ZEREMIAH 18:16 - Mara Bible RV (BSI)

¹⁶ Ama râh cha roryhrapa ta paysa ei ta, Chhâzaw ta hmaotô chie awpa ta ama tao. A chapiapa maihta noâh tah ei ta, Ama luh ama chahuah.

ZEREMIAH 18:16 ပူးပေါင်းရင်းမြစ်များ

1 ABEIZY 9:8

He o he raona a pachona a châ aw. A chapiapa maihta noâhpa ta ama hmaotô chie aw ei ta, ‘Khazia ma Abeipa ta he râh nata he o he, he hawhta a tao ha tly?’ tah aw ei ta,

2 THÂTIHZYRONA 29:8

Chavâta Abeipa pathiiana cha Zudâh nata Zerusale chô liata vaw tlô ta, nama mo ta nama hmôpa hawhna heta, chichhihpa nata noâhpa nata hmaotô chie awpa ta a tao ha ei.

HLAZY 109:25

Nâ leihtuhpazy pahneisao awpa vaw châ ha na ta, Eina hmô nah ei ta, ama luh eina chahuah chie tyh ei.

HLAZY 22:7

Nâ hmôpa maihta na pahneisao ei ta, Ama hmao na pabyuh chiepa ta, Ama luh eina chahuah chie ei.

HLAZY 44:14

Râhzy liata chhiena lâta rei tyh awpa ta miah tao chi ta, Phopizy luh chahuah chie awpa ta miah na tao haw.

ISAI 37:22

he he Senâkeri kyh Abeipa ta a reipa a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

ISAI 6:11

Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ZEREMIAH 19:8

He khihpi he roryhrapa ta paysa aw na ta, hmaotô chie awpa ta ei tao aw. A chapiapa maihta rarôh y tah aw ei ta, a hmah zydua vâta ama hmao ama tô chie aw.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 29:18

Zaozi nata chakâhna nata potlana zy ta a chadai aw ei na ta, alei chô liata khinarâh zydua châta rarôh ypa ta tao aw ei na ta, âmo ei to papuana phopi zydua hry liata chhiesapa, chichhihpa, hmaotô chiepa nata reipachhiepa châ awpa ta ei tao aw ei.

ZEREMIAH 42:18

“Pheisaihzy Abeipa, Izarei Khazohpa ta hetana heta a tah: Zerusale khihsawzy chô liata ei hiehâhna nata ei pathiiana ei lei thlu hapa hawhna ei khata, Izi râh lâ nama sie tita chhao, ei pathiiana nama chô liata ei cha lei thlu hra aw ei. Chatanachata chyhu sa thlupa, pachhiparypa, chhiesapa nata pasipasawhpa châ aw ei chi ta, he su he hmô heih khao veih ei chi.

ZEREMIAH 44:12

Izi râh lâ hmiachhypa ta, cha liata pahrâ awpa ta a siepa Zudâh laibâhpazy cha patu aw ei na ta, ei pamua ha aw ei. Izi râ liata pao aw ei ta, zaozi nata chakâhna zy pamuapa ama châ aw. A chyh chaipa tawhta a lai chaipa taihta zaozi nata chakâh­na ta thi aw ei ta, chyhu sa thlupa, pachhiparypa, chhiesapa nata pasipasawhpa ama châ aw.

ZEREMIAH 48:27

Izarei kha na pahneisao tyh vei ma? Ano kyh na reina maihta na luh chahuah awpa ta, Parutuhpazy hry liata hmôpa a châ beih ma?

ZEREMIAH 49:13

Bôzrâ cha su chichhihpa, pasipasawhpa, roryhrapa nata chhiesapa khihpi châ aw ta, a khichapeihzy chhao roryhrapa ta ama y zôzaw aw tahpa ta, keima sasyh ta ei moh a reipa ta bie ei taih haw,” Abeipa ta a tah.

ZEREMIAH 49:17

“Edômâ cha roryhrapa ta y aw ta, a chapiapa maihta rarôh y tah aw ei ta, chhiena â tyhpa zydua vâta ama hmao ama tô chie aw.

ZEREMIAH 50:13

Abeipa hiehâhna vâta râh cha, Pahrâpa châ khao leipa aw ta; Tlokhuh roryhrapa ta y aw ta, Babylaw a chapiapa maihta rarôh y ama tah aw; A hmah zydua vâta Ama hmao ama tô chie aw.

ZEREMIAH 51:37

Babylaw cha raona apathlupa châ aw ta, Changiezy tlaihna a châ aw; Su chichhihpa nata hmaotô chiepa châ aw ta, Chyhsa pahrâ leina khihpi a châ aw.

ZEREMIAH 51:43

A khihpizy roryhra khai ha ta, Râh raohpa nata râhchawhpa lâta amâ lie haw; Chyhsa pahrâ leina râh châ ha ta, Chyhsa saw chapia leipa râh lâta â lie haw.

ZEREMIAH 9:11

“Zerusale cha raona â pachopa khihpi ta tao aw na ta, Savaizy tlaihna su ta ei tao aw. Zudâh khihpizy cha roryhrapa ta tao aw na ta, Khihsawzy y khao aw veih ei,” Abeipa ta a tah.

CHAPHÔHTUNA 1:12

“Zaio a chapiapa zydua saih u, pachâ u la, moh tua u, Nâmo châta khâpa tahna hmah châ vei ma? Ei chô liata a tlôpa ei pachârôhna hawhpa he, A y beih rai tlyma? A hiehâhna ru ngaitapa noh liata, Abeipa ta pasa eina pataosapa hawhpa he a y beih tlyma?

EZEKIA 12:19

Chatawhcha râhsawzy hnohta, ‘Abeipa Zehôvâh ta Izarei râh Zerusale khihsawzy kyh liata hetana heta a tah: Zerusale liata a pahrâpazy nôchhiena vâta, Izarei râh cha a chhôh liata hmo a ypa zydua tawhta roryhrapa ta paysapa châ aw ta, nôpopa ta ama pati nie aw ei ta, pachârôhpa ta ama ti ama doh aw.

EZEKIA 27:36

Phopizy hry liata sôdaohpazy ta Ama hmao ama cha tô chie, Rarôh ypa ta chhâ ha chi ta, Khatita hmahta y heih khao aw va chi.”

EZEKIA 36:3

hrohsona bie phuah la, hetana heta reih teh. Abeipa Zehôvâh ta hetana heta a tah: Roryhrapa ta cha tao ei ta, su to tawhta cha chanaohpa ta, phopi hropazy eih vaw châ ha ei chi ta, chyhsazy ta ama rei awpa nata reipachhie awpa ta ama cha tao hapa vâta,

EZEKIA 6:14

Ama chô liata ei ku pazawh aw na ta, ama pahrâna su zydua, râhchawhpa tawhta Riblâ taihta, râh cha roryhrapa nata arypa ta ei tao aw. Chatanachata kei he Abeipa ei châ tahpa ama pahno aw.”

THEIHTHAINA 26:32

Râh cha keima tlai ta roryhrapa ta tao aw na ta, cha liata a pahrâpa nama chariahpazy taihta noâh ama tah aw.

THEIHTHAINA 26:43

Châhrasala râh cha siesaipa ta y aw ta, âmo y leipa ta roryhrapa ta a y chhôh ta a Pahânohzy a hmâh aw. Ei ryhpazy zyh khoh leipa ei ta, ama hro ta ei bieraopazy â haopa vâta, ama paraona vâta hriena cha amâ tyh awpa a châ.

MIKÂ 6:16

Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”

MATHAI 27:39

Cha su a chapiapazy ta ama luh hiepa ta, pahneisao ei ta,

MÂKA 15:29

Cha su a chapiapazy ta ama luh chahuahpa ta, “Âh! Nâ, Achhyna o phie ta, noh thôh ta a sa heih awpa chi,

RYHPACHANEINA 28:59

Abeipa ta nâmo nata nama pathlazy chô liata potlana chichhihpa a pai thai khao leipa nata hri ru ngaitapa a pai thai khaoleipazy a chareisa aw.

RYHPACHANEINA 29:23

A râh pôhpalôhpa cha, kaih nata alôh nata kârypa, khâpa chi hmah cheih leina, khâpa hmah pyu leina, sibiepazy chhao thao leina, Abeipa ta hiehâhpa nata pathi iapa ta a paraopa Sawdawmâ nata Kawmawrâ nata Adamâ nata Zebaw râhzy hawhta paraopa a châ aw.