ZEREMIAH 2:20 - Mara Bible RV (BSI)

²⁰ “Hlâno tawhta na raopaky thliepa ta, Na bâliazy chhie na ta, Châhrasala, ‘Cha chakao aw va na,’ tah chi ta, Tlâh sâhpa to nata tho hrohpa ry to liata, Âzuahnô hawhta nâ bôh tyh.

ZEREMIAH 2:20 ပူးပေါင်းရင်းမြစ်များ

1 ABEIZY 12:32

Zudâh râh liata kyhchhi ama hnei tyhpa hawhta, thla chariena, noh hrawh hleipangawhna noh cha, Zerôbaw ta kyhchhi noh ta rao hra ta, maisâh liata atheihnazy a hlâ tyh. Cha hawhna chata Bethel liata tao ta, viahchaotaw nothlahpa a taopazy lâ cha atheihnazy hlâ ta. Su sâhpa a paduapa châta theihthaipazy cha Bethel liata soh ta.

1 ABEIZY 14:23

Âmo chhao heta tlâh sâhpa to liata nata tho hrohpa to ry liata lôbôzy bôpa ta, su sâhpazy nata Aseri tôhzy padua ei ta.

HLAZY 107:14

Zohna nata thina nohpahli tawhta âmo cha a chhi papua ta, Ama chahrynazy a chhiepa ei.

HLAZY 2:3

“Ama bâliazy he chhie sih la, Ama keihraizy he thy ei suh u,” ama tah.

HLAZY 78:58

Ama su sâhpazy vâta a hie pahâh ei ta, Ama khazoh nothlahpazy vâta hiatliapa ta ama paysa.

PUASAINA 19:8

Zawpi zydua ta, “Abeipa reipa zydua cha eima tao lymâ aw,” tahpa ta â raohpa ta a chhy ei ta. Mawsi ta zawpi biereipazy cha Abeipa chho ta.

PUASAINA 24:3

Mawsi cha zu ta, Abeipa bie zydua nata ryhpa zydua cha zawpi hnohta za chho ta, chyhsa zydua ta, “Abeipa reipa zydua cha eima tao aw,” tahpa ta â raohpa ta a chhy ei ta.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

ISAI 1:21

Kheihtazieta ma khihpi ngâchhihpa, Adona ta a bie tyhpa khihpi kha, Sihryhpa lâta a pua ha tly i? Ano liata siana pahrâ tyh ta, Tahmâ deikua cha, Lianycheihtuhpazy pahrâna a châ ha hih!

ISAI 10:27

Cha noh liata, Asuria phaohri cha na ngiatlâh tawhta pachhôpa châ aw ta, a raopaky chhao na rao tawhta pahluhpa a châ aw. Na thawhpa vâta a raopaky cha na thlie pachhô aw.”

ISAI 14:25

Asuria cha ei râh lia tlai ta parao aw na ta, Ei tlâhzy liata phei ta ei tlypâ aw; A raopaky cha ei phopi tawhta pahluhpa châ aw ta, A phaohri ama ngiatlâh tawhta pachhôpa a châ aw,” Tahpa ta bie a taih ha ta.

ISAI 9:4

Midia mo pahnie noh hawhna khata, A raopaky phaohri thlie pachhô chi ta, A ngiatlâh liata sômasi chhao thlie pachhô chi ta, A tlybaituhpa chôchahrei chhao na thlie pachhô khai haw.

ZEREMIAH 13:27

Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”

ZEREMIAH 17:2

Tlâhthlôh tho laipa ry to liata ama maisâhzy nata Aseri tôhzy cha, ama sawzy chhao ta ama khazoh achhyna a châzie ama pahno.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 3:13

“‘Nâ deikua cha na thaileichâna a pahno mah y: Abeipa na Khazohpa a dyuhpa ta, Tho hrohpa ry to liata chihropazy khokhei chi ta, Ei bie zyh va chi,’” Abeipa ta a tah.

ZEREMIAH 30:8

“Chatawhcha hetana heta a vaw châ aw. Cha noh liata ama raopaky thlie pachhô aw na ta, ama rao tawhta ei pahluh aw. Ama bâliazy chhao chhie aw na ta, chihropazy ta sei ta tao khao aw veih ei.

ZEREMIAH 5:5

Chhituhpazy lâ vawh aw na ta, Ama hnohta ei kei reih aw; Âmo cha Abeipa lâpi pahno thlyu aw ei ta, Ama Khazohpa ryhpa ama pahno tlai aw,” tah na ta. Châhrasala a paraohpa ta raopaky thlie ei ta, Bâliazy ama chhie haw.

EZEKIA 16:28

Na lôhrâ a tlô leipa vâta, Asuria mo liata chhao â zuah chi ta, â do, âmo liata â zuah chi ta, na lôhrâ tlô pyly vei.

EZEKIA 16:31

Lâtlei to liata abyhna su achhuapa a sa chi ta, tlyliah to liata su sâhpa nâ tao. Chatanachôta hlao na tlaichhai hlei leipa vâta, âzuahnô chhao lyu va chi.

EZEKIA 16:41

Na ozy mei ta rao aw ei ta, chanô hluhpi mohmô liata na thâtih ama pachia aw. Â zuah khao lei awpa ta cha tao aw na ta, nâ zuahnaopazy hnohta hlao pie khao aw va chi.

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

EZEKIA 23:5

“Ôhôlâ cha kei eih a châ thlâh ha nota, â zuah ha heih ta, a Asuria mo a khopawzy chô liata a aohraoh ha heih.

HÔSIA 1:2

Abeipa ta Hôsia hmâpa ta bie a rei tua nota, Abeipa ta Hôsia hnohta, “Vawh la, sihryh nô na lapinô ta kei hnei la, sihryhpa sawzy sa teh, râh he sihryh ha ta Abeipa â pheisaih hapa vâta,” tah ta.

HÔSIA 2:5

Ama nô ta sihryhpa ta y ta, Âmo a phaohtuhpa ta Nozana chhao pahno leipa ta, ‘Ei khopawzy ei chadai aw ei; Ei viahchhâ nata ei ti, Ei sahmi chysia nata pala rih dipa poh, Ei sathaw nata ei dopa Nâ pietuhpazy ei chadai aw ei,’ a tah.

HÔSIA 3:3

he hawhta zikyu ei râ, “Noh hluhpi nâma deita ta keima châta na y aw. Sihryh khao leipa aw chi ta, chapaw liata a phei khao aw va chi; kei chhao ta châ zialâh mâh khao aw va na.”

HÔSIA 4:13

Tlâh lakizy liata atheihna hlâ ei ta, Tlâhthlôhzy liata raopa hlâna ama hlâ tyh; Ama buh nohdi a pha kawpa vâta, Ôkâ, pôpalâ nata terebi kôzy ry liata, Atheihnazy ama hlâ tyh. Chavâta nama sawchanôzy ta sihryh ei ta, Nama myuhnôzy ta amâ phei tyhpa a châ.

HÔSIA 9:1

Hy Izarei, a ly leipa la, Phopi hropazy hawhta na thapha khah sy. Sihryhpa ta na Khazohpa a pheisai chi ta, Sawhrihmo to liata Âzuahnô ty na tlaichhai tyh.

THEIHTHAINA 26:13

Kei he Abeipa nama Khazohpa, Izi mo sei nama châ khao lei awpa ta, Izi râh tawhta nâmo châ chhi papuatuhpa ei châ. Nama raopakyzy thlie pachhô na ta, â patlâpa ta ei cha pasiesa ei.

NÂHU 1:13

Tahmâ cha a raopaky cha thliepa aw na ta, Na bâliazy ei chhie pachhô bâ aw.”

RYHPACHANEINA 12:2

Nama pho awpa phopizy ta tlâh sâhpazy nata tlâh byuhpazy liata nata tho hrohpa to ry liata ama khazohzy ama chakaona su zydua nama parao khai awpa a châ.

RYHPACHANEINA 15:15

Izi râh liata sei ta y ei chi ta, Abeipa nama Khazohpa ta a cha chatlaipa ei kha namâ thei thlâh awpa a châ. Chavâta he biezy he tanoh ei cha pie ei.

RYHPACHANEINA 26:17

Tanoh he Abeipa cha nama Khazohpa a châ tahpa phuah ha ei chi ta, a lâpizy a chhihpa ta, a bieraopazy, a biepiepazy nata a pachianazy zyhpa ta, a ao nathlie awpa ta bie namâ taih haw.

RYHPACHANEINA 4:20

Tanoh nama châna hawhna heta, Abeipa ta a ryuto phopi châ awpa ta, Izi râh tawhta, thua patisana mei tawhta cha la papua ei ta, a châ kaw chhi papuapa ei kha a thei thlâh ha muh vy.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 5:27

Chavâta nâ ta a kei hnia la, Abeipa eima Khazohpa ta a rei awpa zydua nathlie mah y. Chatanachata Abeipa eima Khazohpa ta na hnohta a reipa zydua miah chho aw chi ta, nathlie aw pi ta, eima tao aw,’ nama tah.

ZAWSUA 1:16

Izarei phopi hyutuhpazy ta Zawsua cha a chhy ei ta, a hnohta, “Tao awpa bie miah na piepa zydua tao aw pi ta, miah na tuana lâ maih eima sie aw.

ZAWSUA 24:24

Zawpizy ta Zawsua hnohta, “Abeipa eima Khazohpa chakao aw pi ta, a bie eima zyh lymâ aw,” tah ei ta.

ZAWSUA 24:26

Zawsua ta cha biezy cha Khazohpa ryhpa châbu liata roh ta, alô laipa la ta, Abeipa supathaihpa kiapâh ta ôkâ tho ry liata bô ta.

BIEPHUAH 17:1

Chatawhcha vâlyuhchâpa pasari hry liata pakha, biebuh miasari a hneipa a vy ta, ei hnohta, “A vy tua, ti hluhpi chô liata a tyuhpa âzuahnô rônahpa pachiana ei cha pamosa aw.

RYUREITUHPAZY 10:6

Izarei sawzy cha Abeipa mohmô ta moleina hmo tao heih ei ta. Bâlâzy nata Astarôzy, Aramia khazohzy, Sidaw khazohzy, Môabâ khazohzy, Amawna mo khazohzy nata Philistinâ mo khazohzy chakao ei ta. Abeipa a heihsai ei ta, ano cha chakao khao leipa ei ta.

RYUREITUHPAZY 2:11

Izarei sawzy ta Abeipa mohmô liata moleina hmo taopa ta, Bâlâ khazohzy a chhy pathao ei ta.

RYUREITUHPAZY 2:13

Abeipa a heihsaipa ta, Bâlâ nata Astarô khazohzy tlao ama chakao.

1 SAMUELA 12:10

Chatawhcha Abeipa awsao ei ta, a hnohta, ‘Eima vaw molei ha na, Abeipa a heihsai pi ta, Bâlâzy nata Astarôzy eima vaw chakao haw. Chatahrasala tahmâ eima chariahpazy ku tawhna heta miah pachha la, nâma eima cha chakao bâ aw,’ tah ei ta.