ZEREMIAH 18:21 - Mara Bible RV (BSI)

²¹ Chavâta ama sawzy cha chakâhna lâ hlâ la, Zaozi hmotaotheina lâ hlâ mah y. Ama lapinôzy saw leipa ta y ei sala, Nôhmeipa ta y mawh ei sy. Ama pawhrâhpazy hri ta thi ei sala, Ama satliazy adyuhna liata zaozi ta thi mawh ei sy.

ZEREMIAH 18:21 ပူးပေါင်းရင်းမြစ်များ

2 THÂTIHZYRONA 36:17

Chavâta âmo a dyuh awpa ta, Abeipa ta Kaldia bei pathyusa ta, ano ta ama satliazy ama supathaihpa o liata zaozi ta thie ta, satlia nata laihsa, machâpa nata pawpi nôpipazy chhao ngiachhiena rai hnei leipa ta thie lymâ ta. Abeipa ta Zerusale khihsawzy cha Kaldia bei ku liata a hlâ khai ha ei.

HLAZY 63:10

Zaozi hmotaotheina liata hlâpa châ aw ei ta, Changiezy tovyuh ama châ aw.

HLAZY 63:11

Abei deikua cha Khazohpa liata a ly aw ta, Khazohpa moh ta bie a taihpa zydua cha thaphapa ta y aw ei ta, Haipa bie a reihpa hmaozy deikua cha pamaipa a châ aw.

PUASAINA 22:24

ei pathi thata ia aw ta, zaozi ta ei cha thie aw ei. Chatanachata nama lapinôzy nôhmei châ aw ei ta, nama sawzy hârapa ta ama y aw.

ISAI 13:18

Ama libawzy ta satliazy hriechheih aw ta, Chhi thei chô liata zawngiahna hnei leipa aw ei ta, Ama mo ta hawtizy ngiachhie hra aw vei.

ISAI 9:16

He phopi a chhituhpazy ta Phopi cha a chhi chhei ei ta; Ama chhihthapazy noraihpa ta ama paysa.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 12:3

Hy Abeipa, kei deikua cha na pahno chi ta, Na hmô chi ta, nâ lâta ei palôh phao na pasia tyh. Mietaku thie awpa hawhta âmo cha a daophi la, Thiena noh châta âmo cha soh nano mah y.

ZEREMIAH 14:16

Hrohsona bie ama chhopa zawpi chhao, chakâhna nata zaozi vâta Zerusale khiliahzy liata thypa châ aw ei ta, âmo chhao, ama lapinôzy nata ama sawchapawzy nata ama sawchanôzy chhao, pabupa châ tlâ aw veih ei. Ama paraona ama chô liata ei lei thlu aw ei.

ZEREMIAH 15:7

Râh thokhy chhikaozy liata, Âmo cha ziena ta zie ei na ta; Saw luh pahleipa ta ei tao ha ei. Ama hroziezy ama pathleih leipa vâta, Ei phopi cha ei pahleipadia haw.

ZEREMIAH 15:8

Tilaipi sadi hlâta hluh viapa ta, Ama nôhmeizy ei papôh. Satliapazy nôzy lâta paraotuhpazy tuah na ta, Nohchhô sawhvaw ta nôzy cha ama parao; Chichhihna nata thlazohna patlôsa na ta, Eikhapi ta ama chô liata a tlô thlu ei.

ZEREMIAH 50:30

Chavâta a satliazy cha, A tlyliahzy liata pao aw ei ta; A pheisaih zydua chhao, Cha noh liata pahleipadia khaipa ama châ aw,” Abeipa ta a tah.

ZEREMIAH 9:21

Eima opyzy liata thina a vaw ngia ha ta, Eima abei ozy liata chhao â ngia haw. Khiliah liata hawtizy chhawh pathlahpa ta y ei ta, Tlyliah liata satliazy chhawh pathlahpa ta ama y.

CHAPHÔHTUNA 1:15

“Ei pasaipha zydua kha, Abeipa ta a thy khai ha ei; Nâ dyuh awpa ta pakhypi aw ta, Ei satliazy pahleipadia awpa ta pakhypi a aw; Zudâh sawchanô laihsa kôpa cha, Kre saohna liata kre thei tlypa hawhta Abeipa ta a tly haw.

CHAPHÔHTUNA 5:3

Hârapazy nata paw hnei leipazy châ ha pi ta, Eima nôzy chhao nôhmei hawhta ama châ haw.

EZEKIA 16:38

Chanô â pheipa pachiapa hawhta cha pachia aw na ta, thisaih a palopa pachiapa hawhta ei cha pachia aw. Chatanachata hiehâhna nata hiatliana thisaih maoh cha na chô liata ei patlôsa aw.

EZEKIA 22:25

Râh beizy cha chakeibarôhneipa a rôh ta, sa tai ta, a hriechheihpa lyu ei ta, arulâta chyhsa teipa ta, chyhsa hronazy la ei ta, chyhsa ryubyhzy nata hmo sôhpazy lapa ei ta, râh liata nôhmei hluhpi ama paysa.

AMÔSÂ 4:10

“Izi râh liata ei taopa hawhna khata, Nama hry liata hri vaw tuah na ta; Nama satliazy zaozi ta thie ei na ta, Nama arâzy ei siekhei ha ei; Nama hnapasu a chahu awpa taihta, Nama riehmo cha thu roh ta ei pabie; Chatanachôta kei lâ vaw kua veih ei chi,” Abeipa ta a tah.

RYHPACHANEINA 32:25

Khôtho lâta zaozi ta thi aw ei ta, O chhôh liata thlazohpa ta ama y aw; Satlia nata laihsa zy thi aw ei ta, Sâhpi a ngiehpa nata sâ pawhpazy ama thi khai aw.

2 TIMAWTHY 4:14

Dawh leih thaipa Alezandâ kha thata nâ pasasapa a châ. Abeipa ta a hmotaopazy lymâ hawhta viari a thô aw.

1 SAMUELA 15:33

Samuela ta, “Na zaozi ta chanôzy saw leipa ta a taopa hawhta, Na nô chhao chanôzy hry liata saw leipa a châ aw,” tah ta. Chatanachata Samuela ta Akâ cha, a pôhpa â pachhaih khaina taihta Abeipa hmiakô ta Kilkal liata chhawh ta a thie haw.