ZEREMIAH 19:12 - Mara Bible RV (BSI)

¹² Cha tlu chata he su nata a chhôh liata a pahrâpazy chô liata tao aw na ta, he khihpi he Tôphe hawhta ei tao ha aw, Abeipa ta a tah.

ZEREMIAH 19:12 ပူးပေါင်းရင်းမြစ်များ

ZEREMIAH 10:13

A ao a papua nahta, Avâ liata ti pyuzy paro ta, Khizaw kaokih tawhta ameihzy a pathyu tyh. Vâsua châta dôhla pathliesa ta, A ryubyh tawhta thlih a pathlisa tyh.

ZEREMIAH 11:5

Châ pathlatuhpazy hnohta sâhpiti nata kheihti lona râh pie awpa ta bie ei taihpa kha, tanoh ta nama hmôpa hawhna heta, ei pa-i aw,’” tah ta. Kei ta, “Cha ta sy, Abeipa,” tah na ta.

ZEREMIAH 19:11

ama hnohta hetana heta na tah aw, ‘Pheisaihzy Abeipa ta hetana heta a tah: Chyhsa ta beihvituhpa beihlei titheih pakei ta, taopathi thei awpa a châ khao leipa hawhta, he phopi nata he khihpi he pakei aw na ta, taopathi theipa châ khao aw vei. Athipa rizy cha su hro liata pabu nawpa su a y lei awpa vâta, Tôphe liata tlâ ama pabu khai aw.

ZEREMIAH 19:13

Zerusale ozy nata Zudâh beizy ozy, avâ liata hmozy lâta hmohlâpazy hlâna vâphuh to nata khazoh hropazy lâta dopa hlâna patlaina vâphuh to cha, Tôphe su hawhta papuapaleipa a châ aw.’”