ZEREMIAH 20:5 - Mara Bible RV (BSI)

⁵ Cha dei châ vei, khihpi hneirôna zydua, a hmo pachôpa zydua, a hmo sôhpa zydua nata Zudâh beizy ryusôhpa zydua cha, ama chariahpazy ku liata hlâ aw na ta, ama chariahpazy ta hrao aw ei ta, patu aw ei ta, Babylaw lâ ama siekhei aw.

ZEREMIAH 20:5 ပူးပေါင်းရင်းမြစ်များ

2 THÂTIHZYRONA 36:10

Châhvâ daihti liata, Bei Nebukaneza ta Zerusale lâ chyhsa tuah ta, Abeipa o liata hmobaoh sôhpazy chhaota Bei Zehôkhi cha Babylaw lâ ama siekhei haw. Nebukaneza ta Zehôkhi unawhpa Zedekia cha Zudâh nata Zerusale bei ta a tao.

ISAI 39:6

Pachâ teh, na o liata a ypa zydua nata châ pathlatuhpazy ta tanoh taihta ama vaw pachôpakhypa hmo zydua Babylaw lâ ama siekhei nawpa nohzy a vaw tlô hai. Khâpa hmah pahlôhpa châ aw vei, Abeipa ta a tah.

ZEREMIAH 12:12

Râhchawhpa awphy tlâh lakizy liata, Paraotuhpa vaw tlô ha ta, Râh chhâna hiakha lâ tawhta hiakha lâ taihta, Abeipa zaozi ta a palâ khai haw; Thlalôhpa ta ahy hmah y thei khao veih ei.

ZEREMIAH 15:13

“Na moleinazy vâta, na râh zydua liata na hneina nata na ryusôhpazy cha, hraona sôh ta a mâ leipa ta pie aw.

ZEREMIAH 17:3

Na râh su to liata su sâhpazy taopa ta moleina hmo na taopazy vâta, lyurâhpa liata tlâhpizy nata na hneirôna nata na ryusôhpazy cha, na chariahpazy hnohta hraona sôh châta ei pie aw ei.

ZEREMIAH 3:24

“Châhrasala eima thyutlia daihti tawhta, nozachhihpa hmo chata miah pathlatuhpazy vaw hriapasana zydua nie khai ha ta, ama mietaku zawzy, ama viahchao hrizy, ama sawchapawzy nata ama sawchanôzy a nie khai ha ei.

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

ZEREMIAH 39:2

Zedekia abeina kô hrawh hleikhana, thla palihna, cha thla noh chakina noh ta, khihpi thokhy cha su kha liata pacho thei ha ei ta.

ZEREMIAH 39:8

Kaldia mo ta abei o nata khihsaw o zydua mei ta rao ei ta, Zerusale thokhyzy cha parao ei ta.

ZEREMIAH 4:20

Raokeina nata raokeina a patho ta, Râh pôhpalôhpa a rao haw. Ei poh ozy eikhapi ta paraopa châ ta, Ei pohraipazy buakha chhôh ta paraopa a châ.

CHAPHÔHTUNA 1:10

A hmo sôhpa zydua chô liata, Chariahpa ta a ku a pazawh haw; A supathaihpa liata, Phopizy amâ ngiapa a hmô; Na pakhypi a hlao awpa na pasai leipazy ta, Supathaihpa liata amâ ngia.

CHAPHÔHTUNA 1:7

Zerusale cha a viavi pasataona noh liata, Hlâno ta hmo sôhpa a hneipa zydua kha â kaw thei. A khihsawzy khakhaipa ku liata ama pao nota, A bao awpa y khao veih ei; A khakhaipazy ta moh ei ta, A paopa cha ama pahneisao.

CHAPHÔHTUNA 4:12

Khakhaipa nata chariahpa ta Zerusale thokhy chhikao â ngia thei awpa cha, Lei beizy ta zo leipa ei ta, Khizaw chyhsa ahy hmahta zo veih ei.

EZEKIA 22:25

Râh beizy cha chakeibarôhneipa a rôh ta, sa tai ta, a hriechheihpa lyu ei ta, arulâta chyhsa teipa ta, chyhsa hronazy la ei ta, chyhsa ryubyhzy nata hmo sôhpazy lapa ei ta, râh liata nôhmei hluhpi ama paysa.

DÂNIAH 1:2

Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.

HÔSIA 13:15

A unawhzy hry liata Thlaochhipa ta y hra sala, Râhchawhpa lâ tawhta Abeipa thlih, Nochhi thlih a vaw pathli aw; A chavah kua aw ta, A tihnawh a hi aw; A ryusôhpa hmo pha tozy chhao, Hrao khaipa a châ aw.