ZEREMIAH 20:7 - Mara Bible RV (BSI)

⁷ Hy Abeipa, na dôvei chi ta, Dôveipa ta ei y ha hih. Nâ cha kei hlâta thatlô viapa châ chi ta, Eina pahnie ha chi. Noh y ta pahnei parâsaopa ta y na ta, Chyhsa to ta eina pasipasawh ei.

ZEREMIAH 20:7 ပူးပေါင်းရင်းမြစ်များ

2 ABEIZY 2:23

Cha tawhna chata Bethel lâ khy ta, lâpi liata a sie hai nota, chapaw hawtizy khihpi tawhta vaw pua ei ta, vaw pahneisao ei ta, a hnohta, “Nâ, luh pôlôpa, khy ha teh; nâ, luh pôlôpa, khy ha teh,” tah ei ta.

ZAWBÂ 12:4

Tahmâ deikua cha, Viasazy pahneiparâsaopa châ na ta; Khazohpa aw ta, Khazohpa ta â chhypa, Chyhsa siapa nata seina hnei leipa kei he, Pahneiparâsaopa ei vaw châ haw.

ZAWBÂ 30:9

“Tahmâ deikua cha hla ama sa chakiapa châ na ta, Ama saiso bie lâta ei pua haw.

HLAZY 119:51

Apalaipazy ta thata na pahneisao ei ta, Châhrasala na ryhpa tleisai va na.

ISAI 8:11

Abeipa ta a ku thatlôpa ta ei hnohta bie reih ta, he phopi lâpi a chhih lei awpa ta hetana heta zikyu einâ râ:

ZEREMIAH 15:10

Ei nô y, alei chô zydua a patypamâtuhpa nata a chakhiatuhpa ta eina sapa chi he, ei hu a po kaw dia! A pôhna hneipa ta ei sôh chyhsa dyu pacheisa beih leipa na ta, chyhsa sôh dyuchei beih hra va na. Chatanachôta ama zydua ta chhie eina sapa ei.

ZEREMIAH 15:18

Khazia ma ei pasana pai thei leipa ta, Ei hmah a pha thei vei tly? Khazia ma ei hmah patlâh thei awpa a châ vei tly? Vahtie a ngâchhâ tlâh leipa hawhta ma, Ei châta na châ aw? Chavah ti kuapa hawhta ma na châ aw?

ZEREMIAH 17:16

Na mietaku vaituhpa ei châna a râsai leipa na ta, Chhiena noh a vaw tlô awpa chhao khoh hlei va na. Ei hmao tawhta a puapa pahno chi ta, Cha cha na hmiakô liata a y.

ZEREMIAH 20:9

“Abeipa pado leipa aw na ta, A moh ta bie reih khao aw va na,” Tah hraw sah la, Ei rupa chhôh liata mei iapa â khôpa hawhta, Ei palôh liata y ta, A chalihkhei a chhuah taraw na ta, Châhrasala a chalihkhei thei va na.

ZEREMIAH 29:26

‘Abeipa ta theihthaipa Zehôdâ vyuhpa ta theih­thaipa ta cha tao ta, hrohsona bie a phuahpa angâpa maih cha keihrai dai ta, thua raopaky paky awpa ta, Abeipa o liata hyutuhpa ta a cha tao.

ZEREMIAH 38:19

Bei Zedekia ta Zeremiah hnohta, “Kaldia mo ta âmo a bai hapa Zu chyhsazy ku liata na hlâ aw ei ta, Zu chyhsazy ta nôchhie kawpa ta eina taola aw ei, tahpa ei chipa vâta a châ,” tah ta.

CHAPHÔHTUNA 3:14

Phopi zydua châta pahneisaopa châ na ta, Pasipasawhna hla noh y ta ama sa thlupa ei vaw châ haw.

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

HÔSIA 9:7

Hriena nohzy vaw tlô ha ta, Viarithôna nohzy a vaw tlô haw; Cha cha Izarei ta pahno mawh sy. Nama moleina hluh tupa nata namâ haona lai tupa vâta, Hrohsopa cha ahrupa châ ta, Thlahpa chyhsa cha angâpa a châ.

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

MIKÂ 3:8

Kei deikua cha Zakaw hnohta a paraona phuah ta, Izarei hnohta a moleina phuah nawpa ta, Hmotaotheina ta ei bie; Abeipa Thlahpa ta bie na ta, Adona nata thatlôna ta ei bie.

LUKA 16:14

Cha biezy cha tâkâ a tlaichhai kawpa Phârisaihzy ta ama thei nahta, pahneisao ei ta.

LUKA 23:11

Herawda nata a pheisaihzy ta Zisu cha mohnao kawpa ta pasipasawh ei ta. Poh rônahpa pabupa ta, Pilâ lâ hlâ pakhua ha ta.

HMOTAOPAZY 17:18

Epikuria nata Stôika chyhsa sopa thokhazy chhao Pawla cha a dyuh ei ta. Thokha ta, “He reih hluhpa heta khâpa ma rei â chhuah?” tah ei ta. Thokha ta Zisu kyh nata thyuheihna kyh a reipa vâta, “Chihropa khazohzy biechhotuhpa a châ ei aw,” tah ei ta.

HMOTAOPAZY 17:32

Athihpa thyuheihna kyh ama thei nahta, thokha ta pahneisao ei ta, ahropazy ta, “Cha kyh cha nâma tawhta eima nathlie heih aw,” tah ei ta.

1 KAWRINI 9:6

Bânabâ nata kei dei he ma, eima khihsatôhtuna châta raihria leipa ta y thei awpa ta biehneina a hnei leipa a châ pi?

HEBRAI 11:36

Mohropazy chhao pasipasawhna nata tuna zy vâta pasa tao ei ta, bâlia nata patâhna zy amâ tyh.