ZEREMIAH 2:7 - Mara Bible RV (BSI)

⁷ A râh kôvei nata hmo phapazy nie awpa ta, Râh pha ngaitapa lâ ei cha chhihtha ei. Châhrasala nama tlô nahta, Ei râh cha papuapalei ei chi ta, Ei ryuto cha hmo pasichhihpa ta nama tao.

ZEREMIAH 2:7 ပူးပေါင်းရင်းမြစ်များ

NEHEMIAH 9:25

Thokhy a hneipa khihpizy nata râh pha ngaitapazy la ei ta, hmo pha to ta a biepa ozy, tikhaoh chao chiehpazy, kre sadôzy, ôli sadôzy nata theilâpa kô hluhpi ama hnei. Nie ei ta, rihbiepa ta y ei ta, thawh ei ta, na phana hluhpizy vâta a ly ngaitapa ta ama y.

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

ISAI 19:25

Cha râh thôhzy cha Pheisaihzy Abeipa ta byhnâ awpa aw ta, “Ei phopi Izi, ei kuzô Asuria nata ei ryuto Izarei zy cha thlaochhipa ta y mawh ei sy,” a tah aw.

ZEREMIAH 16:18

Ama khazoh nothlahpa pasichhihpa rizy ta ei râh papuapalei ei ta, ama pasichhihnazy ta ei ryuto râh ama pabiepa vâta, cha ama paraona nata ama moleina cha, a lie no ta ei thô tua chai aw ei,” Abeipa ta a tah.

ZEREMIAH 3:1

“Chyhsa ta a lapinô ma sala, A lapinô cha o tawhta pua ta, Vahpa hropa a hnei ha khiahta cha, A lapinô cha a hnei heih aw ma? Cha hawhta taopa cha, Thata râh papuapaleipa châ aw vei ma? Na khopaw hluhpi liata nâ zuah khai tawhta ma, Kei lâ vaw kua heih nâ chhuah?” Abeipa ta a tah.

ZEREMIAH 3:2

“Awphy tlâh lakizy lâ khi ua la, sai tua rai, Ama châ ziakhei leina su a y ma? Râhchawhpa liata Arabia chyhsa hawhta, Na khopawzy hâpa ta lâkiahzy liata a tyuh tyh chi ta, Na sihryhna moleinazy ta râh na papuapalei haw.

ZEREMIAH 3:9

Sihryhpa ta a ypa a papeisa leipa vâta, lô nata tho zy liata a pheipa ta râh a papuapalei lymâ.

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

ZEREMIAH 32:30

Izarei pathlazy nata Zudâh pathlazy cha ama thyutlia no tawhta ei mohmô liata hmo pha leipa sai a taopa ama châ. Izarei pathlazy cha, ama ku ta a taopazy ta ei hie na pahâh awpa dei pahno ei ta, ama tao hropa y vei, Abeipa ta a tah.

EZEKIA 20:24

Ei ryhpazy zyh leipa ei ta, ei bieraopazy thypa ta, ei Pahânohzy papuapalei ei ta, âmo pathlatuhpazy khazoh nothlahpazy lâ ama mo ama padeipa vâta, chyhu ei sa thlupa ei a châ.

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

EZEKIA 20:6

Izi râh tawhta a chhi papuapa ta, âmo châta râh ei tlua papuapa, sâhpiti nata kheihti lona râh, râh zydua hry liata râh ngia chaipa lâ a ngiakhei awpa ei ta, ku chaluahpa ta, cha noh liata bie ei taih ei.

EZEKIA 23:35

“Chavâta Abeipa Zehôvâh ta hetana heta a tah: Na my ha chi ta, hnôh eina chhy hapa vâ chi ta, na aohraohna nata nâ zuana maoh cha nâma ta na phaoh awpa a châ.”

EZEKIA 36:17

“Chyhsa sawchapawpa y, Izarei pathlazy ta ama râh liata ama pahrâ no khata, ama hrozie nata ama hmotaopazy ta râh cha papuapalei ei ta, ei hmiakô liata ama hroziezy cha chanô a thaitlyh lei nota a pathaih leipa hawhta a châ.

HÔSIA 9:3

Abeipa râh liata pahrâ thei aw veih ei; Epharai cha Izi râh lâ kua aw ta, Asuria râh liata pati pathaih leipa a nie aw.

MIKÂ 2:10

Thyu u la, sie teh u, He he namâ pahâ nawpa su châ vei; Paraotuhpa hmo pathaih leipa yna su châ ta, Raona pasa ngaitapa ta a cha parao pathlei aw ei.

MALUHREINA 13:27

Mawsi hnohta, “Miah na tuana râh cha tlô pi ta, sâhpiti nata kheihti lona râh a vaw châ tlai. He he a râh liata theilâpa a châ.

RYHPACHANEINA 21:23

a ri cha tho liata azozâkhihdei a y awpa châ vei. Cha noh lia tlai ta nama pabu awpa a châ. Tho liata bangiehpa maih cha Khazohpa chhiesapa châ tlôh ei ta, Abeipa nama Khazohpa ta ryuto châta a cha piepa ei nama râh cha nama papuapalei awpa châ vei.

RYHPACHANEINA 32:9

Abeipa tovyuh deikua cha a phopi châ ta, Zakaw cha a ryuto a châ.

RYHPACHANEINA 6:18

Thlaochhipa ta nama y thei nawpa nata Abeipa ta châ pathlatuhpazy hnohta bie â vaw taihpa râh phapa lâ siepa ta nama hnei thei nawpa ta, Abeipa mohmô ta hmo dopa nata hmo phapa nama tao awpa a châ.