ZEREMIAH 18:23 - Mara Bible RV (BSI)

²³ Châhrasala Hy Abeipa, Thie awpa ta eina teina zydua ei cha na pahno khai. Ama paraona a ngiahthai leipa la, Ama moleina chhao na mohmô tawhta pahlei khah y. Na hiehâhna daihti liata ama chô liata hria la, Na hmiakô liata pao mawh ei sy.

ZEREMIAH 18:23 ပူးပေါင်းရင်းမြစ်များ

HLAZY 119:126

Na ryhpa parao ha ei ta, Hy Abeipa, rai na hria daihti a tlô haw.

HLAZY 35:4

Ei hrona pahlei a chhuahpazy cha, Nozapa nata maophyuhpa ta y ei sala; Ei chô liata chhiena tao a chhuahpazy chhao, Kua ei sala hnabeidypa ta y mawh ei sy!

HLAZY 56:8

Ei viavinazy ngiapa ta, Ei mothlihzy na chhiehraôh liata ryh chi ta, Na châbu liata ropa a châ.

HLAZY 59:5

Hy Zehôvâh Khazohpa Atotaotheipa, Nâ cha Izarei Khazohpa châ chi ta, Râhzy hrie awpa ta thyu la, Moleina rarôh ypa taotuhpazy cha, Ahy hmah pahlôh khah y. Selah

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 2:9

Chavâta chyhsapa cha panawhpa châ ta, Chyhsa to pahnaipa ama châ. Âmo cha a ngiahthai kha y!

ZEREMIAH 11:23

Pakha hmah pahlôhpa châ aw veih ei. Anathô mo hrie nawpa kô vaw tlô aw ta, ama chô liata chhiena ei patlôsa aw.”

ZEREMIAH 15:15

Hy Abeipa y, na pahno mâh tâh; Rie nâ theipa ta na vaw tly la, Nâ taolatuhpazy chô liata phuh na lapa mah y. Na daotheina vâta na pahlei leipa la, Nâma vâta reipachhiena a taopa ei châpa pahno mah y.

ZEREMIAH 17:18

Na taolatuhpazy cha maophyuhpa ta y ei sala, Kei deikua cha maophyuhpa ta na paysa khah y. Âmo cha thlazohpa ta y ei sala, Kei deikua cha thlazohpa ta na paysa khah y; Ama chô liata chhiena noh patlôsa la, Raona a pathopa ta âmo cha parao mah y!

ZEREMIAH 17:4

Na ryuto châta ei cha piepa kha ky aw chi ta, na pahno beih leipa râh liata na chariahpazy chakaotuhpa ta ei cha tao aw. Ei hiehâna ta mei pati hapa châ ta, chhâzaw ta a kâ aw.”

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 26:11

Theihthaipazy nata hrohsopazy ta beimachâzy nata zawpi zydua hnohta, “Nama nah cheingei ta nama theipa hawhta, he chyhsa heta he khihpi rao nawpa kyh hrohsona bie phuah ta, chavâta thi awpa ta a thâtih pachia tlâh a châ,” tah ei ta.

ZEREMIAH 26:8

Abeipa ta zawpi zydua hnohta rei awpa ta bie a piepazy cha Zeremiah ta a rei khaih nahta, theihthaipazy, hrohsopazy nata zawpi zydua ta Zeremiah cha patu ei ta, a hnohta, “Na thi awpa a châ!

ZEREMIAH 37:15

Beimachâzy cha Zeremiah chô liata ama hiehâh ngaita ta, tu ei ta, chârohtuhpa Zawnathâ o liata patâh ei ta. Zawnathâ o cha patâhna o châta hmâpa a châ.

ZEREMIAH 38:4

Beimachâzy ta abei hnohta, “Eima châ haw na, he chyhsa he thiepa châ mawh sy. Cha hawhpa biezy cha reipa ta, khihpi liata a ypa pheisaihzy nata zawpi zydua ku tha a pazeisa khai ha ei. He chyhsa heta phopi pha nawpa tlua leipa ta, ama rao nawpa tlao a tlua hri,” tah ei ta.

ZEREMIAH 6:15

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata thy pathlahpa ama châ aw,” Abeipa ta a tah.

ZEREMIAH 6:21

Chavâta Abeipa ta hetana heta a tah: ‘He phopi hmiakô liata achapiana lôzy soh aw na ta, Cha liata amâ chapia aw; Paw nata saw a chapia khoh aw ei ta, Vaih nata a viasa ama leidia khoh aw.’”

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

ZEREMIAH 8:12

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

CHAPHÔHTUNA 3:60

Ama phuh lana zydua hmô khai chi ta, Eina teina zydua ei na hmô khai.

CHAPHÔHTUNA 3:61

“Hy Abeipa, pasipasawhna bie ama reipazy thei khai chi ta, Eina teina zydua ei na thei khai;

LUKA 21:22

Cha nohzy cha phuh lana noh châ aw ta, chatanachata châbie ropa zydua kha â vaw ki aw.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.