ZEREMIAH 2:25 - Mara Bible RV (BSI)

²⁵ Phei ruapa ta na y awpa pasaih leipa la, Na rao a hi awpa pasaih khah y. Châhrasala, “Hnabeiseihna y khao vei, Chihropazy vâia ha ei na ta, Âmo tlao ei pazi lâlao aw ei,” tah chi ta.

ZEREMIAH 2:25 ပူးပေါင်းရင်းမြစ်များ

2 THÂTIHZYRONA 28:22

A nôpo ngaita no chhao ta, Ahâza cha Abeipa chô liata ngâ a chhih lei via rili ta. Cha cha Bei Ahâza hro a châ.

2 THÂTIHZYRONA 28:23

“Aramia khazohzy ta Aramia beizy ama baopa vâta, kei chhao eina bao thei nawpa ei ta, âmo lâta atheihna ei hlâ aw,” tah ta, ano a pahnietuhpa Dâmaskâ khazohzy lâta atheihna hlâ ta. Châhrasala cha cha ano nata Izarei zydua raona a châ.

ISAI 2:6

Na phopi hry liata nochhi chyhsa ziehchhôhpa hmozy ta bie ta, Philistinâ mo hawhta pachaopadâhpazy tao ei ta, Chihropazy nata azaona ama taopa vâta, Na phopi cha siesai chi ta, Zakaw pathlazy cha na siesai ha ei.

ISAI 57:10

Na siena lâpi pasipa vâta, Na tha chhâ kaw hra sala, “Hnabeiseihna rai y vei,” Tah va chi; Thatlôna thiehpa hmô chi ta, Chavâta panao va chi.

ZEREMIAH 13:21

Na viasa châ awpa ta Nâ ta na pachupazy cheingei cha, Na chô liata luhpa ta ama so tita, Kheihta ma na tah aw? Chanô sawzeih pasapa hawhpa Pasana ta cha patu aw vei ma?

ZEREMIAH 13:22

Na palôh liata, ‘Khâpa vâta ma, He hmozy he ei chô liata a vaw tlô tly?’ Na tah khiahta cha, Na moleina rarôh ypa vâta, Na hnorâh typa châ chi ta, Taochhiepa ta na ypa a châ.

ZEREMIAH 14:10

He phopi kyh liata, Abeipa ta hetana heta a tah: “Viavi awpa khoh kaw ei ta, Ama phei chakâna a sohsi veih ei; Chavâta Abeipa ta âmo cha a pyh leipa ta, Ama paraona a thei thlâh ha aw ta, Ama moleinazy vâta a hrie aw ei.”

ZEREMIAH 18:12

“Châhrasala âmo ta, ‘Cha cha phahnaina hnei vei! Keimo pachâpa hawhta y aw pi ta, chyhsa to keimo palôh chhorupa moleina hawhta eima tao aw,’ ama tah haw.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 22:20

“Lebanaw lâ khypa ta awh la, Bâsanâ liata na ao papua la, Abari tawhta awh teh, Na kyhpachâpa zydua pahleipadiapa ama châ khai ha hih.

ZEREMIAH 22:21

Huhiehpa ta na y nota bie châ chho na ta, Châhrasala, ‘Nathlie aw va na,’ na tah haw. Ei bie na nathlie khoh leipa he, Na thyutlia no tawhta na hrozie a châ.

ZEREMIAH 3:13

“‘Nâ deikua cha na thaileichâna a pahno mah y: Abeipa na Khazohpa a dyuhpa ta, Tho hrohpa ry to liata chihropazy khokhei chi ta, Ei bie zyh va chi,’” Abeipa ta a tah.

ZEREMIAH 44:17

Keimo nata miah pathlatuhpazy nata eima beizy nata eima beimachâzy heta, Zudâh khihpizy nata Zerusale khiliahzy liata eima tao tyhpa hawhna khata, avâ beinô lâ ropahâhpazy raopa ta, dopa hlânazy ano lâ patlai aw pi ta, bie eimâ taihpa zydua eima tao aw. Kha daihti liana kha niedo hluhpi hneipa ta, thlaochhipa ta y pi ta, chhiena a tyh ma pi.

CHAPHÔHTUNA 1:2

Vâsâhpa ta zâ ta cha ta, A baih liata mothlih hi vei; A khopaw zydua hry tawhna khata, A thlah a palôh awpa hnei khao vei; A viasazy ta a paphasai ei ta, A chariahpa lâta amâ lie khai haw.

CHAPHÔHTUNA 4:4

Hawsaih sâhpi a ngiehpa paleih cha, A dâhphi tupa vâta a dâh liata â bai. Hawtizy ta niedo a haw ei ta, Châhrasala a piepa y veih ei.

EZEKIA 20:32

“Nama palôh liata, ‘Phopizy hawhta y sih la, râhzy liata chiphozy hawhta y hrapa ta, tho nata lô zy a chhy ei suh u,’ nama tah. Nama pachâpa hawhta vaw y beih aw vei.

HÔSIA 2:3

Chataleipatala thluahruapa ta soh aw na ta, A pi noh hawhna khata ei tao pathlei aw na; Râh chawhpa ta tao aw na ta, Sadi su lâta paliepa ta, Dâhphina ta ei thie pathlei aw na.

HÔSIA 2:5

Ama nô ta sihryhpa ta y ta, Âmo a phaohtuhpa ta Nozana chhao pahno leipa ta, ‘Ei khopawzy ei chadai aw ei; Ei viahchhâ nata ei ti, Ei sahmi chysia nata pala rih dipa poh, Ei sathaw nata ei dopa Nâ pietuhpazy ei chadai aw ei,’ a tah.

MALAKHAI 3:14

‘Khazohpa chakaopa he hraoleipa dei a châ. A biepiepazy eima zyhpa nata mâchhiesapazy hawhta Pheisaihzy Abeipa hmiakô liata eima y tyhpa heta khâpa phahnaina ma a hnei tly?

LUKA 15:22

Châhrasala a paw ta a chakaotuhpazy hnohta, ‘Poh pha chaipa kha vaw cheih para u la, vaw pabu teh u. A ku liata kusadi paky u la, a phei liata pheiky paky teh u.

LUKA 16:24

Hneirôhpa cha awh ta, ‘Ei paw Abarahâ y, na ngiachhie la, Lâzarâh kha a kudy pawhmao ti liata ny sala, ei paleih chakuasa awpa ta na vaw tuapa mah y. Meipaleih liana heta ei pasa ngaita,’ tah ta.

RAWMA 8:24

Cha hnabeiseihna vâna chata pachhapa eima châ. Hmô theipa hnabeiseihpa cha, hnabeiseihna châ vei. Hmô hapa cha, ahy ma hnabeiseihpa ta a hâ khao aw?

RYHPACHANEINA 28:48

nâmo châ dyuh awpa ta Abeipa ta a vaw tua awpa nama chariahzy cha, nodidâhphina, thluahruana nata ato phahlana chôta chakao aw ei chi ta, a cha pahleipadia khai hlâlei ei cha, nama rao liata thua raopaky a cha paky aw ei.

RYHPACHANEINA 32:16

Chihropa khazohzy ta a hia patliasa ei ta, Pasichhihpazy taopa ta a hie ama pahâh.