ZEREMIAH 2:33 - Mara Bible RV (BSI)

³³ “Vâia tlua nawpa ta cha, Na hrozie a pha kaw dia! Chanô moleipazy taihta Na hroziezy na pachu ei.

ZEREMIAH 2:33 ပူးပေါင်းရင်းမြစ်များ

2 THÂTIHZYRONA 33:9

Cha hawhna chata Manase ta Zudâh râhsawzy nata Zerusale khihsawzy cha lâpi paviasa ta, Abeipa ta Izarei hmiakô liata a pahleipadia hapa phopizy hlâ chhao ta hmo thata ama parao via.

ZEREMIAH 2:23

Kheihta ma, “Pathaih leipa châ va na, Bâlâ chhao pazi beih va na,” na tah thei tly? Saikao liata na yzie kha moh la, Na hmotaopa kha pachâ tua: Râraoseihpa zeinô paw khohpa hawhta, Hao lâ he lâ a râhreih chi ta,

ZEREMIAH 2:32

Laihsa kôpa ta a sôh nata thih atobinazy a my aw ma? Myuh ta a myuh chysia a my thei aw ma? Ei phopi deikua cha na my ha ei ta, Noh rei tiah lei eina my ha ei.

ZEREMIAH 2:34

Cha hrao awpa ta amâ vaw ngiapa na hmô leipa chhao ei ta, Thaileina a hnei leipa dyhchhiepa hrona thisaih cha, Na hnorâhzy liata â bai. Cha hmo zydua a y ha tawh chhao ta,

ZEREMIAH 2:36

“Khazia na yzie pananopa ta, Nâ khiekhâ ngâ thlâh haw? Asuria ta maophyuhpa ta a cha sopa hawhna khata, Izi ta maophyuhpa ta a cha soh aw.

EZEKIA 16:27

Chavâta pachâ teh, na chô liata ei ku hypa ta, na tovyuh pachyh na ta, na chariahpazy khohlei khona lâ ei cha hlâ haw. Na sihryhna hro a zakhei kaw tyhpa Philistinâ sawchanôzy ku lia tlai ta ei cha hlâ haw.

EZEKIA 16:47

Ama hroziezy a chhih chi ta, pasichhihpa hmo ama taopazy na tao hrapa dei châ leipa ta, daihti chyuta chhôh ta, na moleina nata na hrozie zydua liata âmo hlâta na paru via haw.

HÔSIA 2:13

Bâlâzy â chhy tyhna nohzy vâta, Ano cha ei hrie aw. Bâlâzy lâta ropahâhpazy hlâ ta, Rahyzy nata lôsôhpazy ta a tobipa ta A khopawzy pazi ta, Kei deikua cha eina my haw,” Abeipa ta a tah.