaw pua ei ta, vaw pahneisao ei ta, a hnohta, “Nâ, luh pôlôpa, khy ha teh; nâ, luh pôlôpa, khy ha teh,” tah ei ta.

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

ISAI 57:4

Ahy ma saisona ta nama hmâ tly? Ahy ma nama pakah pakawh thlu ei chi ta, Nama paleih nama pachhao chie tly? Nâmo palie kha moleina sawzy châ ei chi ta, Dôveina chipathlazy tlao châ veih ei chi ma?

ZEREMIAH 15:10

Ei nô y, alei chô zydua a patypamâtuhpa nata a chakhiatuhpa ta eina sapa chi he, ei hu a po kaw dia! A pôhna hneipa ta ei sôh chyhsa dyu pacheisa beih leipa na ta, chyhsa sôh dyuchei beih hra va na. Chatanachôta ama zydua ta chhie eina sapa ei.

ZEREMIAH 15:15

Hy Abeipa y, na pahno mâh tâh; Rie nâ theipa ta na vaw tly la, Nâ taolatuhpazy chô liata phuh na lapa mah y. Na daotheina vâta na pahlei leipa la, Nâma vâta reipachhiena a taopa ei châpa pahno mah y.

ZEREMIAH 17:27

Châhrasala Pahânoh pathaihsa awpa na­ta Pahânoh ta hmo phao lei awpa nata Zerusale thokhy chhikaozy liata a hmo phao a ngiakhei lei awpa ky liata ei bie nama nathlie vei khiahta deikua cha, khihpi thokhy chhikaozy liata mei patih awh na ta, Zerusale abei ozy kâ khai aw ta, pachhaipa châ aw vei.’”

ZEREMIAH 20:7

Hy Abeipa, na dôvei chi ta, Dôveipa ta ei y ha hih. Nâ cha kei hlâta thatlô viapa châ chi ta, Eina pahnie ha chi. Noh y ta pahnei parâsaopa ta y na ta, Chyhsa to ta eina pasipasawh ei.

ZEREMIAH 28:8

Nâ nata kei hlâta a vaw y tuapa hlâno hrohsopazy khata, râh hluhpi nata khinarâh rônahpazy chô liata adyuhna, chakâhna nata potlana a tlô awpa kyh hrohsona biezy ama phuah tyh.

ZEREMIAH 5:1

Zerusale khiliah liata a râhreih u la, Moh u la, ngia teh u! A tlyliahzy liata tlua u la, Adona tao ta ngâchhihna a tluapa Pakha chhâ nama hmô khiahta cha, Zerusale cha ei ngiahthai aw.

ZEREMIAH 5:6

Ama paraonazy hluh ta, Ama paona a lai ngaitapa vâta, Râhmâhpa chakeibarôhneipa ta âmo cha tai aw ta, Râhchawhpa changie ta a sie aw ei; Keihchhoh ta ama khihpizy a byh aw ta, Khihpi tawhta a puapazy a hriechheih lymâ aw ei.

ZEREMIAH 6:10

Ahyzy ma zikyurâna bie he chho aw ei na ta, A nathlie aw ei tly i? Moh teh u, nakhaoh chopaw tai leipa châ ei ta, Nathlie thei veih ei. Âmo châta la Abeipa bie he zakheichhihpa hmo châ ta, Abeipa bie liata alyna hnei veih ei.

ZEREMIAH 7:9

Paru ei chi ta, liany cheih ei chi ta, a phei ei chi ta, haipa ta bie a taih ei chi ta, Bâlâ lâ atheihna hlâpa ta, nama pahno beih leipa khazoh hropa nama pazi.

HABAKU 1:3

Khazia moleina na pahmôsa chi ta, Paraona eina pamosa chi? Raona nata atudainazy ei mohmô ta y ta, Ahryuchhiana pôh ta, A-iekhyhnazy a pôh lymâ.

LUKA 11:45

Dâhthaipa pakha ta a chhy ta, “Pachutuhpa, cha biezy na reipa chata keimo chhao miah na reipachhie pâ hra,” tah ta.

HEBRAI 11:26

Lymâ to awpa a saipa vâta, Krista vâta reipachhiena a tyhpa cha Izi râh ryuzy hlâta ryu sôh viapa ta a rao.

HEBRAI 13:13

Chavâta riehmo khôtho liata ano yna lâ pua sih la, reipachhiena a phaopazy cha phaokhei suh u.

1 PITY 4:14

Krista moh vâta pasipasawhpa nama châ khiahta cha, rônahna Thlahpa nata Khazohpa Thlahpa cha nama chô liata y ta, chavâta nama nohlao aw.