ZEREMIAH 18:15 - Mara Bible RV (BSI)

¹⁵ Ei phopi deikua cha na my ei ta, Hraoleipazy lâta atheihnazy ama hlâ tyh. Chazy chata ama lâpizy liata pahluasa ei ta, Lâ hlô zy liata a pahluasa ei. Lâlai a chhih khao leipa ta, Lâkiahzy liata ama sie.

ZEREMIAH 18:15 ပူးပေါင်းရင်းမြစ်များ

NEHEMIAH 9:17

Na biepiepazy zyh khoh leipa ei ta, ama hry liata hmonoâhpa na taopazy chhao pahno khoh khao veih ei. Ama rao pachyu ei ta, ama seichâna Izi râh lâ kua heih awpa ta chhituhpa ama rao. Châhrasala nâ cha a ngiahthai awpa ta a mâ thlâh hapa, ngiachhiena nata zawngiahna a hneipa, a hiehâh a rupa nata kyhpachâna a ipa a hneipa Khazohpa châ chi ta, âmo cha a heihsai va chi.

ISAI 3:12

Hawsaihzy ta ei phopi chhihtha ei ta, Chanôzy ta ama chô liata ryu ama reih. Hy ei phopi, châ chhituhpazy ta cha chhihtha chhei ei ta, Nama sie nawpa kyh liata noraihpa ta ama cha tao haw.

ISAI 41:29

Moh tua u, apakheipa sai châ ei ta, Ama raihria chhao hraoleipa sai a châ; Ama nothlahpa leihpazy chhao, Ziza ruapa dei a châ.

ISAI 57:14

Abeipa ta hetana heta a tah: “Padua u la, padua u la, Lâpi a chhuahdy teh u; Ei phopi lâpi liata Pakhâpadiena a ypazy thy khai teh u.”

ISAI 62:10

Pua teh u, Thokhy chhikaozy tawhta pua u la, Izarei phopi châta lâpi a chhuahdy teh u. Lâlai pasâh u la, pasâh teh u; Lâlai liata alôzy thy u la, Phopizy châta ngiana poh chaluah teh u.

ISAI 65:7

Nama paraonazy viari cha thô aw ei na ta, Châ pathlatuhpazy paraona viari chhao ei cha thô aw ei,” Abeipa ta a tah. “Tlâhpizy liata ropahâhpazy rao ei ta, Tlâhthlôhzy liata eina reipachhiepa vâ ei ta, Ama hmotao parohpazy kha, Ama kalachhôh liata ei panuapa aw ei,” Abeipa ta a tah.

ISAI 9:16

He phopi a chhituhpazy ta Phopi cha a chhi chhei ei ta; Ama chhihthapazy noraihpa ta ama paysa.

ZEREMIAH 1:16

Chatawhcha na siesai ei ta, khazoh hropazy lâta ropahâhpa raopa ta, âmo ku ta taopa amâ chhyna moleina zydua vâta, âmo kyh liata ei pachiana zydua ei phuah aw.

ZEREMIAH 10:15

Phahnaina a hnei leipa châ ei ta, Dôveina raihria a châ; Âmo hriena daihti liata ama leidia aw.

ZEREMIAH 11:12

Chatawhcha Zudâh khihpizy nata Zerusale khihsawzy cha, atheihna ama hlâ tyhpa khazohzy lâ pangaipa ta awsao aw ei ta, châhrasala chazy chata ama nôpona daihti pachha thei aw veih ei.

ZEREMIAH 11:13

Hy Zudâh y, na khazohzy cha na khihpi zie tlai châ ei ta, Bâlâ lâta atheihna hlâ nawpa ta maisâh na taopa, maophyuh nawpa ta maisâh na paduapazy cha, Zerusale khih chhôh lâpi zie tlai ta a hluh.

ZEREMIAH 11:17

Izarei pathlazy nata Zudâh pathlazy ta hmo pha leipa tao ei ta, Bâlâ lâta atheihna hlâpa ta ei hie eina pahâhpa vâ ei ta, nâma châ lohtuhpa Pheisaihzy Abeipa ta na chô liata chhiena patlôsa awpa ta a phuah haw.”

ZEREMIAH 13:25

Kei na my chi ta, Haipa biezy na ngâpa vâta, He he na tovyuh châ ta, Na châta ei raopa tovyuh cha a châ.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 17:13

Hy Abeipa, Izarei hnabeiseihpa y, Châ siesaipa zydua cha maophyuh aw ei ta, Châ tleisaipazy chhao, Abeipa, hrona tihnawh ama siesaipa vâta, Dohlei liata moh ropa hawhta ama leidia aw.

ZEREMIAH 18:14

Lebanaw dâhaw cha lôkâhpa tlâhzy tawhta a lei beih ma? Lâ hlapi tawhta ti chakuapa a zâ lohpa a kua beih ma?

ZEREMIAH 19:5

Bâlâ su sâhpazy tao ei ta, raopa hlânazy châta ama sawchapawzy mei liata rao ei ta, Bâlâ lâ ama hlâ tyh. Cha cha keima biepiepa châ leipa ta, ei hnawpa châ hra leipa ta, ei palôh liata chhao a lâ beih leipa a châ.

ZEREMIAH 2:13

“Ei phopi ta hmo miano ama parao haw: Kei, hrona tihnawh he na siesai ei ta, Âmo châta tikhaoh â chao ei ta, Ti a o thei lei awpa tikhaoh amâ chao.

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

ZEREMIAH 2:32

Laihsa kôpa ta a sôh nata thih atobinazy a my aw ma? Myuh ta a myuh chysia a my thei aw ma? Ei phopi deikua cha na my ha ei ta, Noh rei tiah lei eina my ha ei.

ZEREMIAH 3:21

Izarei sawzy cha ama lâpi pavia ei ta, Abeipa ama Khazohpa ama my hapa vâta, Awphy tlâh lakizy liata ao theipa châ ta, Izarei sawzy chana nata ahawna aozy theipa a châ.

ZEREMIAH 44:25

Pheisaihzy Abeipa, Izarei Khazohpa ta hetana heta a tah: Nâmo nata nama lapinôzy ta, ‘Avâ beinô lâ ropahâhpazy raopa ta, ano lâ dopa hlânazy patlai awpa ta, avâ beinô liata eima bietaizy cha eima tao tlai aw,’ tahpa ta nama pakah ta reih ei chi ta, nama ku ta pi nama patlohsa haw. Nama bietaizy cha pa-i u la, nama bietaizy cha tao lâlao teh u.

ZEREMIAH 51:18

Phahnaina a hnei leipa châ ei ta, Dôveina raihria a châ; Âmo hriena daihti liata ama leidia aw.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

ZEREMIAH 7:9

Paru ei chi ta, liany cheih ei chi ta, a phei ei chi ta, haipa ta bie a taih ei chi ta, Bâlâ lâ atheihna hlâpa ta, nama pahno beih leipa khazoh hropa nama pazi.

EZEKIA 21:15

Chatanachata ama palôh dua aw ta, chyhsa hluhpi ama pao aw. Ama thokhy chhikao zydua zaozi patliepa hnohta ei hlâ haw. Cha cha dôhla hawhta taopa zaozi châ ta, thie nawpa ta taopa zaozi a châ.

EZEKIA 36:15

Râhzy ta ama cha reipachhiena thei khao leipa aw chi ta, phopizy mohnaopa châ khao hra leipa aw chi ta, na râh papaosa khao aw va na,” Abeipa Zehôvâh ta a tah.

HÔSIA 11:2

Awpa ama châ via nahta, Amâ pahla via rili; Bâlâzy lâ atheihna hlâ ei ta, Nothlahpazy lâ hmo ama hlâ tyh.

HÔSIA 2:13

Bâlâzy â chhy tyhna nohzy vâta, Ano cha ei hrie aw. Bâlâzy lâta ropahâhpazy hlâ ta, Rahyzy nata lôsôhpazy ta a tobipa ta A khopawzy pazi ta, Kei deikua cha eina my haw,” Abeipa ta a tah.

HÔSIA 2:6

Chavâta ahloh buhzy ta a lâpi pamaipa ta, Thokhy taokhâh aw na ta, A sie nawpa pahno aw vei.

MALAKHAI 2:8

“Châhrasala lâpi tleisai ei chi ta, nama pachuna ta chyhsa hluhpi pahluasapa ta, Livai biehrai cha nama parao haw.

MATHAI 15:6

a tahpa maih cha, hmopiepa ta a paw tlyma, a nô tlyma, a palyupalih awpa byuh khao vei,’ nama tah tyh. Nama taozietyhpa a tlychakapa ta, Khazohpa bie cha hraoleipa ta nama tao haw.

RAWMA 14:21

Na unawhpa a chapia nawpa a châ khiahta cha, sa nie leipa nata kresawhti do leipa pha ta, â chapia thei nawpa hmo khâpa hmah tao leipa a pha.

RYHPACHANEINA 32:21

Khazoh a châ leipa ta ei hia na patliasa ei ta, Ama nothlahpazy ta ei hie eina pahâh ei. Chavâta phopi ta rei khi a tloh leipa chô liata Ama hia patliasa aw na ta, Râh hrupa hmâpa ta ama hie ei pahâh aw.