ZEREMIAH 18:10 - Mara Bible RV (BSI)

¹⁰ ei reikah nathlie leipa ta, ei mohmô liata hmo pha leipa a tao khiahta cha, a chô liata hmo phapa tao ei chhuahpa cha ei pathleih aw.

ZEREMIAH 18:10 ပူးပေါင်းရင်းမြစ်များ

HLAZY 125:5

Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy!

EZEKIA 18:24

“Cha hawh pyly ta, mosiapa ta a siana a heihsaipa ta, hmo doleipa tao sala, moleipazy taopa hawhpa hmo pasichhihpazy a tao khiahta cha, a hroh thei aw ma? Siana hmo a taopazy khâpa hmah a theipa châ khao aw vei. A ngâchhih leina vâta thaileichâpa ta y ta, moleina hmo a taopazy vâta a thi aw.

EZEKIA 33:12

“Chavâta chyhsa sawchapawpa y, na phopi hnohta hetana heta reih teh: Mosiapa cha hmo a paraona noh liata, a siana ta pachha leipa aw ta, moleipa chhao a moleina a siesai noh liata, a moleina vâta pao aw vei. Mosiapa cha a moleina noh liata, a siana vâta hroh thei hlei aw vei.

EZEKIA 33:18

Mosiapa ta a siana siesaipa ta, hmo doleipa a tao khiahta cha, hmo doleipa a taopa vâta a thi aw.

EZEKIA 45:20

Cha thla noh sarina noh liata, tao pathleipa vâta tlyma, pahno leina vâta tlyma, a moleipazy châta chhao, cha hawhta na tao aw. Cha hawhna chata Achhyna o châta chatlaina na tao awpa a châ.

ZEPHANIA 1:6

Abeipa pazi ha tlôh ta a kuasai heihpazy Chhawh pathlah aw ei na ta, Abeipa tlua leipa ta, ano a saohiah leipa maih cha, He su tawhta ei chhawh pathlah khai aw ei,” Abeipa ta a tah.

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

MALUHREINA 14:23

Âmo pathlatuhpazy hnohta bie ei taihpa râh cha hmô aw veih ei; nâ mohnaopazy chhao hmô hra aw veih ei.

MALUHREINA 14:34

Râh nama mohparuna noh ziepa noh sypalih kha, noh kha vyuhpa ta kô kha lymâ ta, nama paraona vâta kô sypalih pasa nama tao aw; chatanachata ei ly leizie nama pahno aw.

1 SAMUELA 13:13

Samuela ta Sawla hnohta, “Hru ngaitapa ta hmo na tao haw. Abeipa na Khazohpa ta zyh awpa ta biepiepa a cha piepa zyh khoh va chi. Zyh ha la cha, Izarei chô liata nâ beina he Abeipa ta chhâzaw châta a pa-i ha awpa tlai.

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.

1 SAMUELA 15:35

Cha noh tawhna chata Samuela cha a thi noh taihta Sawla a hmô khao vei. Chatanachôta Samuela cha Sawla vâta a pachâ a rôh ngaita tyh. Abeipa ta Izarei chô liata bei châ awpa ta Sawla a vaw taopa cha â ngiapachhi ngaita.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.