ZEREMIAH 2:13 - Mara Bible RV (BSI)

¹³ “Ei phopi ta hmo miano ama parao haw: Kei, hrona tihnawh he na siesai ei ta, Âmo châta tikhaoh â chao ei ta, Ti a o thei lei awpa tikhaoh amâ chao.

ZEREMIAH 2:13 ပူးပေါင်းရင်းမြစ်များ

2 ABEIZY 22:17

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su he ei pathiiana mei ta pakâ aw na ta, pachhaipa châ aw vei.

HLAZY 36:9

Nâma liata hrona hnawh y ta, Na khaihna liata khaihna eima hmô.

BIECHHOTUHPA 1:14

Noh ry liata hmotaopa zydua hmô khai na ta, moh tua u, ato hraoleipa sai châ ei ta, thlih a chadaipa deita a châ:

BIECHHOTUHPA 1:2

Biechhotuhpa ta, “Hraoleipa sai, hraoleipa sai, Hraoleipazy hry liata hrao lei chaipa, Ato hraoleipa sai a châ,” tah ta.

BIECHHOTUHPA 12:8

Hraoleipazy hraoleipa, ato zydua he hraoleipa sai a vaw châ, Biechhotuhpa ta a tah.

BIECHHOTUHPA 2:11

Ei hriapasa­na zydua nata ei ku ta ei hriapa zydua pachâ na ta, moh teh u, cha zydua cha hraoleipa châ ei ta, thlih a chadaipa deita a châ; noh ry liana heta hmo phahnaipa khâpa hmah y vei.

BIECHHOTUHPA 2:21

Chyhsa ta sona nata novâhna nata zôthaina zy hmâpa ta hriapasa ta, a châh ta cha, a hriapasa leipa to awpa ta siesai awpa a châ thlâh ha tyh. Cha chhao cha hraoleipa nata paraona lai ngaitapa a châ.

BIECHHOTUHPA 2:26

Ano a palysatuhpa cha, Khazohpa ta sona nata novâhna nata alyna pie ta, moleipa deikua cha, Khazohpa palôh a patlâhpa hnohta pie awpa lapakhyna nata pahmaohpakhyna rai a pahriasa tyh. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

ISAI 1:3

Viahchao tôhpa ta a hneituhpa pahno ta, Alâ ta a puhpa châki a pahno; Izarei deikua ta pahno leipa ta, Ei phopi ta a novâh vei.”

ISAI 1:4

Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

ISAI 12:3

Pachhana tikhaohzy tawhta, Thaphapa ta ti thaih aw ei chi ta,

ISAI 5:13

Chavâta ei phopi cha pahnona amâ phahlapa vâta sei ta a chhipa ta y ei ta, Ama chyhsa zachhihpazy nodipa ta thi ei ta, Ama zawpizy dâhphipa ta ama thi.

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

ISAI 63:8

Abeipa ta Izarei kyh liata, “Izarei cha ei phopi châ tlai ei ta, Adoleipa ta hmo a tao lei awpa sawzy ama châ,” tah ta, Âmo Pachhatuhpa ta a y hapa a châ.

ZEREMIAH 1:16

Chatawhcha na siesai ei ta, khazoh hropazy lâta ropahâhpa raopa ta, âmo ku ta taopa amâ chhyna moleina zydua vâta, âmo kyh liata ei pachiana zydua ei phuah aw.

ZEREMIAH 14:3

Chhituhpazy ta chakaotuhpazy ti pathaisa ei ta, Tikhaohzy yna lâ ama pangai; Châhrasala ti hmô leipa ei ta, Ama tibeihzy aruapa ta kuakhei ei ta, Nozapa nata vâsâhpa ta ama luh amâ khu.

ZEREMIAH 15:6

Na thy ha chi ta, Hnôh nâ sy lymâ. Chavâta na chô liata ei ku hy na ta, Ei cha pahleipadia haw; A ngiapachhi tiah khao va na, Abeipa ta a tah.

ZEREMIAH 17:13

Hy Abeipa, Izarei hnabeiseihpa y, Châ siesaipa zydua cha maophyuh aw ei ta, Châ tleisaipazy chhao, Abeipa, hrona tihnawh ama siesaipa vâta, Dohlei liata moh ropa hawhta ama leidia aw.

ZEREMIAH 18:14

Lebanaw dâhaw cha lôkâhpa tlâhzy tawhta a lei beih ma? Lâ hlapi tawhta ti chakuapa a zâ lohpa a kua beih ma?

ZEREMIAH 19:4

Kei na siesai ei ta, âmo nata âmo pathlatuhpazy nata Zudâh beizy ta ama pahno beih leipa khazoh hropazy lâta atheihnazy hlâ ei ta, he su he papuapalei ei ta, thaileina a hnei leipazy thisaih ta ama pabie haw.

ZEREMIAH 2:11

Phopi ta a khazohzy cha, Khazohzy ama châ leipa chhao ta a thla beih ma? Ei phopi deikua ta ama rônahna cha, Hmo phahnai leipa ta tlao ama thla haw.

ZEREMIAH 2:17

Abeipa na Khazohpa ta lâpi liata a cha chhihtha nota Nâ râsaipa vâta, Nâma tlai ta cha hmo cha Na chô liata na patlôsapa châ vei ma?

ZEREMIAH 2:26

“Parutuhpa pachhaipa ta a y nota a no a za kawpa hawhta, Izarei pathlazy cha no pazasapa ama châ aw: Âmo nata ama beizy no pazasapa châ aw ei ta, Ama beimachâzy nata ama theihthaipazy no pazasapa châ hra aw ei ta, Ama hrohsopazy no pazasapa ama châ aw.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 5:26

Ei phopi hry liata moleipazy y ei ta, Pavaw a byhtuhpa hawhta, A bôhpa ta ama chadi tyh. Khoheih chôh ei ta, Chyhsazy ama pa-ao tyh.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

EZEKIA 14:5

Chatanachata ama khazoh nothlahpazy vâta lôh hro nâ phaosai hapa Izarei pathlazy pathipalôh cha ei patu heih thei ngyu aw.’

EZEKIA 47:1

Chatawhcha Achhyna o ochhi lâ na kuakhei ta, Achhyna o châkeih ry tawhta nochhi lâta ti a lohpa hmô na ta. Achhyna o cha nochhi lâ a heihpa a châ. Ti cha maisâh chho lâta a ypa Achhyna o chachâh lâta châkeih ry tawhta vaw loh ta.

MIKÂ 2:8

Châhrasala atlia tawhta cha, Ei phopi ta chariah hawhta thyu ei chi ta, Thlalôh kawpa ta châ chapiapazy cha, Ama chysia phapazy pahluhpa ei chi ta, Adyuhna lâ tawhta a vaw liepazy hawhta nama tao tyh.

MIKÂ 6:3

“Hy ei phopi, khâpa ma na chô liata ei tao? Kheihta ma na rie ei cha pathei? Nâ chhy tua.

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:11

Chanô ta a hnohta, “Pâpuh, ti thai nawpa khâpa hmah hnei tlôh chi va, tikhaoh hra a thu tlôh, khataih liatapa ma ti hrohpa cha na hmô?

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 7:37

Kyhchhi chhâna noh, noh rônahpa liata, Zisu cha a duah ta, ao paro ngaitapa ta awh ta, “Ahy rai a dâh a phi khiahta cha, kei lâ a vy sala doh mawh sy.

RYHPACHANEINA 31:16

Abeipa ta Mawsi hnohta, “Pachâ teh, châ pathlatuhpazy hnohta nâ mô nawpa daihti â hnia haw. He phopi he thyu aw ei ta, pahrâ awpa ta ama pangaipa râh liata chihropa khazohzy liata amâ phei aw. Na pathlua aw ei ta, ama hnohta ei hraipa ei biehrai ama parao aw.

2 PITY 2:17

Cha chyhsazy cha ti a y leipa vahtiezy châ ei ta, thlihpipa ta a phao pahaipa ameihzy ama châ. Zohna chhakaluhpa nôpona cha âmo châta sopa a châ.

BIEPHUAH 21:6

Chatawhcha ei hnohta, “A ngoh haw! Kei he Alphâ nata Ômekâ châ na ta, âthaona nata achhâna ei châ. Dâhphipa hnohta hrona tihnawh tawhta ti a saipa ta ei pie aw.

BIEPHUAH 22:1

Chatawhcha vâlyuhchâpa ta hrona ti chavah, lôsôhpa pasohpa hawhta a patliepa, Khazohpa nata Mietakutaw beidyuchhai tawhta a vaw lohpa na pahmô ta.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.

RYUREITUHPAZY 10:13

Chatanachôta nâ paphasai ei chi ta, khazoh hropazy tlao nama chakao. Chavâta cha pachha khao aw veih ei na.

1 SAMUELA 12:10

Chatawhcha Abeipa awsao ei ta, a hnohta, ‘Eima vaw molei ha na, Abeipa a heihsai pi ta, Bâlâzy nata Astarôzy eima vaw chakao haw. Chatahrasala tahmâ eima chariahpazy ku tawhna heta miah pachha la, nâma eima cha chakao bâ aw,’ tah ei ta.