ZEREMIAH 2:8 - Mara Bible RV (BSI)

⁸ Theihthaipazy ta, ‘Abeipa khataih liata a y?’ Tah leipa ei ta; Ryhpa a hmâhtuhpazy chhao ta, Na pahno veih ei. Ryureituhpazy ta nâ dyuh ei ta, Hrohsopazy ta Bâlâ moh ta hrohsona bie phuahpa ta, Hmo phahnai leipazy amâ chadai.

ZEREMIAH 2:8 ပူးပေါင်းရင်းမြစ်များ

1 ABEIZY 18:22

Elaizâh ta zawpizy hnohta, “Abeipa hrohsopa a y chhôhpa cha keima deita he châ bâ na ta, Bâlâ hrohsopazy deikua cha 450 ama y.

1 ABEIZY 18:29

Nohchhô locho daihti khô ta, zâlâ atheihna daihti taihta ama hrohsona biezy cha reih ei ta. Châhrasala ao pyury rai y leipa ta, a chhytuhpa rai y leipa ei ta, a pachâtuhpa rai y veih ei.

1 ABEIZY 18:40

Elaizâh ta ama hnohta, “Bâlâ hrohsopazy kha patu teh u. Pakha hmah papuasa khah u,” tah ta. Bâlâ hrohsopazy cha patu ei ta, Elaizâh ta âmo cha Kisaw chavah lâ a chhi ta, cha liata a thie khai ha ei.

ZAWBÂ 35:10

Châhrasala ahy ta hmahta, ‘Nâ taotuhpa Khazohpa cha khataih liata y ta, Zâ ta hlazy nâ pietuhpa cha khataih liata a y;

ISAI 28:7

Theihthaipa nata hrohsopa zy chhao ta, Kresawhti vâta a chavia chavô ei ta, Sahma vâta paochheichhâpa ta ama y. Sahma vâta a chavia chavô ei ta, Kresawhti ta âmo cha palâ ta, Sahma vâta paochheichhâpa ta ama y. Aluahna kyh liata pavia pavô ei ta, Bietluna tao nawpa kyh liata ama paochheichhâ tyh.

ISAI 29:10

Abeipa ta nama chô liata Mokuna thlahpa cha hry ha ei ta, Hrohsopazy ta nama mo cha pasosapa ta, Hmôtheituhpazy ta nama luh ama cha khu haw.

ISAI 30:5

Chyhsa to nozapa ta ama y. Izarei sawzy châta phahnaina hnei leipa phopi châ ei ta, Baona tlôkhei veih ei; Athôhna tlôkhei hra leipa ei ta, Nozana nata nozaohna a tlôkheituhpa deita ama châ,” Abeipa ta a tah.

ZEREMIAH 10:21

Mietaku vaituhpazy cha ahrupa châ ei ta, Abeipa a saohiahna châh pahno veih ei. Chavâta vânoh to leipa ei ta, Ama mietaku zawzy ama pai khai haw.

ZEREMIAH 12:10

Mietaku vaituhpa hluhpi ta Ei kre sadô parao ei ta, Ei tovyuh ama tlypâ; Ei tovyuh pha ngaitapa cha, Râhchawhpa roryhrapa ama pachâsa haw.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 2:11

Phopi ta a khazohzy cha, Khazohzy ama châ leipa chhao ta a thla beih ma? Ei phopi deikua ta ama rônahna cha, Hmo phahnai leipa ta tlao ama thla haw.

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 7:8

“Pachâ teh u, phahnaina a hnei leipa haipa biezy tlao nama ngâ he zaw.

ZEREMIAH 9:14

chhorupa ta âmo palôh khopa tao ei ta, ama pathlatuhpazy ta ama pachupa hawhta, Bâlâ khazohzy ama pazipa vâta a châ.

EZEKIA 22:26

Râh theihthaipazy ta ei ryhpa thata parao ei ta, ei hmo pathaihpazy ama papuapalei. Hmo pathaihpa nata hmo zawrâpa pahrua leipa ei ta, hmo pathaih leipa nata hmo pathaihpa likah ananona pachu hra veih ei. Ei Pahâ­nohzy chhao a papeisa veih ei. Chavâta ama hry liata papuapaleipa ta ei y.

EZEKIA 34:2

“Chyhsa sawchapawpa y, Izarei mietaku vaituhpazy hnohta hrohsona bie phuah teh. Mietaku vaituhpazy hnohta hrohsona bie cha phuah tlai la, ama hnohta hetana heta reih teh. Abeipa Zehôvâh ta hetana heta a tah: Nâmosasyh â pasapa Izarei mietaku vaituhpazy nama hu a po kaw dia! Mietaku vaituhpazy cha mietakuzy ama pasa awpa châ vei ma?

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

HABAKU 2:18

“Chyhsapa tao chhyhpa nothlahpa cha, Khâpa phahnaina ma a hnei? Nothlahpa deita châ ta, Haipa bie pachutuhpa a châ. A taotuhpa ta ano kuzô ta tao ta, Bie a reih thai leipa nothlahpazy cha, A ngâ kaw cha!

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

LUKA 11:52

Nâmo, dâhthaipazy saih u, nama hu a po na! Pahnona châhbi la ei chi ta, châhrasala nâmo a ngia tlôh leipa ei chi ta, mohropa a ngia awpazy nama pakhâ khai haw,” tah ta.

ZAWHÂNA 16:3

Paw nata kei miah ama pahno leipa vâta, cha hawhpa hmozy cha ama tao aw.

ZAWHÂNA 8:55

Châhrasala nâmo la ano pahno veih ei chi. Kei deikua ta cha ei pahno. Khazohpa pahno va na ei tah khiahta cha, nâmo hawhta a haihpa ei châ aw. Khazohpa cha pahno na ta, a bie ei zyh lymâ.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

RYHPACHANEINA 33:10

Na bieraopazy Zakaw pachu aw ei ta, Na ryhpa biezy Izarei ama pachu aw; Na hmiakô liata ropahâhpa soh aw ei ta, Na maisâh liata raopa hlânazy ama hlâ aw.

1 SAMUELA 12:21

Khâpa châta hmahta a phahnai lei awpa nata châ pachha thei lei awpazy zipa ta tleisai khuh vy, âmo cha hraoleipazy ama châ.

1 SAMUELA 2:12

Eli sawchapawzy cha dyutlai leipazy châ ei ta, Abeipa pahno veih ei.