ZEREMIAH 20:10 - Mara Bible RV (BSI)

¹⁰ Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ZEREMIAH 20:10 ပူးပေါင်းရင်းမြစ်များ

1 ABEIZY 19:2

Zezebel ta Elaizâh lâ chyhsa tuah ta, a hnohta, “Kha hrohsopazy hrona na lapa hawhna kha ta, mylâ tahmâ daihti liata nâma hrona chhao ei la leipa khiahta cha, khazohzy ta ei chô liata tao ei sala, cha hlâta pasa viapa chhao ta tao mawh ei sy,” tah ta.

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

1 ABEIZY 22:27

ama hnohta, ‘Abei ta hetana heta a tah: “Thlalôhpa ta ei vaw kua heih hlâlei cha, he chyhsa he patâhna o liata khô u la, viahchhâ chyhta nata ti chyhta dei nama pie aw,” a tah,’ tahpa ta nama chho aw,” tah ta.

1 ABEIZY 22:8

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw, keima kyh a phana lâta hrohsona bie reih beih vei, a chhiena lâ sai ta a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

ZAWBÂ 19:19

Ei viasa lôhkhyzy ta na pasi ei ta, Kyh ei pachâpazy ta einâ heihnao ei.

HLAZY 31:13

Chyhsa hluhpi bieparu thei na ta, Su to chichhihna ta a bie; A paraohpa ta na tei ei ta, Ei hrona la amâ chhuah.

HLAZY 31:14

Châhrasala Hy Abeipa, nâma cha ngâ na ta, “Ei Khazohpa na châ,” ei tah.

HLAZY 41:10

Châhrasala Hy Abeipa, zawh nâ ngiah la, Viari ei thô thei nawpa ei ta, Na pathyu heih mah y!

HLAZY 41:9

Viasa lôhkhy ei ngâpa, Ei pati a niepa taihta, A phei eina thuah thlu.

HLAZY 57:4

Ei hrona he chakeibarôhneipazy hry liata y ta, Sahrâhpazy hry liata a zia na ta; Asei nata châtai hâh hnei ta, Zaozi tiahpa paleih a hneipa chyhsa sawzy hry liata ei y.

BIESOZY 10:18

Ahaona a phihtuhpa cha hmao haihthaipa hnei ta, Kyh reina bie a papuapa cha ahrupa a châ.

ISAI 29:21

Chazy chata bie ta chyhsa thailei pachâ tyh ei ta, Thokhy chhikao liata chhoreituhpa cha, Ano paao nawpa ta khoheih chôh ei ta; Pahnokheina doleipa hmâpa ta, Mosiapa thailei ama pachâsa tyh.

ZEREMIAH 1:19

Cha pachha awpa ta na hnohta ei ypa vâta, châ dyuh aw ei ta, châhrasala cha pahnie aw veih ei, Abeipa ta a tah,” tah ta.

ZEREMIAH 11:19

Kei deikua cha mietakutaw nônaipa Thie awpa ta amâ chhipa hawhta ei châ. “Tho cha a thei chhaota parao sih la, A moh a thei thlâhpa a châ khao lei nawpa ta, Ahrohpa râh tawhta chhawh pathlah ha suh u,” Ama tahpa kha, Ei chô liata tao amâ chhuahpa a châpa Vaw pahno leipa na ta.

ZEREMIAH 11:21

Chavâta na hrona la a chhuahpa ta, “Abeipa moh ta hrohsona bie phuah khah y, na phuah khiahta cha eima ku liata na thi aw,” châ tahtuhpa Anathô mo kyh liata Abeipa ta hetana heta a tah.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 20:3

A mylâ ta Pâsu ta Zeremiah cha keihrai tawhta a pathlie nahta, Zeremiah ta a hnohta, “Abeipa ta na moh Pâsu cha bi vei, Mâkômisabi tlao a cha tah.

ZEREMIAH 37:13

Benzami thokhy chhikao a tlô nahta, Hânaniah saw­chapawpa Selemiah sawchapawpa a moh Iriza ama tahpa vaituhpazy hyutuhpa vaw y ta. Ano chata Zeremiah hnohta, “Kaldia mo lâ nâ râ,” tahpa ta hrohsopa Zeremiah cha patu ta.

ZEREMIAH 6:25

Chariahpa ta zaozi hnei ta, Su to liata chichhihna a ypa vâta, Lyurâhpa lâ pua leipa u la, Lâpi liata chhao si hra khuh vy.

EZEKIA 22:9

Thisaih palo awpa ta chyhsa leih a hmâhpazy khihpi chhôh liata y ei ta, tlâhpizy liata pati a niepa chyhsazy chhao y ei ta, sihryhna hmo a taopazy chhao ama y.

DÂNIAH 6:4

Cha kyh vâna chata hyutuh laipazy nata bia avaotuhpazy ta Dâniah cha khinarâh avaona kyh liata ama leih nawpa tlua ei ta, châhrasala leih nawpa tlyma, â doleina tlyma hmô leipa ei ta. Ngâchhihpa a châpa vâta, taochheipa tlyma, adoleina tlyma ano liata hmô awpa y vei.

LUKA 20:20

Mohpathli awpa ta mohparutuhpazy tuah ei ta. Mohparutuhpazy cha a bie nathlie khoh hmeiseihpa hawhta y pakhei ei ta, râhvaotuhpa ryureina nata biehneina liata tlôkhei awpa ta, a bie rei chheipa patu awpa ta a byh ei ta.

HMOTAOPAZY 24:13

Tahmâ chhao, eina leihna bie he â do tlai na tahpa pasia thei aw veih ei.

HMOTAOPAZY 5:33

Cha biezy ama thei nahta, ama hie thata hâh ta, lyuhchâpazy cha thie a chhuah ei ta.

HMOTAOPAZY 7:54

Cha biezy cha ama thei nahta, ama pathi ia ngaita ta, Stiphana cha ama hâh charieh chie ei ta.