ZEREMIAH 19:2 - Mara Bible RV (BSI)

² Hârâsi Chhikao angiana kiah liata Hinô Sawchapawpa Saikao lâ sie la, cha liata na hnohta bie ei cha chhopa he kei phuah mah y.

ZEREMIAH 19:2 ပူးပေါင်းရင်းမြစ်များ

2 ABEIZY 23:10

Chatawhcha ahy hmahta ama sawchapaw tlyma, ama sawchanô tlyma, Môleka atheihna châta ama hlâ khao lei nawpa ta, Hinô Sawchapawpa Saikao ama tahpa liata Tôphe chhao a parao haw.

2 THÂTIHZYRONA 28:3

Hinô Sawchapawpa Saikao liata atheihnazy hlâ ta, Abeipa ta Izarei phopi hmiakô liata a papua hapa phopizy ta pasichhihpa ama taopazy tao hra ta, a sawchapawzy mei ta raopa ta atheihna ta hlâ ta.

2 THÂTIHZYRONA 33:6

A sawchapawzy cha raopa hlâna atheihna ta Hinô Sawchapawpa Saikao liata hlâ ta, kulâmopa, pachaopa nata molietaopa zy hmâh ta, peihthaipa nata athihpa bie a chho thaipazy â saohiah tyh. Cha hawhna chata Abeipa mohmô liata hmo molei ngaitapa taopa ta, Abeipa hie pahâh ha ta.

NEHEMIAH 3:29

Âmo a pazipa cha, Ime sawchapawpa Zadô ta ano o dady liata taopathi ta. Ano pazipa ta nochhi chhikao vaituhpa Sekaniah sawchapawpa Semiah ta taopathi ta.

ZEREMIAH 1:7

Châhrasala Abeipa ta ei hnohta, “‘Hawtipa deita châ na ta,’ tah khah y, Ei cha tuana phopi zydua lâ sie aw chi ta, Bie ei cha piepa maih na rei awpa a châ.

ZEREMIAH 11:6

Chatawhcha Abeipa ta hetana heta eina chho: “He bie zydua he Zudâh khihpizy nata Zerusale khiliahzy liata phuah teh. Abeipa ta hetana heta a tah: ‘He biehrai biezy he nathlie u la, zyh teh u.

ZEREMIAH 18:2

“Thyu la, beihvituhpa o lâ zu la, cha liata ei biezy ei cha pahnosa aw,” tah ta.

ZEREMIAH 26:2

“Abeipa ta hetana heta a tah: Abeipa o dôhpachhôh tlyhmia liata a duah la, Abeipa a chhy awpa ta Abeipa o lâ a vypa Zudâh khihpi zydua cha, ama hnohta rei awpa ta bie ei cha piepa zydua kha chho la, bie miakha hmah phih khah y.

ZEREMIAH 3:12

Sie la, he biezy he maw lâ kaw phuah la, ama hnohta, “‘Hy ngiapâ hnôhsypa Izarei y, Vaw kua ha mah y,’” Abeipa ta a tah. “‘Zawh a ngiah theipa châ na ta, Hiehâhpa ta cha moh khao leipa aw na ta, Chhâzaw ta ei hiehâh aw vei,’” Abeipa ta a tah.

ZEREMIAH 32:35

Hinô Sawchapawpa Saikao liatapa Bâlâ achhyna su sâhpazy padua ei ta, ama sawchapawzy nata ama sawchanôzy Môleka lâ ama hlâ tyh. Zudâh pamoleisa nawpa ta, he hmo pasichhihpa tao awpa heta, biepie leipa ei na ta, ei palôh liata chhao a lâ beih vei.

ZEREMIAH 7:2

“Abeipa o chhikao liata a duah la, ama hnohta he bie he phuah teh: Abeipa a chhy awpa ta, he chhikaozy liata a ngiapa, nâmo, Zudâh mo zydua saih u, Abeipa bie he thei teh u.

ZAWNA 3:2

a hnohta, “Thyu la, Ninivâ khihpi, hao khihpi rônahpa lâ hao sie la, bie rei awpa ei cha chhopa kha a hnohta kei phuah teh,” tah ta.

MATHAI 10:27

Zohna liata ei cha chhopa ei he, khaihna liata reih u la, bieparu ta nama theipa kha, vâphuh chô tawhta awh teh u.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

HMOTAOPAZY 5:20

“Vawh u la, Achhyna o liata a kei duah u la, he hrona bie zydua he, zawpi hnohta kei chho teh u,” tah ta.

ZAWSUA 15:8

Cha tawhna chata râhri cha Hinô Sawchapawpa Saikao lâta khy ta, Zebu mo yna chho baikhaihpa taih tlô ta. Zebu he Zerusale a châ. Râhri cha Hinô notla lâta saikao kiapâh ta a ypa tlâh laki lâta khy ta. Cha cha Rephai maw lâta saikao chhâna a châ.