ZEREMIAH 20:6 - Mara Bible RV (BSI)

⁶ Nâ Pâsu nata na o liata a pahrâpa zydua chhao, seichâna lâ nama sie aw. Nâ nata haipa ta hrohsona bie na chho tyhpa na viasa zydua Babylaw lâ sie aw ei chi ta, cha liata thi aw ei chi ta, cha liata pabupa nama châ aw.”

ZEREMIAH 20:6 ပူးပေါင်းရင်းမြစ်များ

ISAI 9:15

Luh cha machâ nata zachhihpa chyhsa châ ta, Chaolahmei cha haipa biezy a pachu tyhpa hrohsopa a châ.

ZEREMIAH 14:13

Chatawhcha kei ta, “Âh, Abeipa Zehôvâh, pachâ tua, hrohsopazy ta ama hnohta, ‘Zaozi a tyh leipa aw ei chi ta, chakâhna y hra leipa aw ta, he su liata thlalôhna tlao ei cha pie aw ei,’ ama tah tyh,” tah na ta.

ZEREMIAH 14:16

Hrohsona bie ama chhopa zawpi chhao, chakâhna nata zaozi vâta Zerusale khiliahzy liata thypa châ aw ei ta, âmo chhao, ama lapinôzy nata ama sawchapawzy nata ama sawchanôzy chhao, pabupa châ tlâ aw veih ei. Ama paraona ama chô liata ei lei thlu aw ei.

ZEREMIAH 20:1

Zeremiah ta hrohsona bie a phuahpazy cha, Ime sawchapawpa, Abeipa o liata mokhâhtuhpa hyutuh chaipa theihthaipa Pâsu ta thei ta.

ZEREMIAH 20:4

Abeipa ta hetana heta a tah: Pachâ teh, Nâma châta nata na viasa zydua châta chichhihpa ta ei cha tao aw. Âmo cha eina moh thlâh ha no ei ta, ama chariahpazy zaozi ta ama pao aw. Zudâh mo zydua cha Babylaw bei ku liata hlâ khai aw ei na ta, Babylaw lâ sei ta a chhi aw ei ta, zaozi ta a thie aw ei.

ZEREMIAH 23:32

“Mâ phichhyhpazy reipa ta hrohsona bie a phuahpazy ei dyuh ei,” Abeipa ta a tah. “Âmo cha ei tua leipa pi tlai ei nata bie ei pie leipa pi tlai ei ta, ama haipa biezy nata amâ palaina biezy ta ei phopi a paviasapazy châ ei ta, he phopi châta phahnaina rai a hnei leipazy ama châ,” Abeipa ta a tah.

ZEREMIAH 29:32

Chavâta Abeipa ta hetana heta a tah: Nathlie teh u, Nehelâ chyhsa Semiah nata a pathlazy cha ei hrie tlai aw ei. Abeipa chakhiana bie a reipa vâta, he phopi hry liata a pathla pakha hmahta hroh leipa aw ei ta, ei phopi chô liata hmo phapa ei tao awpa chhao hmô aw vei, Abeipa ta a tah,’ tahpa ta châ paphao mah y,” tah ta.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

CHAPHÔHTUNA 2:14

Na hrohsopazy ta na châta Aluahna phichhyhpa nata dôveina zy ama hmô; Vânoh na to heih thei nawpa ta, Na moleina palâhâh veih ei; Aluahna phichhyhpa nata paviana zy Na châta tlao ama hmô tyh.

EZEKIA 22:28

Râh liata hrohsopazy hra ta, râh chhituhpazy hmotao pha leipazy cha hlyu râhpa hniapa ei ta, âmo châta aluahna phichhyhpazy hmôpa ei ta, haipa ta pachaopa ei ta, Abeipa ta a rei leipa tlai ta, ‘Abeipa Zehôvâh ta hetana heta a tah,’ ama tah tyh.

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

MIKÂ 2:11

Chyhsa ta a khiekhâpa ta, Ziza nata haipa biezy reih sala, “Kresawhti nata sahma kyh ei cha chho aw ei,” A tah khiahta cha, Cha phopi hrohsopa a châ aw.

ZEKARIA 13:3

Cha khai tawhta chhochhieliena bie a reihpa ama y thlah ha chy khiahta cha, a nô nata a paw, ano a satuhpazy cheingei ta a hnohta, ‘Hroh khao aw va chi, Abeipa moh ta haipa bie na reipa vâta,’ tah aw ei ta, chhochhieliena bie a rei hai no tlai ta ano a satuhpa a nô nata a paw cheingei ta amâ chôsao aw.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.