ZEREMIAH 2:5 - Mara Bible RV (BSI)

⁵ Abeipa ta hetana heta a tah: “Kei liata khâpa adoleina ma ama hmô tly, Châ pathlatuhpazy khata lâhlapi lâ na siesaipa ta, Hraoleipa a chadai ei ta, Hraoleipa lâta ama pua ha tly?

ZEREMIAH 2:5 ပူးပေါင်းရင်းမြစ်များ

2 ABEIZY 17:15

Ama pathlatuhpazy hnohta bieraopa nata biehrai a taopazy nata zikyurâna a piepazy cha tlyhnypa ta, nothlahpa hraoleipazy pangai ei ta, âmo chhao hraoleipa ama châ haw. Abeipa ta ama taozie hawhta tao lei awpa ta bie a vaw pie hapa, ama chheipâh liata phopizy taozie ama zi lymâ.

HLAZY 115:8

Nothlahpa a taotuhpazy cha, Nothlahpa hawhta châ ei ta; Nothlahpa a ngâtuhpa zydua chhao, Nothlahpa hawhta ama châ.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

ISAI 44:9

Khazoh nothlahpa a taotuhpa zydua cha, Khâpa hmah châ leipa ei ta; Ama pasôpa hmozy chhao, Phahnaina hnei veih ei. Âmo tlai ta ama pahno; Châhrasala a phapa ta moh leipa ei ta, Pachâ hra veih ei; Chavâta maophyuhpa ta sopa ama châ aw.

ISAI 46:12

“Nâmo, palôh kuhchhapazy saih u, Na nathlie u la; Nâmo, pahniena tawhta a hla kawpazy saih u, Na nathlie teh u:

ZEREMIAH 10:8

Âmo cha ahrupa nata angâpa châ ei ta, Tho ama châpa kyh dei leipa ta cha, Nothlahpazy ta pachu awpa hropa hnei veih ei.

ZEREMIAH 12:2

Âmo cha loh chi ta, thari thla ei ta, Laiseih ei ta, thei ama pathei tyh. Ama pakah a hnia chi ta, Ama palôh deikua cha nâ hla kaw.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 2:4

Hy Zakaw pathlazy nata Izarei pathla pho zydua saih u, Abeipa bie he nathlie teh u.

ZEREMIAH 8:19

Râh do nata hâ liata, Ei phopi zuah chana ao he nathlie tua u: “Zaio liata Abeipa y vei ma? A chhôh liata ano Bei y vei ma?” “Khazia ama nothlahpa taopazy ta ei hie na pahâh ei ta, Chihropa khazoh nothlahpazy ta ei hie eina pahâh ei?”

EZEKIA 11:15

“Chyhsa sawchapawpa y, na unawhzy, na unawhzy cheingei nata na chiheih Izarei pathla zydua kha, Zerusale khihsawzy ta, ‘Abeipa tawhta lâhla lâ sie syulyu ha teh u, he râh he eima ryuto châta Abeipa ta miah a piepa a châ,’ ama tahpazy kha ama châ.

EZEKIA 14:5

Chatanachata ama khazoh nothlahpazy vâta lôh hro nâ phaosai hapa Izarei pathlazy pathipalôh cha ei patu heih thei ngyu aw.’

ZAWNA 2:8

Hraoleipa nothlahpa a chhytuhpazy cha, Ama ngâchhihna ama pahlei tyh.

MATHAI 15:8

“‘He phopi heta, Ama hmao ta na palyupalih ei ta, Ama pathipalôh ta deikua einâ hla kaw ei.

HMOTAOPAZY 14:15

“Pupa saih u, he hmozy he khazia nama tao? Keimo he nâmo nôchâ hawhpa a phaohpa chyhsapa eima châ hra. He hmo khâpa hraoleipazy he a heihsaipa ta, avâ nata alei nata tilaipi nata a chhôh liata a ypa zydua a taotuhpa Khazoh hrohpa lâ a heih awpa ta, nama hnohta thâtihpha eima vaw tlôkhei.

RAWMA 1:21

Khazohpa cha pahno taraw ei ta, châhrasala Khazohpa hawhta palyupalih leipa ei ta, alyna bie hlâ hra veih ei. Hmo hraoleipa tlao pachâ via ei ta, ama pathipalôh hruna cha a vaw zoh haw.

RYHPACHANEINA 32:21

Khazoh a châ leipa ta ei hia na patliasa ei ta, Ama nothlahpazy ta ei hie eina pahâh ei. Chavâta phopi ta rei khi a tloh leipa chô liata Ama hia patliasa aw na ta, Râh hrupa hmâpa ta ama hie ei pahâh aw.

1 SAMUELA 12:21

Khâpa châta hmahta a phahnai lei awpa nata châ pachha thei lei awpazy zipa ta tleisai khuh vy, âmo cha hraoleipazy ama châ.