ZEREMIAH 17:25 - Mara Bible RV (BSI)

²⁵ Dâvi beidyuchhai liata a tyuhpa beizy nata beisawzy cha talailihzy nata arâzy kiapa ta, he khihpi thokhy chhikaozy liana heta amâ ngia lymâ aw. Ama beimachâzy, Zudâh râhsawzy nata Zerusale khihsawzy chhao amâ ngia lymâ aw. Chatanachata he khihpi he chhâzaw ta pahrapa ta a y ha aw.

ZEREMIAH 17:25 ပူးပေါင်းရင်းမြစ်များ

2 SAMUELA 7:16

Na pathlazy nata nâ beinarâh cha ei hmiakô liata chhâzaw ta a duah aw ei ta, na beidyuchhai chhao chhâzaw ta â duah aw,’ tahpa ta kei chho teh,” tah ta.

2 SAMUELA 8:4

Dâvi ta arâ pheisaih 1,700 nata alei pheisaih 20,000 patu ta. Dâvi ta talailih a daophipa arâ zydua cha ama chazaw chhawh ta, talailih 100 a daophi awpa rakha pahlôh ta.

PUASAINA 12:14

“He noh he nâmo châta atheithlâhna noh châ aw ta, Abeipa châta kyhchhi noh ta nama chay tyh awpa a châ. Nama chhâ zydua liata, he noh he kyhchhi noh ta nama chay tyh awpa châ ta, cha cha chhâzaw châta bieraopa ta a y awpa a châ.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 13:13

Chatawhcha ama hnohta, ‘Abeipa ta hetana heta a tah: Pachâ teh u, he râh liata a pahrâpa zydua, Dâvi beidyuchhai liata a tyuhpa beizy, theihthaipazy, hrohsopazy nata Zerusale khihsaw zydua parina ta ei pabie khai aw ei.

ZEREMIAH 22:2

a hnohta hetana heta tah mah y: ‘Hy Zudâh bei, Dâvi beidyuchhai liata a tyuhpa, nâ nata châ chakaotuhpazy nata he ochhi liata a ngiapa na chyhsazy ta Abeipa bie he thei teh u.

ZEREMIAH 22:30

Abeipa ta hetana heta a tah: “He chyhsa he saw hnei leipa ta roh la, A hro chhôh ta hlaotlohna a hnei lei awpa ta roh teh. Dâvi beidyuchhai liata a tyuhpa ta, Zudâh râh liata ryureih heih awpa ta, A chipathla ahy hmahta ama hlaotloh khao aw vei.”

ZEREMIAH 22:4

He bie he nama zyh khiahta cha, Dâvi beidyuchhai liata a tyuhpa beizy cha talailihzy nata arâzy chô liata kiapa ta, âmo nata âmo chakaotuhpazy nata ama chyhsazy cha, he o chhikaozy liana heta amâ ngia lymâ aw.

ZEREMIAH 25:5

Hrohsopazy ta, ‘Chyhsa to nama moleina lâpi tawhta nata nama hmotaopa pha leipazy tawhta vaw kua u la, Abeipa ta nâmo nata châ pathlatuhpazy hnohta hlâno tawhta chhâzaw châta a cha piepa râh liana he pahrâ teh u.

ZEREMIAH 33:15

“Cha nohzy liata nata cha daihti liata, Dâvi châta Chiah siapa papyusa aw na ta, adona nata siana ta râh liata ryu a reih aw.

ZEREMIAH 33:17

“Abeipa ta hetana heta a tah: Dâvi cha Izarei pathlazy beidyuchhai liata a tyuh awpa chyhsa a phahla beih aw vei.

ZEREMIAH 33:21

nâ chakaotuhpa Dâvi hnohta ei biehrai chhao parao theipa châ aw ta, a beidyuchhai liata ryu a reih awpa sawchapaw hnei leipa aw ta, nâ chakaotuhpa Livai chi theihthaipazy hnohta ei biehrai chhao parao theipa a châ aw.

ZEREMIAH 7:3

Pheisaihzy Abeipa, Izarei Khazohpa ta hetana heta a tah: Nama hrozie nata nama hmotaopazy liata a taopathi u la, chatanachata he su liata ei cha pahrâsa aw ei.

ZEREMIAH 7:7

he su liata pahrâ lymâ awpa ta cha pasai aw ei na ta, châ pathlatuhpazy hnohta hlâno tawhta ei vaw pie hapa râh liana he, chhâzaw nata tlyzaw ta nama pahrâ lymâ aw.

RYHPACHANEINA 17:16

Bei cha arâzy deikua a hluhpi a hnei awpa châ leipa ta, arâ hluhpi hnei thei nawpa ta Izi râh lâ chyhsa a tuah awpa châ vei. Abeipa ta, ‘Tahmâ tawhta cha, cha lâpi lâ nama kua beih khao awpa châ vei,’ cha tah ha tlôh ei ta.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

1 SAMUELA 8:11

Ama hnohta, “Nama chô liata ryu a reih awpa bei taozie awpa cha he hawhna heta a châ aw: Nama sawchapawzy la aw ta, a talailih a haoh awpa ta zy, a arâ a kiah awpa ta zy nata a talailih hmia lâta a râ awpazy ta a rao aw ei.