ZEREMIAH 17:4 - Mara Bible RV (BSI)

⁴ Na ryuto châta ei cha piepa kha ky aw chi ta, na pahno beih leipa râh liata na chariahpazy chakaotuhpa ta ei cha tao aw. Ei hiehâna ta mei pati hapa châ ta, chhâzaw ta a kâ aw.”

ZEREMIAH 17:4 ပူးပေါင်းရင်းမြစ်များ

1 ABEIZY 9:7

Izarei cha râh ei piepa tawhna heta chhawh pathlah aw na ta, ei moh châta Achhyna o ei pathaisapa chhao he ei mohmô tawhta ei pasie syulyu ha aw. Chatanachata Izarei cha a chhiena lâta pakhona bieso châta nata pasipasawhna bie châta phopizy hry liata hmâpa a châ aw.

2 ABEIZY 25:21

Babylaw bei ta Hâmathi râh Riblâ khihpi liata âmo cha chhawh ta, a thie ha ei. Chatanachata Zudâh pathlazy cha ama râh tawhta seichâna lâ ama siekhei haw.

NEHEMIAH 9:28

Châhrasala ama thadâh tawhta, na hmiakô liata moleina hmo tao heih ei ta, chavâta âmo cha ama chariahzy ku liata siesai chi ta, ama chariahzy ta ama chô liata bie ama hnei haw. Chatahrasala nâ lâ vaw kua ei ta, ama cha pado nahta, vârâh tawhta vaw nathlie chi ta, na zawngiahna vâta ei hluhpi na pachha heih tyh ei.

ISAI 14:3

Chatawhcha hetana heta a vaw châ aw. Nama pachârôhna, namâ tymâna nata rai ru ngaitapa ama cha pahriasapa zy tawhta apahâna Abeipa ta a cha pie ti ei ta,

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 50:11

Nâmo, mei patih ei chi ta, Meirei iapa ta â chadôsapazy saih u, Nama mei khaihna liata charei u la, Meirei nama chhipa khaihna liata charei muh vy! He he ei ku tawhta nama hmô awpa cha a châ: Riethei pasataopa ta namâ zia aw.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

ZEREMIAH 12:7

“Ei o siesaipa ta, Ei ryuto thy ha na ta; Ei hro ta a tlaichhai ngaitapa cha, Ei hro chariahpazy hnohta ei hlâ haw.

ZEREMIAH 15:14

Ei hiehâhna ta mei patipa châ ta, chhâzaw ta a kâ awpa vâta, na pahno leipa râh liata na chariahpazy chakao awpa ta ei cha tao aw.”

ZEREMIAH 16:13

Chavâta he râh tawhna heta cha papua aw ei na ta, nâmo nata châ pathlatuhpazy ta nama pahno beih lei­pa râh lâ ei cha pazaw ha aw ei. Cha liata chhô nah zâ ta khazoh hropazy nama chakao aw, cha ngiachhie khao aw veih ei na,’” Abeipa ta a tah.

ZEREMIAH 18:23

Châhrasala Hy Abeipa, Thie awpa ta eina teina zydua ei cha na pahno khai. Ama paraona a ngiahthai leipa la, Ama moleina chhao na mohmô tawhta pahlei khah y. Na hiehâhna daihti liata ama chô liata hria la, Na hmiakô liata pao mawh ei sy.

ZEREMIAH 2:14

“Izarei cha sei ma a châ tly? Sei ta a pihpa ma a châ tly? Khazia hraona sôh lâta â lie ha tly?

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 22:28

He Kôniah he beih keipa mohnaochhihpa, Ahy hmahta ama khoh khao leipa kha châ vei ma? Chavâta ano nata a pathlazy cha, Ama pahno leipa râh lâ thypa ta ama ypa châ vei ma?

ZEREMIAH 5:19

Chyhsazy ta, “‘Khazia ma Abeipa eima Khazohpa ta he hmo zydua he eima chô liata a tao tly?’ ama tah tita, ‘Na siesai ei chi ta, chihropa khazohzy nama râh liata nama chakaopa hawhta, nâmo chhao nama râh a châ leipa liata chihropazy nama chakao aw,’ Abeipa ta a tah,” na tah aw.

ZEREMIAH 5:29

He hmozy vâna heta hrie aw veih ei na ma? He hawhpa phopi chô liana heta ei phuh la aw va na ma?” Abeipa ta a tah.

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

CHAPHÔHTUNA 1:12

“Zaio a chapiapa zydua saih u, pachâ u la, moh tua u, Nâmo châta khâpa tahna hmah châ vei ma? Ei chô liata a tlôpa ei pachârôhna hawhpa he, A y beih rai tlyma? A hiehâhna ru ngaitapa noh liata, Abeipa ta pasa eina pataosapa hawhpa he a y beih tlyma?

CHAPHÔHTUNA 5:2

Eima ryuto râhzy cha chihropazy hnohta piepa châ ta, Eima ozy râh hropazy hnohta piepa a châ ha hih.

EZEKIA 21:31

Ei ruchhôna na chô liata cha lei thlupa ta, ei hiehâhna mei na chô liata patih aw na ta, chyhsa nôchhiepa, pahleipadia a thaipazy ku liata ei cha hlâ aw.

EZEKIA 7:24

Ama ozy chhu awpa ta, phopizy hry liata phopi chhie chaipa ei vaw chhi aw. Thatlôpazy apalaina pachhâsa aw na ta, ama su pathaihpazy papuapaleipa a châ aw.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.