ZEREMIAH 2:2 - Mara Bible RV (BSI)

² “Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

ZEREMIAH 2:2 ပူးပေါင်းရင်းမြစ်များ

HLAZY 129:1

Tahmâ cha Izarei ta, “Ei thyutlia no tawhta ei hluhpi na pasasa ei ta,

PUASAINA 14:31

Abeipa ta Izi mo chô liata hmotaotheina rônah ngaitapa a hmâpa cha Izarei sawzy ta hmô ei ta, chavâta Izarei phopi ta Abeipa cha chi ngaita ei ta, chatanachata Abeipa nata a chakaotuhpa Mawsi cha a ngiapâ ha ei ta.

PUASAINA 16:8

Mawsi ta, “Abeipa ta a chô liata nama paphôhnazy a theipa vâta, zâlâ ta sa nie awpa cha piepa ta, my ta viahchhâ rih biena taih a cha pie ti ei ta, ano cha Abeipa a châ tlai tahpa nama pahno aw. Keimo he khâpa ma eima châ tly? Keimo chô liata a paphôhpa châ leipa ei chi ta, Abeipa chô liata a paphôhpa tlao nama châ,” tah ta.

BIESOZY 1:20

Sona cha khiliah liata a paropa ta awh ta, Sôhdaoh suzy liata a aony a pasâh.

HLAZY HLA 3:11

Hy Zaio zuahzy saih u, pua u la, Bei Sawlawmaw hao moh tua u. A lapi hnei noh châta a nô ta lakho a pakhopa a kho ta, A palôh thapha noh ta â kho awpa lakho a khopa ta â vy huh.

HLAZY HLA 3:6

Deiryh nata sathaw ropahâhpa a thu ta, Sôhdaoh liata ropahâhpa paohzy a hniapa ta, Meikhuh a duahpazy hawhta, Râhchawhpa tawhta â vypa hao ahy ma a châ tly?

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ZEREMIAH 11:6

Chatawhcha Abeipa ta hetana heta eina chho: “He bie zydua he Zudâh khihpizy nata Zerusale khiliahzy liata phuah teh. Abeipa ta hetana heta a tah: ‘He biehrai biezy he nathlie u la, zyh teh u.

ZEREMIAH 19:2

Hârâsi Chhikao angiana kiah liata Hinô Sawchapawpa Saikao lâ sie la, cha liata na hnohta bie ei cha chhopa he kei phuah mah y.

ZEREMIAH 2:1

Abeipa bie ei hnohta vaw tlô heih ta,

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

ZEREMIAH 3:4

Tahmâ tlai kha vei ma na aw chi ta, ‘Ei paw, ei thyutlia no tawhta ei viasa châ chi ta,

ZEREMIAH 7:2

“Abeipa o chhikao liata a duah la, ama hnohta he bie he phuah teh: Abeipa a chhy awpa ta, he chhikaozy liata a ngiapa, nâmo, Zudâh mo zydua saih u, Abeipa bie he thei teh u.

EZEKIA 16:22

Na pasichhihna nata nâ zuana zydua liata, thluahruapa nata sasaihpa ta ypa ta, na thisaih liata nâ hlaona, na thyudyu daihti kha a thei khao va chi.

EZEKIA 16:60

Chatahrasala na thyutlia daihti liata na hnohta biehrai ei taopa kha a thei aw na ta, na hnohta chhâzaw biehrai ei tao aw.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

EZEKIA 23:19

Chatanachôta a laihsa nota Izi râh liata â zuapa kha vâpa ta, â zuah via rili ta,

EZEKIA 23:3

Izi râh liata sihryh ei ta, ama laihsa no tawhta a sihryhpa ama châ. Ama sâhpizy hmiepa ei ta, ama laihsa kôna sâhpizy ama hriapa.

EZEKIA 23:8

Izi râh liata a y no tawhta a pathao hapa a sihryhna kha bâhsai vei. A laihsa no tawhta chapawzy ta a ziakhei ei ta, a laihsa kôna sâhpizy hria ei ta, ama aohraohna sihryhna a chô liata ama lei thlu tyh.

HÔSIA 11:1

A hawti no tawhta Izarei cha kyhpachâ na ta; Izi râh liata a y no tawhta, “Ei sawchapawpa” tahpa ta ei aw.

HÔSIA 2:15

Cha liata a kre sadôzy pie pakhua aw na ta, Akhaw Saikao cha, Hnabeiseihna ochhi ta ei tao aw. A thyutlia daihti hawhna khata, Na chyh-ei heih aw ta; Izi râh tawhta a kaw puana no hawhna khata, Eina chyh-ei heih aw.

HÔSIA 2:17

“Bâlâ mohzy a pakah tawhta thy aw na ta, Ama mohzy reipa châ beih khao aw vei.

HÔSIA 2:7

A khopawzy cha chadai aw ta, Châhrasala pha aw vei; Tlua laih aw ta, Hmô aw vei. Cha tita, ‘Ei vahpa tuapa lâ ei kua aw, Kha daihti kha tahmâ tahpa hlâta Ei châta a pha via,’ a tah aw.

HÔSIA 8:1

Ei biehrai parao ei ta, Ei ryhpa amâ dyuhpa vâta, Abeipa o chô liata pahmôhpi hawhta, Na hmao liata chiahmie pataoh teh.

HÔSIA 9:10

Râhchawhpa liata kre thei hawhta Izarei cha hmô na ta; Theiku a daih tuapa ei mopa hawhta, Châ pathlatuhpazy kha ei moh ei. Châhrasala Bâlâpeô ama vaw tlôpa nahta, Nozachhihpa hmo lâta thlai ama tlei haw; Chavâta ama tlaichhaipa hmozy hawhta, Âmo chhao pasichhihpa ama châ haw.

ZAWNA 1:2

a hnohta, “Thyu la, Ninivâ khihpi, hao khihpi rônahpa lâ hao sie la, bie kei chho mah y, ama paraona ei hmiakô liata a kaw tlô haw,” tah ta.

MATHAI 11:15

Theina nakhaoh a hneipa ta thei mawh sy.

LUKA 12:13

Zawpi hry liata chyhsa pakha ta Zisu hnohta, “Pachutuhpa, ryu na pachhaih awpa ta ei unawhpa na chhopa teh,” tah ta.

RYHPACHANEINA 2:7

Abeipa nama Khazohpa ta nama ku raihria zydua liata byhnâ cha pie tyh ei ta, he râhchawhpa kawh ngaitapa nama siepahliezie haipa chhao a pahno. Kô sypalih chhôh zydua Abeipa nama hnohta y ta, khâpa hmah a phahla veih ei chi,” tah mah y,’ tah ta.

RYHPACHANEINA 33:3

A châ na, a phopi kyhpachâ kaw ta, A mopathaihpa zydua a ku liata ama y. Na pheihniezy cha pazi ei ta, Na biepiepazy ama zyh tyh.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

BIEPHUAH 2:4

Châhrasala pasina ei cha hnei, na kyhpachâ hmiatuapa na bâhsaipa vâta.