ZEREMIAH 2:3 - Mara Bible RV (BSI)

³ Izarei cha Abeipa châta pathaihpa châ ta, A sâh hria a daih tuachaipazy a châ. A niepa maihta thailei châ ei ta, Chhiena ta a tlô thlu ei,” Abeipa ta a tah.

ZEREMIAH 2:3 ပူးပေါင်းရင်းမြစ်များ

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 23:16

Lyu liata na tupa, na hriapasana thei hmiatua chaipa Sâhhria Kyhchhi na tao tyh awpa a châ. Kô châh vaw di ta, lyu liata na hriapasana theizy na pakhy khai tawhta, Peihtla Kyhchhi na tao awpa a châ.

ISAI 41:11

Pachâ teh, na chô liata a hie a hâhpa zydua cha, Nozapa nata maophyuhpa ta soh aw ei na ta, Châ dyuhpa zydua chhao, Khâpa hmah a châ leipa hawhta châ aw ei ta, Ama leidia aw.

ISAI 47:6

Ei phopi chô liata ei hiehâh ta, Ei ryuto râh cha papuapaleipa ta, Âmo cha na ku liata ei cha pie. Zawngiahna rai ama chô liata palâsa leipa chi ta, Machâpazy taihta phaohri a hri ngaitapa na paphaosa ei.

ZEREMIAH 12:14

Abeipa ta hetana heta a tah: “Ei phopi Izarei hnohta ryuto râh ei piepa a chhutuhpa ei chheipâh râh moleipa zydua cha, moh teh u, ama râh tawhta phia aw ei na ta, Zudâh pathlazy chhao ama hry tawhta ei phia aw ei.

ZEREMIAH 2:4

Hy Zakaw pathlazy nata Izarei pathla pho zydua saih u, Abeipa bie he nathlie teh u.

ZEREMIAH 30:16

Chavâta châ palâtuhpa zydua cha palâpa châ aw ei ta, Na chariahpa zydua sei ta ama sie aw; Châ hraotuhpazy hraopa châ aw ei ta, Hraona sôh ta châ hmâhtuhpazy chhao, Hraona sôh ta ei tao aw ei.

ZEREMIAH 50:7

A hmôpa maihta âmo cha palâ ei ta, Ama chariahpazy ta, ‘Keimo thaileina châ vei, Âmo tlai ta siana pahrâna Abeipa chô liata molei ei ta, Âmo pathlatuhpazy hnabeiseihna Abeipa chô liata ama moleipa vâta a châ,’ ama tah.

ZÔELA 1:3

Nama sawzy chho u la, Nama sawzy ta ama sawzy chho ei sala, Ama sawzy ta chhâ hropa chho mawh ei sy.

AMÔSÂ 6:1

Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

HABAKU 1:11

Ama thatlôna cha ama khazoh ta tao ei ta, Ama siena liata thlih hawhta ama chanaoh laih; Moleina hmo tao ei ta, Thaileichâpa ta ama y.”

ZEKARIA 1:15

A boh kawpa hawhta â pachâpa phopizy chô liata chhao ei hie a hâh ngaita. Hmiatua ta cha ei hiehâh tu vei, châhrasala âmo tlai ta moleina hmo ama tao via rili.

ZEKARIA 2:8

Châ hraotuhpazy râh lâ a rônahna ta nâ tuahtuhpa Pheisaihzy Abeipa ta hetana heta a tah: “Nâ châ hriapa cha ei mosaw a hriapa a châ.

MALUHREINA 18:12

Abeipa lâta ama hlâpa sathaw pha chaipa, kresawhti pha chaipa, sâh pha chaipa nata thei hmiatua chaipazy ei cha pie.

RAWMA 11:16

Thei hmiatuapa châta viahchhâ eichheihpa hlâpa a pathaih khiahta cha, viahchhâ tlâ pôhpalôhpa a pathaih. A thari a pathaih khiahta cha, a chiahzy a pathaih.

RAWMA 16:5

Ama o liata Awnanopa a pakhypazy chhao kha nâ naohpa muh vy. Ei kho ngaitapa Epenetâ, Asia râh liata Krista a ngiapâ tua chaipa chhao kha nâ naohpa muh vy.

EPHESI 1:4

A hmiakô liata pathaihpa nata seina hnei leipa ta eima y thei nawpa ta, leilô y hlâ tawhta Krista liata miah a tlyh ta. Kyhpachâna ta,

RYHPACHANEINA 14:2

Abeipa nama Khazohpa châta phopi pathaihpa châ ei chi ta, Abeipa ta ano ryuto châ awpa ta alei chô liata phopi zydua hry tawhta â tlyh eihpa nama châ.

RYHPACHANEINA 26:19

Abeipa nama Khazohpa ta bie â vaw taih hapa hawhta, nâmo cha reithaina, moh phana nata palyupalihna kyhzy liata, phopi a paduapa zydua chô liata y awpa nata Abeipa nama Khazohpa châta phopi pathaihpa châ awpa ta a cha padua ei,” tah ta.

RYHPACHANEINA 7:6

“Abeipa nama Khazohpa châta phopi pathaihpa nama châ. Abeipa nama Khazohpa ta ano ryu sôhpa châ awpa ta, alei chô liata phopi zydua hry tawhta â tlyhpa nama châ.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

BIEPHUAH 14:4

Cha chyhsazy cha chanô liata a papua leipa, chapaw kôpazy ama châ. Mietakutaw siena lâ maih a zituhpazy châ ei ta, Khazohpa châta nata Mietakutaw châta a pathei tua chaipazy châ awpa ta, chyhsa hry tawhta chatlaipazy ama châ.