ZEREMIAH 17:3 - Mara Bible RV (BSI)

³ Na râh su to liata su sâhpazy taopa ta moleina hmo na taopazy vâta, lyurâhpa liata tlâhpizy nata na hneirôna nata na ryusôhpazy cha, na chariahpazy hnohta hraona sôh châta ei pie aw ei.

ZEREMIAH 17:3 ပူးပေါင်းရင်းမြစ်များ

2 ABEIZY 24:13

Abeipa ta a vaw reipa hawhta, Abeipa o liata ryusôhpa zydua nata abei o liata ryusôhpa zydua cha Babylaw bei ta a siekhei khai haw. Izarei bei Sawlawmaw ta Abeipa Achhyna o liata ngôh hmobaoh a taopa zydua chhao a pakeichheih khai haw.

HLAZY 78:58

Ama su sâhpazy vâta a hie pahâh ei ta, Ama khazoh nothlahpazy vâta hiatliapa ta ama paysa.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ZEREMIAH 12:12

Râhchawhpa awphy tlâh lakizy liata, Paraotuhpa vaw tlô ha ta, Râh chhâna hiakha lâ tawhta hiakha lâ taihta, Abeipa zaozi ta a palâ khai haw; Thlalôhpa ta ahy hmah y thei khao veih ei.

ZEREMIAH 15:13

“Na moleinazy vâta, na râh zydua liata na hneina nata na ryusôhpazy cha, hraona sôh ta a mâ leipa ta pie aw.

ZEREMIAH 20:5

Cha dei châ vei, khihpi hneirôna zydua, a hmo pachôpa zydua, a hmo sôhpa zydua nata Zudâh beizy ryusôhpa zydua cha, ama chariahpazy ku liata hlâ aw na ta, ama chariahpazy ta hrao aw ei ta, patu aw ei ta, Babylaw lâ ama siekhei aw.

ZEREMIAH 21:13

“Hy saikao liata a pahrâpazy saih u, Ei châ dyuh ei; Hy bypi lôpanô, Ei châ dyuh. ‘Ahy ma miah a zuhnao aw ta, Ahy ma eima ynazy liata a vaw ngia aw?’ A tah tyhpazy saih u, Ei châ dyuh ei,” Abeipa ta a tah.

ZEREMIAH 26:18

“Môrese chyhsa Mikâ ta Zudâh bei Hezekia â beina daihti liata hrohsona bie phuah ta, Zudâh zawpi zydua hnohta, ‘Pheisaihzy Abeipa ta hetana heta a tah, “‘Zaio cha leipalie hawhta paliepa châ aw ta, Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw,’” tah ta.

CHAPHÔHTUNA 1:10

A hmo sôhpa zydua chô liata, Chariahpa ta a ku a pazawh haw; A supathaihpa liata, Phopizy amâ ngiapa a hmô; Na pakhypi a hlao awpa na pasai leipazy ta, Supathaihpa liata amâ ngia.

EZEKIA 16:39

Ama ku liata cha hlâ aw na ta, na yna su achhuapa cha phie aw ei ta, na su sâhpazy ama pacho aw. Na chysiazy hlaipa ta, na lôsôhpa atobina a ngiapazy cha lapa aw ei ta, thluahruapa nata sasaihpa ta ama cha siesai aw.

EZEKIA 23:46

Abeipa Zehôvâh ta hetana heta a tah: “Âmo lâ zawpi a vaw chhi u la, âmo cha pachisa ei sala, hrao mawh ei sy.

EZEKIA 6:3

Ama hnoh ta, ‘Nâmo, Izarei tlâhpizy saih u, Abeipa Zehôvâh bie he nathlie teh u! Abeipa Zehôvâh ta tlâhpizy nata tlâhthlôhzy, chavah kaozy nata saikaozy hnohta hetana heta a tah: Nathlie teh u, kei, keima tlai ta nama chô liata zaozi vaw patlôsa aw na ta, nama su sâhpazy ei parao khai aw.

THEIHTHAINA 26:30

Nama su sâhpazy parao aw na ta, nama noh khazoh nothlahpazy papao aw na ta, nama khazoh nothlahpazy ri chô liata nâmo ri ei pacho aw. Ei hro ta a châ hao aw ei.

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

ZEPHANIA 1:13

Ama hmozy hraopa châ aw ta, Ama ozy a rua aw. Ozy sa hra ei sala, Cha liata pahrâ aw veih ei; Kre sadôzy tao hra ei sala, A kresawhti doh aw veih ei,” Abeipa ta a tah.