Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ZEREMIAH 2:19 - Mara Bible RV (BSI)

19 Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

အခန်းကိုကြည့်ပါ။ ကော်ပီ




ZEREMIAH 2:19
40 ပူးပေါင်းရင်းမြစ်များ  

Elaizâh ta, “Kei ta Izarei nô papo va na, nâma nata na paw chhôhkha ta Abeipa biepiepazy tleisaipa ta, Bâlâ nama pazipa vâta, Izarei nô nama papopa a châ.


Hrohsopa Semiah cha, Sisâ vâta Zerusale liata a hmaohpakhypa Rehôbaw nata Zudâh beimachâzy lâ vawh ta, ama hnohta, “Abeipa ta hetana heta a tah: ‘Nâ heihsai ei chi ta, chavâta kei chhao ta châ heihsai ei na ta, Sisâ ku liata ei cha hlâ ha ei,’ a tah,” tah ta.


Chatanachata Edômâ cha tanoh taihta Zudâh â dyuh ngâ thlâh haw. Zehôrâ cha Abeipa, a pathlatuhpazy Khazohpa â heihsaipa vâta, cha daihti liata, Libnâ khihpi chhao ta a ryureina â dyuh ha hra.


Hrohsopa ta bie a rei hai nota, abei ta a hnohta, “Abei ryhraokheituhpa ta eima cha tao ma? A chalih teh! Khazia na thi aw,” tah ta. Hrohsopa ta, “He hmo he tao chi ta, ei ryhraokheina nâ pyh leipa vâta, Khazohpa ta pahleipadia a châ chhuah haw tahpa ei pahno,” tah ta, chatawhcha a chalih ha ta.


Moleina ta moleipa palôh chhôh chaipa liata bie reih ta, Moleipa mohmô liata cha Khazohpa china rai y vei.


Chavâta Izarei sawzy ta ama sôhthihzy cha Hôribâ tlâh liata ama pahluh khai haw.


Âmo yzie thei nie aw ei ta, Âmo hmotaopazy ta lôhrâ amâ patlô aw.


Sona a phahlapazy cha lâpi ama tleisaina ta âmo cha thie tyh ta, Ahrupazy chhao âmo hruna ta a pahleipadia tyh ei.


Hmoparaopa cha a paraona khoheih liata a ao aw ta, A moleina chaori ta â ipa ta a chahry aw.


Ama hmia phao ta ama châna palâsa ta, Ama moleina Sawdawmâ hawhta ama phuah; Nyu veih ei. Ama hu a po na! Âmosasyh ta raona amâ taopa a châ.


Chavâta ei kre sadô chô liata ei tao awpa Tahmâ ei cha chho aw ei. A diahpai phie aw na ta, Nie khaipa ta a y aw. A diahsua parao aw na ta, Tlypâpa ta a y aw.


Abeipa ta hetana heta a tah: “Nama nô ei papua hapa kha, Ei mana ryuchâ khataih liata a y? Leih ei bâhpa ahy hnohta ma ei cha zua ei? Pachâ teh u, nâmo moleinazy vâta zuapa châ ei chi ta, Nâmo paraonazy vâta nama nô cha papuapa a châ.


Chatawhcha na siesai ei ta, khazoh hropazy lâta ropahâhpa raopa ta, âmo ku ta taopa amâ chhyna moleina zydua vâta, âmo kyh liata ei pachiana zydua ei phuah aw.


Na palôh liata, ‘Khâpa vâta ma, He hmozy he ei chô liata a vaw tlô tly?’ Na tah khiahta cha, Na moleina rarôh ypa vâta, Na hnorâh typa châ chi ta, Taochhiepa ta na ypa a châ.


Abeipa na Khazohpa ta lâpi liata a cha chhihtha nota Nâ râsaipa vâta, Nâma tlai ta cha hmo cha Na chô liata na patlôsapa châ vei ma?


“Hy ngiapâ hnôhsypa sawzy saih u, Vaw kua ha muh vy. Namâ ngiapâna hnôhsyna tawhta ei cha pathyu heih aw ei.” “Moh tua, nâ cha Abeipa eima Khazohpa na châpa vâta, Nâ lâ eimâ vy hih.


“Na hrozie nata na hmotaopazy ta He hmo he na chô liata a vaw patlôsapa a châ. He he na raona awpa châ ta, Na pathipalôh chhô pahlie aw ta, A pasa ngaita aw,” Abeipa ta a tah.


Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.


‘A daihti ta avâ pasuasa ta, Chasipaw avâ nata châhvâ avâzy pasuasapa ta, Sâh hria daihti liata avâ a pahiasatuhpa, Abeipa eima Khazohpa cha chi ei suh u,’ Tahna châh ama palôh ta pahno vei.


Ama paraonazy hluh ta, Ama paona a lai ngaitapa vâta, Râhmâhpa chakeibarôhneipa ta âmo cha tai aw ta, Râhchawhpa changie ta a sie aw ei; Keihchhoh ta ama khihpizy a byh aw ta, Khihpi tawhta a puapazy a hriechheih lymâ aw ei.


Keima hie pahâhpa hawhta ma ama pachâ? Âmosasyh ta ama no amâ pazapa tlao châ vei ma? Abeipa ta a tah.


Cha hawhta a châpa tlai ta, Khazia ma he phopi heta lâpi tlei ei ta, Hnôh amâ sy pathlah ha tly i? Dôveina khâchâ patu ei ta, Kua khoh khao veih ei.


phopizy liata â zuahpa ta, ama khazoh nothlahpazy ta nâ papuapaleipa vâta, he hmozy he na chô liata a vaw tlôpa a châ.


Ama pathaih leina nata ama paraona lymâ hawhta ama chô liata tao na ta, âmo tawhta ei hmia ei nyu hapa a châ.


Ei chyhsazy ta Na tleisai khâchâ amâ chhuah haw; Chavâta Chônôchaipa awsao hra ei sala, Âmo cha cheihchalo aw vei.


Hy Izarei, nâ dyuh chi ta, Châ baotuhpa nâ dyuhpa vâta, Pahleipadiapa na châ.


Hy Izarei, kua la, Abeipa na Khazohpa lâ kua mah y; Na moleina vâta na pao ha hih!


Viahchao zeinô chhorupa hawhta, Izarei cha a chhoru kaw; Chavâta Abeipa ta ano cha, Sibiepa su kawhpa liata mietakutaw a pasapa hawhta, Tahmâ he a pasa khoh khao aw vâ ma?


 palaina ta Izarei cha hmiadaisâ ta padei ta, A thaileichâna liata Izarei nata Epharai ama pao; Zudâh chhao ama hnohta a pao hra.


Ama moleina zydua ei pahno khaizie Ama palôh liata pachâ veih ei. Ama hmotaopazy ta âmo cha chadô ta, Ei hmia liata amâ lâ khai.


Hy Izarei, a ly leipa la, Phopi hropazy hawhta na thapha khah sy. Sihryhpa ta na Khazohpa a pheisai chi ta, Sawhrihmo to liata Âzuahnô ty na tlaichhai tyh.


Nama kyhchhizy cha, Mâchhiesana lâta pachâsa aw na ta; Nama hlazy chhao, Chaphôhtuna lâta ei pachâsa aw; Chai zydua latho poh pasaisa aw ei na ta, Luh zydua ei papôlô khai aw; Sawchapaw matlupa mâchhiesapa hawhta tao aw na ta, A chhâna cha nôpona noh hawhta ei tao aw,” Abeipa Zehôvâh ta a tah.


Cha zydua cha Zakaw paraona vâta châ ta, Izarei phopi moleina vâta a châ. Zakaw paraona cha khâpa maw? Samâri châ vei ma? Zudâh su sâhpa cha khâpa maw? Zerusale châ vei ma?


Châhrasala nathlie khoh leipa ei ta, chhorupa ta hnôhchhy ei ta, ama thei lei nawpa ta ama nah a chahu ei ta.


Ama mo liata Khazohpa china rai y vei,” tahpa ta ropa a châ.


Chatanachôta nâ paphasai ei chi ta, khazoh hropazy tlao nama chakao. Chavâta cha pachha khao aw veih ei na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ