ZEREMIAH 2:35 - Mara Bible RV (BSI)

³⁵ ‘Thaileina hnei va na, Chavâta Abeipa hiehâhna cha kei tawhta a kua haw,’ Na tah thlâh ha chy. Pachâ teh, ‘Molei va na,’ na tahpa vâta, Pachiana liata ei cha tlôkhei aw.

ZEREMIAH 2:35 ပူးပေါင်းရင်းမြစ်များ

ZAWBÂ 33:9

‘Hmoparaona hnei leipa na ta, Pathaih na ta; Keima liata moleina y leipa ta, Ei pathaih.

BIESOZY 28:13

A moleinazy a phihtuhpa cha vânoh to leipa aw ta, A moleinazy palâhâh ta a siesaipa deikua cha zawngiahna a hmô aw.

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

ZEREMIAH 16:10

“He phopi hnohta, cha bie zydua cha na chho ti ei ta, âmo ta, ‘Khâpa vâta ma Abeipa ta cha hawhpa hmo chhiepa rarôh ypa cha eima chô liata patlôsa â chhuah tly? Khâpa hmo ma eima parao tly? Abeipa eima Khazohpa chô liata khâpa moleina ma eima tao tly?’ ama cha tah khiahta cha,

ZEREMIAH 2:23

Kheihta ma, “Pathaih leipa châ va na, Bâlâ chhao pazi beih va na,” na tah thei tly? Saikao liata na yzie kha moh la, Na hmotaopa kha pachâ tua: Râraoseihpa zeinô paw khohpa hawhta, Hao lâ he lâ a râhreih chi ta,

ZEREMIAH 2:29

Khazia einâ dyuh ei chi tly? Nama zydua ta ei chô liata hmo nama parao haw,” Abeipa ta a tah.

ZEREMIAH 2:9

“Chavâta cha chakhia aw ei na ta, Nama samohzy taihta ei chakhia aw ei,” Abeipa ta a tah.

ZEREMIAH 25:31

Abeipa cha phopizy lyuhtua awpa a hneipa vâta, Â rôhpa pyu cha alei chhâna taihta a khaihpalie aw; Sapa zydua pachiana liata a ngiakhei aw ta, Hmoparaopazy cha zaozi lâ a hlâ aw ei,’ Abeipa ta a tah.

EZEKIA 17:20

Ei sao ta khu aw na ta, ei khoheih liata a ao aw ta, Babylaw lâ ei chhi aw. Cha liata, ei chô liata a paraonazy vâta a thâtih ei pachia aw.

RAWMA 7:9

Eikhano kha ryhpa hnei leipa ta hroh na ta, châhrasala biepiepa a vaw y nahta, moleina a vaw hra ta, kei cha ei thi haw.