ZEREMIAH 2:28 - Mara Bible RV (BSI)

²⁸ Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

ZEREMIAH 2:28 ပူးပေါင်းရင်းမြစ်များ

2 ABEIZY 3:13

Elaisâh ta Izarei bei hnohta, “Nâ nata kei ta azaona khâpa eima hnei? Na paw hrohsopazy lâ sie la, na nô hrohsopazy lâ sie teh,” tah ta. Izarei bei ta a hnohta, “Sie aw va na., He bei pathôhzy he Môabâ ku liata hlâ awpa ta Abeipa ta miah a awpakhypa a châ hih,” tah ta.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 46:2

A zâ pahnaipa ta a zâ bôh khoh ei ta, Phaohri deikua chapawh thei hlei veih ei; Âmo tlai chhao sei châna lâ ama sie.

ISAI 46:7

Khazoh nothlahpa cha, Ama ngiatlâh liata khaipa ta a pia ei ta; A su awpa liata soh ei ta, Cha liata â duah ngâ thlâh haw; A su tawhta ano kho ta a pasie thei vei. Chyhsa ta a aw khiahta cha, A chhy leipa ta; A nôpona tawhta pachha thei hra vei.

ISAI 57:13

Baona hiapa ta na aw tita, Nothlahpa na sopakhypazy ta Cha pachha mawh ei sy. Châhrasala âmo cha thlih ta cheih aw ei ta, Ei kha hu sopa ta a phaoh pathlah khai aw ei. Keima nâ chhaipa deikua cha râh ryu to aw ta, Ei tlâh pathaihpa ryu a to aw.

ZEREMIAH 1:16

Chatawhcha na siesai ei ta, khazoh hropazy lâta ropahâhpa raopa ta, âmo ku ta taopa amâ chhyna moleina zydua vâta, âmo kyh liata ei pachiana zydua ei phuah aw.

ZEREMIAH 11:12

Chatawhcha Zudâh khihpizy nata Zerusale khihsawzy cha, atheihna ama hlâ tyhpa khazohzy lâ pangaipa ta awsao aw ei ta, châhrasala chazy chata ama nôpona daihti pachha thei aw veih ei.

ZEREMIAH 11:13

Hy Zudâh y, na khazohzy cha na khihpi zie tlai châ ei ta, Bâlâ lâta atheihna hlâ nawpa ta maisâh na taopa, maophyuh nawpa ta maisâh na paduapazy cha, Zerusale khih chhôh lâpi zie tlai ta a hluh.

ZEREMIAH 30:7

Cha noh rônahzie rimâ cha! Cha noh a lyupa rai y veih ei; Zakaw nôpona noh châ ta, Châhrasala cha tawhtapa cha pachhapa ta a y aw.

ZEREMIAH 37:19

Na hnohta, ‘Nâ nata he râh he a dyuh awpa ta, Babylaw bei a vy aw vei,’ tahpa ta hrohsona bie châ chhopazy kha, khataih liata ama y khai haw?

HÔSIA 10:1

Izarei cha kre zôh sichâphapa châ ta, A pathei pha ngaita tyh. A pathei hluh via nahta, Maisâh hluh via tao ta; A râh a pha via nahta, Panana tôh a hluh via.

HABAKU 2:18

“Chyhsapa tao chhyhpa nothlahpa cha, Khâpa phahnaina ma a hnei? Nothlahpa deita châ ta, Haipa bie pachutuhpa a châ. A taotuhpa ta ano kuzô ta tao ta, Bie a reih thai leipa nothlahpazy cha, A ngâ kaw cha!

HABAKU 2:19

Thotô hnohta, ‘Thyu teh’ tah ta, Hrona hnei leipa lôtô hnohta, ‘A hra teh,’ A tahtuhpa cha a hu a po na! Cha chata a chhihtha thei aw ma? Moh tua, ngôh nata tâkâ ta pahupa châ ta, Ano liata husona rai hnei vei.

RYHPACHANEINA 32:37

Abeipa ta, ‘Ama khazohzy khataih lia ama y haw, Amâ chhaina lôpanô khataih lia a y haw?

RYUREITUHPAZY 10:14

Vawh u la, namâ tlyhpa khazohzy cha va pado teh u. Âmo chata nama nôpona daihtizy liata cha pachha mawh ei sy,” tah ta.