ZEREMIAH 17:8 - Mara Bible RV (BSI)

⁸ Ano cha ti kiah liata tho lopa hawhta châ ta, Chavah kiah liata thari a pazawhpa hawhta a châ; A hnazy khâ hroh ta, Noh lopa a vaw tlôpa chi vei; A thei patheipa a chalih leipa ta, Noh kâhna kô liata a pachâ rôh vei.”

ZEREMIAH 17:8 ပူးပေါင်းရင်းမြစ်များ

ZAWBÂ 29:19

Ei tharizy ti daih aw ei ta, Ei chiahzy liata azo zâ khihdei diati a y aw;

ZAWBÂ 8:16

Ano cha nohsa ry liata chhao hroh thei ta, A chhyhzy a sadô liata a thao.

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

BIESOZY 11:28

A hneirôna a ngâchhâpa cha pao aw ta, Mosiapa deikua cha sibiepa hrohpa hawhta a laiseih aw.

ISAI 58:11

Abeipa ta cha chhihtha lymâ aw ta, Su chawhkaraipazy liata chhao lôhrâ cha patlô aw ta, Na rupazy tha a patlô aw. Ti pie phapa sadô hawhta châ aw chi ta, Tikhaoh ti a kua beih leipa hawhta na châ aw.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ZEREMIAH 39:18

Cha pachha tlai aw na ta, zaozi ta pao leipa aw chi ta, kei eina ngâpa vâ chi ta, na hrona na paboh aw, Abeipa ta a tah,’ tahpa ta kei chho mah y,” tah ta.

EZEKIA 31:3

Pachâ teh, Asuria cha Lebanaw liata sidy tho châ ta, A chiah a ngiapa nata a nohdi buh a rôhpa a châ; Thokô a sâh ngaitapa châ ta, A kithlao vâ meihdo taihta a daihpa a châ.

EZEKIA 47:12

A chavah ngiahkâ hesâ haosâ ta, nie awpa theilâpa kô to ama pyuh aw. Ama hna uah beih leipa aw ta, ama thei lo beih aw vei. Supathaihpa tawhta a lohpa chavah ta pasapa ama châpa vâta, thla tato ta ama pathei aw. Ama thei cha niepa châta châ aw ta, ama hnazy cha tlâhna châta a châ aw.