ZEREMIAH 17:5 - Mara Bible RV (BSI)

⁵ Abeipa ta hetana heta a tah: “Chyhsapa a ngâchhâpa ta, A sapa cha a thatlôna ta hmâh ta, Abeipa a heihsaina palôh a hneipa cha, Chhiesapa ta y mawh sy.

ZEREMIAH 17:5 ပူးပေါင်းရင်းမြစ်များ

2 THÂTIHZYRONA 16:12

Kô sythôh nata kô chaki â bei kô ta, Âsâ cha a phei pasa ta, a pasapa cha thata paru ta. Châhrasala a pasana daihti lia chhao ta Abeipa pado leipa ta, dawhtyzy tlao a pado.

2 THÂTIHZYRONA 32:8

Ano chhâh a châpa cha sapa pheisaih châ ei ta, keimo chhâh a châpa cha Abeipa eima Khazohpa a châ. Ano ta miah bao aw ta, eima chariah miah â dyuhpa aw,” tahpa ta thapatlôna bie reih ta.

HLAZY 18:21

Abeipa lâpizy a chhih na ta, Ei Khazohpa a heihsaipa ta moleina hmo tao beih va na.

HLAZY 62:9

Mochyhpazy cha ei kha husopa hawh dei châ ei ta, Molaipazy chhao dôveina deita a châ; Khopathliahna liata a hua syulyu ha ei ta, Ama pano ta ei kha husopa hlâta amâ hua via.

ISAI 2:22

Chyhsapa he ngâ khao khah y, A hnapasu liata husona a hneipa deita a châ hih; Pasâhsa kaw nawpa khâpa a hnei tly?

ISAI 20:5

Ama hnabeiseihna Kusi nawhna nata amâ palaikheipa Izi nawhna vâta nôpopa nata nozapa ta ama y aw.

ISAI 36:6

Pachâ teh, Izi a ngâchhâ chi ta, Izi cha lohthi tliepa-ipa chôchahrei châ ta, a pachyuna châta ano a chhôtuhpa kupazah a chhô tyhpa a châ. Izi bei Phiraoh cha ano a ngâchhâpazy chô liata cha hawhta a tao tyhpa a châ.

ISAI 59:15

Ngâchhihna y khao leipa ta, Chavâta hmo pha leipa a bâhsaituhpa cha, Anosasyh ta hraona hmo ta â tao tyh. Abeipa ta cha cha moh ta, Adona rai a y leipa vâta â ly lei kaw tyh.

ZEREMIAH 11:3

Ama hnohta, Abeipa Izarei Khazohpa ta hetana heta a tah, nama tah aw: ‘He biehrai biezy a nathlie leipa cha chhiesapa ta y mawh sy.

EZEKIA 6:9

Zaozi a khôkhâhpazy chata sei ta amâ chhina phopizy hry tawhta einâ thei aw ei. Amâ phei khohna palôh vâta nâ heihsai ei ta ei palôh pasana nata ama khazoh nothlahpazy liata ama aohraohna mokhaohzy vâta ei palôh pasana zy a thei aw ei ta, hmo pha leipa ama taopazy nata ama pasichhihna zydua vâta, âmosasyh ta amâ pasi aw.

HÔSIA 1:2

Abeipa ta Hôsia hmâpa ta bie a rei tua nota, Abeipa ta Hôsia hnohta, “Vawh la, sihryh nô na lapinô ta kei hnei la, sihryhpa sawzy sa teh, râh he sihryh ha ta Abeipa â pheisaih hapa vâta,” tah ta.