ZEREMIAH 19:7 - Mara Bible RV (BSI)

⁷ He su liana heta Zudâh nata Zerusale hmochhuahpazy cha hraoleipa pachâsa aw na ta, âmo cha ama chariahpazy hmiakô liata nata ama hrona la a chhuahpazy ku liata zaozi ta ei papao aw ei. Ama rizy cha avâ pavawzy nata alei sahrâhpazy lao ta ei pie aw.

ZEREMIAH 19:7 ပူးပေါင်းရင်းမြစ်များ

2 ABEIZY 21:14

Ei ryuto laibâhpazy cha thy aw ei na ta, ama chariahpazy ku liata pie aw ei na ta, ama chariahpa zydua ta patu awpa nata hrao awpa ama châ aw.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ISAI 29:14

Chavâta moh teh u, He phopi hry liata hmonoâhpa tao heih aw na ta, Hmonoâhpazy ei tao patho aw. Ama chyhsa sopazy sona lei aw ta, Hmo pahno thaipazy pahno thaina chhao, Nyupa a châ aw.”

ISAI 8:10

Pachânazy cha reih pahmaoh teh u, Châhrasala khâpa hmah châ aw vei; Bie cha reih teh u, Châhrasala a duah aw vei, Khazohpa eima hnohta a ypa vâta.

ZEREMIAH 15:2

‘Khataih lâ eima sie aw?’ ama cha tah khiahta cha, ama hnohta, ‘Abeipa ta hetana heta a tah: “‘Potlana châta raopazy cha, Potlana lâ sie ei sala; Zaozi châta raopazy cha, Zaozi lâ sie mawh ei sy. Chakâhna châta raopazy cha, Chakâhna lâ sie ei sala; Seichâna châta raopazy cha, Seichâna lâ sie mawh ei sy,’ Na tah aw ei.

ZEREMIAH 15:9

Saw pasari a satuhpa cha panao ta, A thlahpa a pathlie haw; Nohchhô ta a noh tla ha ta, Nozapa nata nohzaopa ta a y. Laibâhpazy cha zaozi ta thi awpa ta, Ama chariahpazy ku liata ei pie aw ei, Abeipa ta a tah.”

ZEREMIAH 16:4

Hri chhiepa ta ama thi aw. Âmo châta mâchhiesapa châ leipa aw ta, pabupa châ aw veih ei. Alei liata ie hawhta ama y aw. Zaozi nata chakâhna ta thi aw ei ta, ama rizy cha avâ pavawzy nata alei sazy lao a châ aw.

ZEREMIAH 18:21

Chavâta ama sawzy cha chakâhna lâ hlâ la, Zaozi hmotaotheina lâ hlâ mah y. Ama lapinôzy saw leipa ta y ei sala, Nôhmeipa ta y mawh ei sy. Ama pawhrâhpazy hri ta thi ei sala, Ama satliazy adyuhna liata zaozi ta thi mawh ei sy.

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

ZEREMIAH 22:19

Alâ pabupa hawhta Zehôki cha pabupa a châ aw; Zerusale thokhy khô lâ a daophi aw ei ta, Cha liata ama thy aw.”

ZEREMIAH 22:25

thie châ chhuahpa, na chi kawpa Babylaw bei Nebukaneza ku liata nata Kaldia mo ku liata ei cha hlâ aw.

ZEREMIAH 32:28

Chavâta Abeipa ta hetana heta a tah: Pachâ teh, he khihpi he Kaldia mo ku liata nata Babylaw bei Nebukaneza ku liata pie aw na ta, ano ta khihpi he a la aw.

ZEREMIAH 34:20

Ama chariahpazy nata ama hrona la a chhuahpazy ku liata hlâ aw ei na ta, ama rizy cha avâ pavawzy nata alei sazy châta ama lao a châ aw.

ZEREMIAH 46:26

Ama hrona la a chhuahpa, Babylaw bei Nebukaneza nata a beimachâzy ku liata ei hlâ aw ei.

ZEREMIAH 7:33

He phopi rizy cha avâ pavawzy nata alei sahrâhpazy châta pati châ aw ta, ahy hmahta a laih aw veih ei.

ZEREMIAH 8:2

kyh ama pachâpa, ama chakaopa, ama pazipa, ama tluapa nata amâ chhypa noh, thlâpâ nata awhsi zydua hmiakô liata zawpa ama châ aw. Pakhypa châ khao leipa aw ei ta, pabupa châ hra aw veih ei. Ie hawhta alei chô liata pasichhihpa ta ama y aw,” Abeipa ta a tah.

ZEREMIAH 8:8

“Kheihta ma, ‘Asopa châ pi ta, Abeipa ryhpa eima hnohta a y,’ Nama tah thei tly? Pachâ teh u, chârohtuhpazy châsôh haih thaipa ta, Ryhpa cha haipa ta a panano ha hih.

ZEREMIAH 8:9

Chyhsa sopazy maophyuh aw ei ta, Chihuhpa ta ypa ta patupa ama châ aw. Pachâ teh u, Abeipa bie ama thy ha tawhta cha, Âmo liata khâpa sona cha ma a y khao aw?

CHAPHÔHTUNA 3:37

Abeipa ta bie a pie leipa khiahta cha, Ahy ma a bie reipa a patlôsa thei tly?

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

RAWMA 3:31

Cha khiahta la, ngiapâna vâta ryhpa cha hraoleipa ta eima pachâsa ma? Châ bao va! Ryhpa cha tlao eima pa-ipa a châ.

RAWMA 4:14

Ryhpa a zyhtuhpazy ta ryutotuhpazy ama châ awpa khiahta cha, ngiapâna cha hraoleipa châ aw ta, bietai chhao aruapa a châ aw.

1 SAMUELA 17:46

Tanoh he Abeipa ta nâma kha ei ku liata eina pie aw. Cha thie aw na ta, na luh cha tai aw na ta, Philistinâ pheisaih rizy cha tanoh he vâ pavawzy nata râhsazy ei pie aw ei. Chatanachata khizaw zydua ta Izarei liata Khazohpa a y tahpa ama pahno aw.